ಕೆರೆಗೆ ನೀರು ತುಂಬಿಸಲು ಕ್ರಮ: ಶಿವರಾಜ ತಂಗಡಗಿ

₹36 ಕೋಟಿ ವೆಚ್ಚದ ನಾನಾ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಿದ ಜಿಲ್ಲಾ ಉಸ್ತುವಾರಿ ಸಚಿವ

ಕ್ಷೇತ್ರದ ಜೀರಾಳ, ಹಣವಾಳ ಹಾಗೂ ಚಿಕ್ಕಡಂಕನಕಲ್ ಗ್ರಾಪಂ ವ್ಯಾಪ್ತಿಯ ₹೩೬ ಕೋಟಿ ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿ ಭಾನುವಾರ ಭೂಮಿಪೂಜೆ ನೆರವೇರಿಸಿದರು.

ಇನ್ನೂ ಕೆಕೆಆರ್‌ಡಿ ಯೋಜನೆಯಡಿ ಜೀರಾಳ ಗ್ರಾಮದಲ್ಲಿ ೨ನೇ ಅಂಗನವಾಡಿ ಕಟ್ಟಡ ಕಾಮಗಾರಿಗೆ ₹೧೬ ಲಕ್ಷ, ಜೀರಾಳದ ಎಸ್‌ಸಿ ಕಾಲನಿಯಲ್ಲಿ ಸಿಸಿರಸ್ತೆ ನಿರ್ಮಾಣಕ್ಕೆ ₹೩೦ ಲಕ್ಷ, ಜೀರಾಳದಿಂದ ಹಿರೇ ಡಂಕನಕಲ್ ಗ್ರಾಮಕ್ಕೆ ಕಲ್ಪಿಸುವ ರಸ್ತೆ ಅಭಿವೃದ್ಧಿಗೆ ₹೨.೧೦ ಕೋಟಿ, ಜೀರಾಳದಿಂದ ಹೊಸ ಜೀರಾಳ ಕಲ್ಗುಡಿ ಗ್ರಾಮದವರೆಗೆ ₹೧.೯೫ ಕೋಟಿ, ಮಸಾರಿ ಕ್ಯಾಂಪಿನ ಭೋವಿ ಕಾಲನಿಯಲ್ಲಿ ಸಿಸಿರಸ್ತೆ ನಿರ್ಮಾಣಕ್ಕೆ ₹೨೬ ಲಕ್ಷ, ಹಣವಾಳ ಗ್ರಾಮದ ಎಸ್‌ಸಿ ಕಾಲನಿಯಲ್ಲಿ ಸಿಸಿರಸ್ತೆಗೆ ₹೩೦ ಲಕ್ಷ, ಹಣವಾಳದಿಂದ ಗಾಂಧಿನಗರದಿಂದ ವಾಯಾ ಹೊಸ ಜೀರಾಳ ಕಲ್ಗುಡಿವರೆಗಿನ ರಸ್ತೆ ಡಾಂಬರೀಕರಣಕ್ಕೆ ₹೨.೮೯ ಕೋಟಿ ಹಾಗೂ ಕೆ.ಹಂಚಿನಾಳದ ಪರಿಶಿಷ್ಟ ಪಂಗಡದ ಕಾಲನಿಯಲ್ಲಿ ಸಿಸಿರಸ್ತೆ ನಿರ್ಮಾಣಕ್ಕೆ ₹೨೦ ಲಕ್ಷ, ಒಟ್ಟು ₹೩೬.೫ ಕೋಟಿ ಮೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗ್ರಾಮಗಳಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಲಾಗಿದ್ದು, ಕ್ಷೇತ್ರವನ್ನು ಹಂತ-ಹಂತವಾಗಿ ಅಭಿವೃದ್ಧಿಪಡಿಸುವುದಾಗಿ ತಿಳಿಸಿದರು.