ಗುರಿಯೊಂದಿಗೆ ಕಠಿಣ ಶ್ರಮವಿದ್ದರೆ ಸಾಧನೆ ಸುಲಭ: ಎಡಿಜಿಪಿ ಡಿ.ರೂಪಾ

ಕನ್ನಡಪ್ರಭ ಯುವ ಆವೃತ್ತಿ ಸಂದರ್ಶನ

ಅವರೇ ಐಪಿಎಸ್ ಅಧಿಕಾರಿ ರೂಪಾ ದಿವಾಕರ್ ಮೌದ್ಗಿಲ್. ಇವರು ಪ್ರಸ್ತುತ ಬೆಂಗಳೂರು ಮೆಟ್ರೋ ಪಾಲಿಟನ್ ಟಾಸ್ಕ್ ಫೋರ್ಸ್ ಹೆಚ್ಚುವರಿ ಪೊಲೀಸ್ ಮಹಾ ನಿರ್ದೇಶಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರು ಮೂಲತಃ ದಾವಣಗೆರೆಯವರು. ಇವರ ಪತಿ ಮೌನೀಶ್ ಮೌದ್ಗಿಲ್ ಐಎಎಸ್ ಅಧಿಕಾರಿಯಾಗಿದ್ದು, ಸದ್ಯ ಬಿಬಿಎಂಪಿ ವಿಶೇಷ ಆಯುಕ್ತರಾಗಿದ್ದಾರೆ. ರೂಪಾ 2007ರಲ್ಲಿ ಅಂದಿನ ಮಧ್ಯಪ್ರದೇಶದ ಮುಖ್ಯಮಂತ್ರಿ ಮತ್ತು ಮಾಜಿ ಕೇಂದ್ರ ಸಚಿವೆ ಉಮಾ ಭಾರತಿ ಹಾಗೂ 2008ರಲ್ಲಿ ಮಾಜಿ ಸಚಿವ ಯಾವಗಲ್ ಅವರನ್ನು ಬಂಧಿಸಿದ್ದರು. ಹೀಗಾಗಿ ಇವರ ಹೆಸರು ಕೇಳಿದ ರಾಜಕಾರಣಿಗಳಿಗೆ ನಡುಕ ಶುರುವಾಗುತ್ತದೆ.

ದಾವಣಗೆರೆಯ ಸೇಂಟ್ ಪಾಲ್ಸ್ ಶಾಲೆಯಲ್ಲಿ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ, ಎವಿಕೆ ಕಾಲೇಜಿನಲ್ಲಿ ಪಿಯುಸಿ, ಪದವಿ, ಬೆಂಗಳೂರು ವಿವಿಯಲ್ಲಿ ಸ್ನಾತಕೋತ್ತರ ಪದವಿ ಪೂರ್ಣಗೊಳಿಸಿದ್ದೇನೆ.

