)
)
)
ಸಾರಾಂಶ
ವಿಜಯಪುರ:
ಪ್ಲಾಸ್ಟಿಕ್ ಬಳಕೆ ತಗ್ಗಿಸುವಲ್ಲಿ ಸರ್ಕಾರ ಕೈಗೊಂಡಿರುವ ನಿರ್ಣಯವನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರುವಂತೆ ಆಗ್ರಹಿಸಿ ಕರುನಾಡ ಕ್ರಾಂತಿ ಸೇನೆಯ ಪದಾಧಿಕಾರಿಗಳು ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.ಕರುನಾಡ ಕ್ರಾಂತಿ ಸೇನೆ ಸಂಸ್ಥಾಪಕ ಅಧ್ಯಕ್ಷ ಪುನೀತ ಸಜ್ಜನ ಮಾತನಾಡಿ, ರಾಷ್ಟ್ರದೆಲ್ಲೆಡೆ ಪ್ಲಾಸ್ಟಿಕ್ ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇದಕ್ಕೆ ವಿಜಯಪುರವು ಹೊರತ್ತಿಲ್ಲ. ಪ್ಲಾಸ್ಟಿಕ್ ಬಳಕೆ ತಗ್ಗಿಸಬೇಕೆಂದು ಸರ್ಕಾರವು ಅನೇಕ ನಿಯಮಗಳನ್ನು, ಯೋಜನೆಗಳನ್ನು ರೂಪಿಸುತ್ತಲೆ ಇದೆ. ಆದರೆ ಅದು ಎಷ್ಟರ ಮಟ್ಟಿಗೆ ಯಶಸ್ವಿಯಾಗುತ್ತದೆ ಎಂಬುವುದು ಮಾತ್ರ ಪ್ರಶ್ನಾರ್ಥಕವಾಗಿದೆ. ಏಕೆಂದರೆ ವರ್ಷದಲ್ಲಿ ಒಂದೆರಡು ಬಾರಿ ಇದರ ಕುರಿತು ಕಟ್ಟುನಿಟ್ಟಿನ ಆದೇಶವಾಗಿದೆ ಎಂದು ಇದನ್ನು ತಡೆಗಟ್ಟುವ ಇಲಾಖೆ ತಮ್ಮ ಸಿಬ್ಬಂಧಿಗಳಿಗೆ ಆದೇಶಿಸಿ ಪ್ಲಾಸ್ಟಿಕ್ ಚೀಲಗಳನ್ನು ವಶಪಡಿಸಿಕೊಂಡು ಅವರಿಗೆ ದಂಡವನ್ನು ವಿಧಿಸಲಾಗುತ್ತದೆ. ನಂತರದಲ್ಲಿ ಮತ್ತೆ ಅದೇ ಕಾಯಕ ಪುನರಾರಂಭವಾಗುತ್ತದೆ ಎಂದು ಆರೋಪಿಸಿದರು.
