ಹಾವೇರಿ ಕ್ಷೇತ್ರವನ್ನು ಸಮೃದ್ಧಗೊಳಿಸುವ ಸಂಕಲ್ಪ: ಭರತ್ ಬೊಮ್ಮಾಯಿ

ಹಾನಗಲ್ಲ: ನೀರಾವರಿ ಯೋಜನೆಗಳಿಗೆ ಆದ್ಯತೆ ನೀಡುವ ಮೂಲಕ ಹಾವೇರಿ- ಗದಗ ಲೋಕಸಭಾ ಕ್ಷೇತ್ರವನ್ನು ಸಮೃದ್ಧಗೊಳಿಸುವ ಸಂಕಲ್ಪ ಬಿಜೆಪಿಯದಾಗಿದ್ದು, ಕಾರ್ಖಾನೆ ಸ್ಥಾಪನೆ ಮೂಲಕ ಉದ್ಯೋಗಾವಕಾಶ ನೀಡಲಾಗುವುದು ಎಂದು ಬಿಜೆಪಿ ಯುವ ನಾಯಕ ಭರತ್ ಬೊಮ್ಮಾಯಿ ಹೇಳಿದರು.

ಮಾಜಿ ಶಾಸಕ ಶಿವರಾಜ ಸಜ್ಜನರ ಮಾತನಾಡಿ, ಭ್ರಷ್ಟಾಚಾರ ಮುಕ್ತ ಭಾರತದ ಕನಸು ನರೇಂದ್ರ ಮೋದಿ ಅವರದ್ದಾಗಿದೆ. ಭಾರತದ ಜನರ ಹಿತವೇ ನರೇಂದ್ರ ಮೋದಿ ಅವರ ಯೋಜನೆಯ ಫಲವಾಗಿದೆ. ಭಾರತೀಯರೆಲ್ಲ ಕೋರೋನಾ ಸಂದರ್ಭವನ್ನು ನೆನೆಸಿಕೊಂಡರೆ ನರೇಂದ್ರ ಮೋದಿ ಅವರ ಪ್ರಧಾನಿಯಾಗಿ ಭಾರತೀಯರನ್ನು ದೊಡ್ಡ ರೋಗದಿಂದ ರಕ್ಷಿಸಿದ ಇತಿಹಾಸ ಅರ್ಥವಾಗುತ್ತದೆಎಂದರು.

ಆನಂತರ ಕಂಚಿನೆಗಳೂರು, ಶಂಕ್ರಿಕೊಪ್ಪ, ಕಿರವಾಡಿ, ತಿಳವಳ್ಳಿ, ಮಕರವಳ್ಳಿ, ಶಾಡಗುಪ್ಪಿ, ಹಾವಣಗಿ ಗ್ರಾಮಗಳಲ್ಲಿ ಮನೆ ಮನೆಗಳಿಗೆ ತೆರಳಿ ಪ್ರಚಾರ ನಡೆಸಿ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದರು.

ಬ್ಯಾಡಗಿ ಪಟ್ಟಣದ ಬಸವೇಶ್ವರ ನಗರದಲ್ಲಿ ಲೋಕಸಭೆ ಚುನಾವಣೆ ಬಿಜೆಪಿ ಅಭ್ಯರ್ಥಿ ಬಸವರಾಜ ಬೊಮ್ಮಾಯಿ ಪರ ಚುನಾವಣಾ ಪ್ರಚಾರ ನಡೆಯಿತು.ಬಿಜೆಪಿ ಜಿಲ್ಲಾ ಘಟಕದ ಉಪಾಧ್ಯಕ್ಷ ಬಸವರಾಜ ಛತ್ರದ, ಪುರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷ ಬಾಲಚಂದ್ರಗೌಡ ಪಾಟೀಲ, ಬಿಜೆಪಿ ತಾಲೂಕಾಧ್ಯಕ್ಷ ಶಿವಯೋಗಿ ಶಿರೂರ ಮಾತನಾಡಿದರು.ಈ ವೇಳೆ ಪುರಸಭೆ ಸದಸ್ಯರಾದ ಸುಭಾಸ ಮಾಳಗಿ, ಕಲಾವತಿ ಬಡಿಗೇರ, ಫಕ್ಕೀರಮ್ಮ ಛಲವಾದಿ, ವಿನಯ ಹಿರೇಮಠ, ವಿಜಯ ಭರತ್ ಬಳ್ಳಾರಿ, ಗಾಯತ್ರಿ ರಾಯ್ಕರ, ಶಿವರಾಜ ಅಂಗಡಿ, ಶಿವಯೋಗಿ ಗಡಾದ, ಗಂಗನಗೌಡ್ರ ಪಾಟೀಲ, ಗಣೇಶ ಅಚಲಕರ, ಪರಶುರಾಮ ಉಜನಿಕೊಪ್ಪ, ರೇಣುಕಯ್ಯ ಬೂದಿಹಾಳಮಠ, ಕೆ.ಸಿ. ಸೊಪ್ಪಿನಮಠ, ಮಂಜುನಾಥ ಜಾಧವ ಇನ್ನಿತರರಿದ್ದರು.