ಓದಿಗೆ ಉತ್ತೇಜನ ನೀಡುವ ಪುಸ್ತಕ ಗೂಡು

ಸಾರ್ವಜನಿಕ ಸ್ಥಳಗಳಲ್ಲಿ ಮಿನಿ ಗ್ರಂಥಾಲಯ । ಮಂಗಳೂರು ಗ್ರಾಪಂನಿಂದ ವಿನೂತನ ಕಾರ್ಯ

ಇದು ಗ್ರಂಥಾಲಯವಲ್ಲ. ಪುಸ್ತಕದಂಗಡಿಯೂ ಅಲ್ಲ. ಆದರೆ ಓದಬೇಕು ಅನಿಸಿದರೆ ಇಲ್ಲಿ ಪುಸ್ತಕಗಳು ಸಿಗುತ್ತವೆ. ನಾನಾ ಪುಸ್ತಕಗಳ ಗುಂಪು ಇಲ್ಲಿದೆ. ಹಕ್ಕಿಯ ಗೂಡಿನ ಹಾಗೆ ಇಲ್ಲಿ ಪುಸ್ತಕಗಳ ಗೂಡು ಇದೆ. ಇದು ಸಾರ್ವಜನಿಕರ ಮಸ್ತಕ ತುಂಬಲು ಕೈ ಬೀಸಿ ಕರೆಯುತ್ತಿದೆ.

ತಾಲೂಕಿನ ಮಂಗಳೂರು ಗ್ರಾಮ ಪಂಚಾಯಿತಿ ವತಿಯಿಂದ ಪುಸ್ತಕ ಗೂಡು ನಿರ್ಮಾಣವಾಗಿದೆ. ಮಂಗಳೂರಿನ ಮಂಗಳೇಶ್ವರ ಕಲ್ಯಾಣ ಮಂಟಪದಲ್ಲಿ ಗ್ರಾಪಂ ಪಿಡಿಒ, ಅಧ್ಯಕ್ಷರು, ಆಡಳಿತ ಮಂಡಳಿಯವರು ಸಾರ್ವಜನಿಕರು ಓದಲೆಂದು ಪುಸ್ತಕಗಳನ್ನು ಅವರ ಕೈಗೆ ಸುಲಭವಾಗಿ ನಿಲುಕುವಂತೆ ಇಟ್ಟಿದ್ದಾರೆ.