ಗಜೇಂದ್ರಗಡದಲ್ಲಿ 6 ಶುದ್ಧ ಕುಡಿವ ನೀರಿನ ಘಟಕಗಳು ಬಂದ್‌

ಎಸ್.ಎಂ. ಸೈಯದ್

ಪಟ್ಟಣದಲ್ಲಿ ಪೂರೈಕೆಯಾಗುವ ನೀರಿನಲ್ಲಿ ಪ್ಲೋರೈಡ್ ಅಂಶ ಹೆಚ್ಚಾಗಿದ್ದರಿಂದ ಶುದ್ಧ ಕುಡಿವ ನೀರು ಪೂರೈಕೆಗಾಗಿ ೭ ಶುದ್ಧ ಕುಡಿವ ಘಟಕಗಳನ್ನು ಉದ್ಘಾಟಿಸಲಾಗಿದೆ. ಆದರೆ ೬ ಬಂದ್ ಆಗಿದ್ದು, ೧ ಘಟಕ ಮಾತ್ರ ಕಾರ್ಯ ನಿರ್ವಹಿಸುತ್ತಿದೆ. ಪರಿಣಾಮ ಐಎಸ್‌ಐ ಪ್ರಮಾಣ ಪತ್ರ ಪಡೆಯದ ೮ ಖಾಸಗಿ ಘಟಕಗಳಿಂದ ಪಟ್ಟಣದಲ್ಲಿ ನೀರು ಪೂರೈಕೆಯಾಗುತ್ತಿದೆ. ಈ ಹಿಂದೆ ಪಟ್ಟಣ ಸೇರಿ ಗ್ರಾಮೀಣ ಭಾಗದ ಜನತೆಗೆ ಪ್ಲೋರೈಡ್ ಮುಕ್ತ ನೀರು ಸರಬರಾಜು ಉದ್ದೇಶದಿಂದ ಪ್ರತಿಯೊಂದು ಹಳ್ಳಿ ಹಾಗೂ ಪಟ್ಟಣದಲ್ಲಿ ಅವಶ್ಯಕತೆಗೆ ತಕ್ಕಂತೆ ಶುದ್ಧ ಕುಡಿವ ನೀರಿನ ಘಟಕಗಳ ಸ್ಥಾಪನೆಗೆ ರಾಜ್ಯ ಸರ್ಕಾರ ಚಾಲನೆ ನೀಡಿತ್ತು. ಪರಿಣಾಮ ಪಟ್ಟಣದಲ್ಲಿ ಹೊಸದಾಗಿ ೫ ಶುದ್ಧ ಕುಡಿವ ನೀರು ಘಟಕ ಸ್ಥಾಪನೆಗೆ ಹಿಂದಿನ ಸ್ಥಳೀಯ ಆಡಳಿತ ಕ್ರಿಯಾ ಯೋಜನೆ ಸಿದ್ಧಪಡಿಸಿ ಕಾಮಗಾರಿ ಆರಂಭಕ್ಕೆ ಚಾಲನೆ ನೀಡಿದ್ದರಿಂದ ಪಟ್ಟಣದ ೩, ೧೫, ೧೬, ೧೭ ಹಾಗೂ ೨೩ನೇ ವಾರ್ಡ್‌ನಲ್ಲಿ ಶುದ್ಧ ಕುಡಿವ ನೀರಿನ ಘಟಕಗಳು ನಿರ್ಮಾಣ ಬಳಿಕ ಉದ್ಘಾಟಿಸಲಾಗಿತ್ತು. ಆದರೆ ಘಟಕಗಳು ಉದ್ಘಾಟನೆಗೆ ಸೀಮಿತವಾದ ಪರಿಣಾಮ ಸಾರ್ವಜನಿಕರು ರು.೨ಗೆ ೨೫ ಲೀಟರ್ ನೀರು ಪಡೆಯುವ ಬದಲು ಖಾಸಗಿ ಘಟಕಗಳಲ್ಲಿ ರು.೧೦ ನೀಡಿ ೨೫ ಲೀ ನೀರು ಪಡೆಯುತ್ತಿದ್ದಾರೆ.

ಪಟ್ಟಣದಲ್ಲಿನ ೭ ಶುದ್ಧ ಘಟಕಗಳಲ್ಲಿ ೧ ಘಟಕವು ಆರಂಭವಿದೆ. ಪಟ್ಟಣದಲ್ಲಿ ಸ್ಥಗಿತಗೊಂಡಿರುವ ಘಟಕಗಳ ಪುನರಾರಂಭ ಅಗತ್ಯ ಕ್ರಮವನ್ನು ಕೈಗೊಳ್ಳಲಾಗುತ್ತಿದೆ ಎಂದು ಪುರಸಭೆ ಪ್ರಭಾರಿ ಮುಖ್ಯಾಧಿಕಾರಿ ಬಸವರಾಜ ಬಳಗಾನೂರ ಹೇಳುತ್ತಾರೆ.ಪಟ್ಟಣದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ೮ ಖಾಸಗಿ ಘಟಕಗಳ ಪೈಕಿ ಒಂದು ಘಟಕವು ಮಾತ್ರ ಐಎಸ್‌ಐ ಪ್ರಮಾಣಪತ್ರ ಪಡೆದಿದೆ. ಆದರೆ ಇನ್ನುಳಿದ ೭ ಘಟಕಗಳಿಗೆ ಪುರಸಭೆಯಿಂದ ತಾತ್ಕಾಲಿಕ ಪರವಾನಗಿ ಪತ್ರವನ್ನು ನೀಡಲಾಗಿದೆ. ಹೀಗಾಗಿ ಖಾಸಗಿ ಘಟಕಗಳು ಐಎಸ್‌ಐ ಪ್ರಮಾಣ ಪತ್ರ ಪಡೆಯದಿದ್ದರೆ ಕಠಿಣ ಕ್ರಮಕ್ಕೆ ಮೇಲಧಿಕಾರಿಗಳಿಗೆ ಶಿಫಾರಸು ಮಾಡಲಾಗುವುದು ಪುರಸಭೆ ಆರೋಗ್ಯ ವಿಭಾಗದ ರಾಘವೇಂದ್ರ ಮಂತಾ