ನೀವೆಲ್ಲಾ ಮುಂದೆ ಏನಾಗಬೇಕೆಂದುಕೊಂಡಿದ್ದೀರಿ, ನಿಮ್ಮ ಪಾಲಕರ ಜೊತೆ ಚರ್ಚಿಸಿ ಬಂದು ಹೇಳಿ ಎಂದು ನಾನು ಮೂರನೇ ತರಗತಿಯಲ್ಲಿದ್ದಾಗ ಟೀಚರ್ ಹೇಳಿದ್ದರು. ನಾನು ನಮ್ಮ ತಾಯಿಯನ್ನು ಕೇಳಿದಾಗ ಡಾಕ್ಟರ್ ಆಗಬೇಕು ಅಂದ್ರು, ನನಗೆ ಅದು ಇಷ್ಟ ಆಗಲಿಲ್ಲ. ಬಳಿಕ ತಂದೆಯನ್ನು ಕೇಳಿದೆ. ಅವರು ಐಎಎಸ್, ಐಪಿಎಸ್ ಅಂತ ಇರುತ್ತೆ. ಐಎಎಸ್ ಆದ್ರೆ ಡಿಸಿ ಆಗಿರುತ್ತಿ, ಜಿಲ್ಲೆಯ ಎಲ್ಲಾ ಇಲಾಖೆಗಳು ನಿನ್ನ ವ್ಯಾಪ್ತಿಯಲ್ಲಿ ಬರುತ್ತವೆ. ಐಪಿಎಸ್ ಅಂದ್ರೆ ಪೊಲೀಸ್ ಆಗುತ್ತಿ, ಜಿಲ್ಲೆಯ ಪೊಲೀಸ್ ಅಧಿಕಾರಿಗಳಿಗೆ ಮುಖ್ಯಸ್ಥೆ ಆಗಿರುತ್ತಿ ಅಂದ್ರು. ಆಗ ನಾನು ಶಾಲೆಯಲ್ಲಿ ಟೀಚರ್ ಮುಂದೆ ಐಎಎಸ್, ಐಪಿಎಸ್ ಆಗಬೇಕೆಂದು ಹೇಳಿದೆ. ಆಗ ಎಲ್ಲರಿಂದ ಚಪ್ಪಾಳೆ ತಟ್ಟಿಸಿದರು. ಇದು ನನಗೆ ವಿಶೇಷ ಅನಿಸಿತು. ಅಲ್ಲದೆ ಈ ಉತ್ತರ ಯಾರೂ ಕೊಟ್ಟಿರಲಿಲ್ಲ. ತಾಯಿ ಪ್ರೇರಣೆಯಿಂದ ೮ನೇ ತರಗತಿಯಲ್ಲಿ ಎನ್‌ಸಿಸಿಗೆ ಸೇರಿದೆ. ದೆಹಲಿಯಲ್ಲಿ ನಡೆಯುವ ಗಣರಾಜ್ಯೋತ್ಸವ ಎನ್‌ಸಿಸಿ ಪರೇಡಿಗೆ ರಾಜ್ಯದಿಂದ ಆಯ್ಕೆಯಾಗಿದ್ದೆ. ಅಲ್ಲಿ ‘ಬೆಸ್ಟ್ ಕೆಡೆಟ್‌‘ ಪ್ರಶಸ್ತಿ ಬಂತು ಅದನ್ನು ಆಗ ಐಪಿಎಸ್ ಅಧಿಕಾರಿಯಾಗಿದ್ದ ಕಿರಣ್‌ಬೇಡಿ ಅವರಿಂದ ಸ್ವೀಕರಿಸಿದಾಗ ಅವರಿಂದ ಪ್ರೇರಿತಳಾದೆ. ೨ ವರ್ಷ ಪ್ರೌಢಶಾಲೆ, ೩ ವರ್ಷ ಕಾಲೇಜಿನಲ್ಲಿ ಒಟ್ಟು ೫ ವರ್ಷ ಎನ್‌ಸಿಸಿ ಮುಗಿಸಿ ‘ಎ. ಬಿ.ಸಿ.‘ ಪ್ರಮಾಣ ಪತ್ರ ಪಡೆದೆ. ಆಗ ಖಾಕಿ ಬಗ್ಗೆ ಹೆಚ್ಚು ಒಲವು ಬೆಳೆದಿದ್ದರಿಂದ ಐಪಿಎಸ್ ಆಯ್ಕೆ ಮಾಡಿಕೊಂಡೆ. ಯುಪಿಎಸ್ಸಿ ಪರೀಕ್ಷೆಗೆ ನೀವು ಯಾವ ರೀತಿ ತಯಾರಿ ಮಾಡಿಕೊಂಡಿದ್ದಿರಿ? ಆ ವಿಧಾನ ಹಂಚಿಕೊಳ್ಳಬಹುದಾ?

ಯುಪಿಎಸ್ಸಿ ಪರೀಕ್ಷೆಗೆ ರಚನಾತ್ಮಕ ಅಧ್ಯಯನ ಯೋಜನೆ ಹೊಂದಿರುವುದು ಎಷ್ಟು ಮುಖ್ಯ ಮತ್ತು ತಯಾರಿ ಹಂತದಲ್ಲಿ ನೀವು ನಿಮ್ಮ ಸಮಯವನ್ನು ಹೇಗೆ ನಿರ್ವಹಿಸಿದ್ದಿರಿ?ಈ ಪರೀಕ್ಷೆಗಳಲ್ಲಿ ಬಹಳ ಸರಳವಾದ ಪ್ರಶ್ನೆಗಳು ಬರುವುದಿಲ್ಲ. ಉತ್ತರ ಬರೆಯುವಾಗ ಪ್ರಶ್ನೆಗಳನ್ನು ಆಳವಾಗಿ ವಿಶ್ಲೇಷಣೆ ಮಾಡಿ ಬರೆಯಬೇಕಾಗುತ್ತದೆ. ಬಹಳ ಆಳವಾದ ಜ್ಞಾನ ಬೇಕಾಗುತ್ತದೆ. ಆದ್ದರಿಂದ ಪ್ರತಿದಿನ ಕಠಿಣ ಅಭ್ಯಾಸ ಮಾಡಬೇಕು.