ಪ್ಲಾಸ್ಟಿಕ್ ಬ್ಯಾಗ್ ಹಾಗೂ ಪರಿಸರಸಕ್ಕೆ ಹಾನಿ ಮಾಡುವ ವಸ್ತುಗಳ ತಯಾರಿಕೆ ಘಟಕಗಳ ಮೇಲೆ ಸಂಪೂರ್ಣ ನಿಷೇಧ ಹೇರಿದಾಗ ಇಂತಹ ಪ್ಲಾಸ್ಟಿಕ ಬಳಕೆಯನ್ನು ಸಂಪೂರ್ಣವಾಗಿ ತ್ಯಜಿಸಬಹುದಾಗಿದೆ. ಇವುಗಳು ಬದಲಾಗಿ ಇತರೆ ಮಾದರಿಯ ಬಳಕೆಯ ವಸ್ತುಗಳ ತಯಾರಿಕಾ ಘಟಕಗಳನ್ನು ಸ್ಥಾಪಿಸಲು ಖುದ್ದಾಗಿ ಸರ್ಕಾರವೇ ಪ್ರೋತ್ಸಾಹ ನೀಡಬೇಕು ಎಂದು ಒತ್ತಾಯಿಸಿದರು.ಅಂತಾರಾಷ್ಟ್ರೀಯ ಕಂಪನಿಗಳಲ್ಲಿ ಅಥವಾ ರಾಷ್ಟ್ರಮಟ್ಟದ ಕಂಪನಿಗಳಲ್ಲಿ ಚಿಪ್ಸ್, ಶಾಂಪೂ, ನೂಡಲ್ಸ್, ಕುರಕುರೆ, ಅಗರಬತ್ತಿಗಳು, ಪುಡ್ ಪ್ಯಾಕೇಟ್‌ಗಳು ಇನ್ನೂ ಸಾವಿರಾರು ವಿಧದ ದೈನಂದಿನ ಸಾಮಗ್ರಿಗಳು ಪ್ಲಾಸ್ಟಿಕ್ ಪ್ಯಾಕೇಟ್‌ಗಳಲ್ಲೇ ಆಗುತ್ತವೆ. ಪ್ಲಾಸ್ಟಿಕ್ ಮುಕ್ತಗೊಳಿಸಿದರೆ ಪ್ಲಾಸ್ಟಿಕ್ ಬಳಕೆಯನ್ನು ಗರಿಷ್ಠ ಮಟ್ಟದಲ್ಲಿ ಮತ್ತಷ್ಟು ನಿಯಂತ್ರಣ ಸಾಧಿಸಬೇಕು ಎಂದು ಆಗ್ರಹಿಸಿದರು.
ಕೇವಲ ದಂಡ ವಿಧಿಸಲು ಮಾತ್ರವೇ ನಿಯಮ ಜಾರಿಯಲ್ಲಿ ತರದೆ ಪರಿಸರಕ್ಕೆ ಆಗುವಂತ ಹಾನಿಯ ದೃಷಿಯಿಂದ ಕಡ್ಡಾಯವಾಗಿ ನಿಯಮ ಜಾರಿಯಲ್ಲಿ ತರಬೇಕು. ದೊಡ್ಡ ದೊಡ್ಡ ಕಂಪನಿಗಳಲ್ಲೂ ಸಹ ದಿನನಿತ್ಯ ಬಳಸುವಂತ ಸಾವಿರಾರು ವಿಧದ ಪ್ಲಾಸ್ಟಿಕ ಪಾಕೇಟ್‌ಗಳ ಮೇಲೆ ನಿಬಂಧಹೇರಬೇಕು ಮತ್ತು ಇದರೆ ಪರ್ಯಾಯ ಮಾರ್ಗಗಳಿಗೆ ಸರ್ಕಾರವೇ ಪ್ರೋತ್ಸಾಹಿಸಿ ಪ್ಲಾಸ್ಟಿಕ್ ಬಳಕೆಯನ್ನು ಪೂರ್ಣ ಪ್ರಮಾಣದಲ್ಲಿ ತಗ್ಗಿಸಬೇಕು ಎಂದು ಒತ್ತಾಯಿಸಿದರು.ಈ ವೇಳೆ ಜಿಲ್ಲಾಧ್ಯಕ್ಷ ರವಿ ಗಾಯಕಾವಾಡ, ಸಾಂಭಾಜೀ ಪಾಟೀಲ್, ಭೀಮಾರೆಡ್ಡಿ ಬ್ಯಾಕೋಡ, ಶಶಾಂಕ ಅಲ್ಲಿಮೋರೆ, ತೀರ್ಥಪ್ಪಾ ಪೂಜಾರಿ, ರವಿ ದೊಡ್ಡಮನಿ, ಪ್ರಶಾಂತ ಪಾಟೀಲ್ ಮುಂತಾದವರು ಇದ್ದರು
)
)
;Resize=(128,128))
;Resize=(128,128))
;Resize=(128,128))