ಚುನಾಯಿತರಿಗೆ ಗೌರವ ನೀಡದ ನಗರಸಭೆ ಆಡಳಿತ ಮಂಡಳಿ

ವಿಪ ಸದಸ್ಯರ ಆರೋಪ । ಜೈತುಂಬಿ ಅಧ್ಯಕ್ಷತೆಯಲ್ಲಿ ತುರ್ತು ಕೌನ್ಸಿಲ್ ಸಭೆಕನ್ನಡಪ್ರಭ ವಾರ್ತೆ ಚಳ್ಳಕೆರೆ

ಪ್ರಾರಂಭದ ಹಂತದಲ್ಲಿ ಪೌರಾಯುಕ್ತ ಎಚ್.ಜಿ.ಜಗರೆಡ್ಡಿ ಎಲ್ಲರಿಗೂ ಸ್ವಾಗತಕೋರಿ, ನಗರಸಭೆಯ ಅಭಿವೃದ್ಧಿಗೆ ಸಂಬಂಧಪಟ್ಟಂತೆ ತುರ್ತಾಗಿ ಕೈಗೊಳ್ಳಬೇಕಾದ ಕೆಲವು ವಿಷಯಗಳ ಬಗ್ಗೆ ಅನುಮತಿ ಪಡೆಯುವ ಹಿನ್ನೆಲೆ ತುರ್ತು ಕೌನ್ಸಿಲ್ ಸಭೆ ಹಮ್ಮಿಕೊಂಡಿದ್ದು, ಎಲ್ಲ ಸದಸ್ಯರಿಗೂ ಈಗಾಗಲೇ ಸಭೆಯ ಮಾಹಿತಿ ನೀಡಿದ್ದು, ನಗರದ ಹಿತದೃಷ್ಠಿಯಿಂದ ಸದಸ್ಯರು ತಮ್ಮ ಸಲಹೆ ಸೂಚನೆಗಳನ್ನು ಮುಕ್ತವಾಗಿ ನೀಡುವಂತೆ ಮನವಿ ಮಾಡಿದರು.

2025-26ನೇ ಸಾಲಿಗೆ ಅನ್ವಯವಾಗುವಂತೆ ಮಾನ್ಯ ಪೌರಾಡಳಿತ ನಿರ್ದೇಶಕರ ಸೂಚನೆ ಮೇರೆಗೆ ಆಸ್ತಿ ತೆರಿಗೆ ಮೊತ್ತವನ್ನು ಪರಿಷ್ಕರಿಸುವ ಕುರಿತು ಚರ್ಚಿಸಿ ತೀರ್ಮಾನ ಕೈಗೊಳ್ಳಬೇಕು ಎಂದು ಹೇಳಿದರು.

2018ರಲ್ಲಿ ಈ ಸಮಿತಿ ಆಯ್ಕೆಯಾಗಿದ್ದು, ಇಂದಿಗೂ ಕೂಡ ವಾರ್ಡ್‌ಗಳಲ್ಲಿ ಸೂಕ್ತ ಕಾಮಗಾರಿ ಕೈಗೊಳ್ಳಲು ಸಾಧ್ಯವಾಗಿಲ್ಲ, ಕಡೆಪಕ್ಷ ವಾರ್ಡ್‌ ಸಾರ್ವಜನಿಕರಿಗೆ ಉತ್ತಮ ನೈರ್ಮಲ್ಯ ವಾತಾವಣ ನೀಡಲು ಸಾಧ್ಯವಾಗಿಲ್ಲ, ಇದುವರೆಗೂ ಯಾವುದೇ ವಾರ್ಡ್‌ನಲ್ಲಿ ಡಿಡಿಟಿ ಸಿಂಪಡೆಣೆಯಾಗಿಲ್ಲ, ಪ್ರತಿಯೊಂದು ಸಭೆಯಲ್ಲೂ ಅಧಿಕಾರಿಗಳು ಸುಳ್ಳು ಮಾಹಿತಿ ನೀಡಿ ತಪ್ಪಿಸಿ ಕೊಳ್ಳುತ್ತಾರೆ ಎಂದು ಆರೋಪಿಸಿದರು.

ಸದಸ್ಯರ ವಿರೋಧ ಹೆಚ್ಚಾದಾಗ ಮಧ್ಯ ಪ್ರವೇಶಿಸಿದ ಪೌರಾಯುಕ್ತ ಜಗರೆಡ್ಡಿ, ಈಗಾಗಲೇ ನಗರಸಭೆಗೆ ಡಿಡಿಟಿ ಪೌಂಡರ್ ಸಿದ್ದವಿದ್ದು, ನಾಳೆಯಿಂದಲೇ ವಿವಿಧ ವಾರ್ಡ್‌ಗಳ ಸದಸ್ಯರ ಸಮ್ಮುಖದಲ್ಲಿ ಡಿಡಿಟಿ ಸಿಂಪಡಣೆ ಮಾಡಲಾಗುವುದು ಎಂದು ತಿಳಿಸಿದರು.

ನಗರಸಭೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಆರೋಗ್ಯ ನಿರೀಕ್ಷಕರು ನೈರ್ಮಲ್ಯದ ಬಗ್ಗೆ ನಿರ್ಲಕ್ಷೆ ವಹಿಸಿದ್ದಾರೆಂದು ಸದಸ್ಯರು ಆರೋಪಿಸಿದರು. ಇದಕ್ಕೆ ಧ್ವನಿಗೂಡಿದ ಪೌರಾಯುಕ್ತ ನಾಳೆಯಿಂದಲೇ ಎಲ್ಲಾ ಆರೋಗ್ಯ ನಿರೀಕ್ಷಕರು ತಮಗೆ ನಿಗದಿಪಡಿಸಿದ ವಾರ್ಡ್‌ಗಳಲ್ಲಿದ್ದು ಸಚ್ಛತೆ ಸೇರಿದಂತೆ ಜನರ ಸಮಸ್ಯೆಗಳಿಗೆ ಸ್ಪಂದಿಸಬೇಕು ಎಂದರು.