ಬಾಲರಾಮನ ಪಾದ ಸೇರಿದ ಅಡಕೆ ಹಿಂಗಾರ

ವಿಹಿಂಪ ಹಾಸನ ವಿಭಾಗದ ಸಹ ಕಾರ್ಯದರ್ಶಿ ಆರ್.ಡಿ.ಮಹೇಂದ್ರ

ವಿಶ್ವ ಹಿಂದೂ ಪರಿಷತ್ ಕಾರ್ಯಕರ್ತರು ಪಟ್ಟಣದಿಂದ ಕೊಂಡೊಯ್ದಿದ್ದ ಅಡಕೆ ಹಿಂಗಾರ (ಹೊಂಬಾಳೆ )ಅಯೋಧ್ಯೆ ತಲುಪಿ ಪೂಜೆಗೊಂಡು ಬಾಲರಾಮನ ಪಾದ ಹಾಗೂ ರಾಮಲಲ್ಲಾ ಉತ್ಸವ ಮೂರ್ತಿಯ ಅಲಂಕಾರಕ್ಕೆ ಬಳಸಲಾಗಿದೆ ಎಂದು ವಿಹಿಂಪ ಹಾಸನ ವಿಭಾಗದ ಸಹ ಕಾರ್ಯದರ್ಶಿ ಆರ್.ಡಿ.ಮಹೇಂದ್ರ ತಿಳಿಸಿದ್ದಾರೆ.

ಸೋಮವಾರ ಅಯೋಧ್ಯೆ ತಲುಪಿದ ವಿಹಿಂಪ ಕಾರ್ಯಕರ್ತರು ರಾಮ ಜನ್ಮಭೂಮಿ ಟ್ರಸ್ಟ್ ಪದಾಧಿಕಾರಿಗಳಿಗೆ ಅಡಕೆ ಹಿಂಗಾರ ಹಸ್ತಾಂತರಿಸಿ ಬಾಲರಾಮನ ಪೂಜೆಗೆ ಬಳಸಿ ಮಲೆನಾಡಿನಲ್ಲಿ ಆವರಿಸಿರುವ ಕೃಷಿ ಸಂಬಂಧಿತ ಎಲ್ಲಾ ರೋಗ ರುಜಿನಗಳು ದೂರವಾಗಲಿ ಎಂದು ನಿವೇದಿಸಿಕೊಂಡಿದ್ದೆವು.