ಯುಪಿಎಸ್ಸಿ ಪರೀಕ್ಷೆ ಕೂಡ ಕಷ್ಟ. ಪೂರ್ವಭಾವಿ, ಮುಖ್ಯ ಪರೀಕ್ಷೆ, ಸಂದರ್ಶನ ಪ್ರಕ್ರಿಯೆ ಪೂರ್ಣವಾಗಬೇಕಾದರೆ ೧.೫ ವರ್ಷ ಬೇಕಾಗುತ್ತದೆ. ಪೂರ್ವಭಾವಿ, ಮುಖ್ಯ ಪರೀಕ್ಷೆಯಲ್ಲಿ ಪಾಸ್ ಆಗಿ ಸಂದರ್ಶನಕ್ಕೆ ಹೋದರೆ ಅಲ್ಲಿ ಫೇಲ್ ಆದರೆ ಮುಂದಿನ ವರ್ಷ ಮತ್ತೆ ಪೂರ್ವಭಾವಿ ಪರೀಕ್ಷೆಯಿಂದ ತಯಾರಿ ಮಾಡಬೇಕಾಗುತ್ತದೆ. ಫೇಲ್ ಆದರೆ ಎದೆಗುಂದದೆ ಕನಿಷ್ಠ ಮೂರು ಬಾರಿಯಾದರೂ ಈ ಪರೀಕ್ಷೆಗೆ ಪ್ರಯತ್ನ ಮಾಡಿ. ಒಂದೇ ಬಾರಿಗೆ ಕೈ ಬಿಡಬೇಡಿ.

ಅಧಿಕಾರಿಯಾಗಿ ನಿಮ್ಮ ವೃತ್ತಿಪರ ಜೀವನದಲ್ಲಿ ನಿಮಗೆ ಸಹಾಯ ಮಾಡಿದ ಪುಸ್ತಕ, ಕೋರ್ಸ್ ಬಗ್ಗೆ ತಿಳಿಸಿ. ನಮ್ಮ ತಾಯಿನೇ ನನಗೆ ಸ್ಫೂರ್ತಿ. ನನಗೆ ಯಾವಾಗಲೂ ಬೆಂಬಲವಾಗಿದ್ದರು. ನಾನು ಐಪಿಎಸ್ ಅಧಿಕಾರಿಯಾಗಲು ನಮ್ಮ ತಂದೆಯೇ ಕಾರಣ. ದಾರಿ ಸಾಗುವುದು ಕಠಿಣವಾದಾಗ ಭಾವನಾತ್ಮಕ ರೀತಿಯಲ್ಲಿಯೂ ನಮ್ಮ ತಾಯಿ ಬೆಂಬಲವಾಗಿದ್ದರು. ಸ್ಪರ್ಧಾತ್ಮಕ ಪರೀಕ್ಷೆ ಬರೆಯುವಾಗ ತಂದೆ, ತಾಯಿ ಬೆಂಬಲ ಬಹಳ ಮುಖ್ಯವಾಗುತ್ತದೆ.

ಅತೀ ಹೆಚ್ಚು ದಿನಪತ್ರಿಕೆ ಓದುತ್ತಿದ್ದುದರಿಂದ ಸಂದರ್ಶನಕ್ಕೆ ಅನುಕೂಲವಾಯಿತು.

ಪರೀಕ್ಷೆ ಸಮಯ ಸಾಕಾಗುವುದಿಲ್ಲ ಆದ್ದರಿಂದ ಪದೇ ಪದೆ ಬರೆದು ಬರವಣಿಗೆ ವೇಗವನ್ನು ಹೆಚ್ಚಿಸಿಕೊಳ್ಳಬೇಕು. ಹಳೆಯ ಪ್ರಶ್ನೆ ಪತ್ರಿಕೆ ಬಿಡಿಸಬೇಕು. ಡೊಡ್ಡ ಗುರಿ ಇಟ್ಟುಕೊಂಡು ಪ್ರತಿದಿನ ಕಠಿಣ ಅಭ್ಯಾಸ ಮಾಡಬೇಕು. ಐಪಿಎಸ್ ಅಧಿಕಾರಿಗೆ ದೈಹಿಕ ಸದೃಢತೆ ಎಷ್ಟು ಮುಖ್ಯ?

ಮೇಲಾಧಿಕಾರಿ/ ರಾಜಕಾರಣಿಗಳು ಒತ್ತಡ ಹಾಕಿದರೆಂದು ತಪ್ಪು ಕೆಲಸ ಮಾಡಬಾರದು. ‘ಸರ್ಕಾರಿ ಕೆಲಸ ದೇವರು ಕೆಲಸ‘ ಎಂಬುದನ್ನು ತಿಳಿದುಕೊಂಡು ಕರ್ತವ್ಯ ನಿರ್ವಹಿಸಬೇಕು. ಕರುಣೆ, ಮಾನವೀಯತೆ ಇಟ್ಟುಕೊಂಡು ಕೆಲಸ ಮಾಡಬೇಕು.