ನಾಳೆಯಿಂದ 26ವರೆಗೆ ಅಗ್ನಿವೀರ್ ಸೇನಾ ರ್‍ಯಾಲಿ

ರಾಮಕೃಷ್ಣ ದಾಸರಿ

ಈ ಭಾಗದ ಅದರಲ್ಲಿಯೂ ರಾಯಚೂರು ಜಿಲ್ಲೆಯ ಯುವಕರು ಭಾರತೀಯ ಸೇನೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಬೇಕು ಎನ್ನುವ ಸದುದ್ದೇಶದಿಂದ ಆಯೋಜಿಸಿರುವ ಅಗ್ನಿವೀರ್ಸೇನಾ ರ್ಯಾಲಿಗೆ ಅಗತ್ಯವಾದ ಎಲ್ಲ ರೀತಿಯ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ.

ಮುಂದೆ ಬಂದ ದಾನಿಗಳು : ಸುಮಾರು 19 ದಿನಗಳ ಕಾಲ ಈ ಸೇನಾ ಭರ್ತಿ ರ್ಯಾಲಿಯು ಜರುಗಲಿದ್ದು ಈ ಹಿನ್ನೆಲೆಯಲ್ಲಿ ನಿತ್ಯ 2000 ಜನರಿಗೆ ವಸತಿ, ಉಪಾಹಾರ, ಕುಡಿ ಯುವ ನೀರು, ಮಧ್ಯಾಹ್ನದ ಊಟ ಸೇರಿದಮತೆ ಸಾರಿಗೆ ಸೇವೆಯನ್ನು ಒದಗಿಸಲಾಗಿದೆ. ಅದಕ್ಕಾಗಿ ಜಿಲ್ಲಾಡಳಿತವು ವಿವಿಧ ಸಂಘ-ಸಂಸ್ಥೆಗಳಿಂದ ದೇಣಿಗೆಯನ್ನು ಪಡೆಯುತ್ತಿದ್ದು, ವಾಲ್ಮೀಕಿ, ಭಂಜಾರ ಭವನ, ಸಂತೋಷಿ ಹಬ್ಸೇರಿದಂತೆ ವಿವಿಧ ವಸತಿ ನಿಲಯಗಳಲ್ಲಿ ವಸತಿ ಸೌಲಭ್ಯ ಕಲ್ಪಿಸಿದ್ದು, ಅಷ್ಟೇ ಅಲ್ಲದೇ ರ್ಯಾಲಿ ಸ್ಥಳಕ್ಕೆ ಆಗಮಿಸಲು ಸಾರಿಗೆ ವ್ಯವಸ್ಥೆಯನ್ನು ಮಾಡಲಾಗಿದೆ. ದೂರದ ಊರುಗಳಿಂದ ಬರುವ ಅಭ್ಯರ್ಥಿಗಳು ಕೇವಲ 10 ರು. ನೀಡಿ ಸಾರಿಗೆ ಸವಲತ್ತುನ್ನು ಪಡೆದುಕೊಳ್ಳಬಹುದಾಗಿದೆ. ಸುಮಾರು 80 ಸಾವಿರ ಜನರಿಗೆ ಊಟೋಪಚಾರ, ಇತರೆ ಸವಲತ್ತು ಕಲ್ಪಿಸುವುದಕ್ಕಾಗಿ 30 ಲಕ್ಷ ರು. ಅಂದಾಜಿಸಲಾಗಿದ್ದು, ಅಕ್ಕಿ ಗಿರಣಿ ಮಾಲೀಕರಿಂದ ಅಕ್ಕಿ, ಕಾಯಿಪಲ್ಲೆ ಸಗಟು ವ್ಯಾಪಾರಸ್ಥರ ಸಂಘದಿಂದ ಉಚಿತ ತರಕಾರಿ, ರೋಟರಿ ಕ್ಲಬ್ನಿಂದ ಕುಡಿಯುವ ನೀರು, ಈಶ್ವರಿ ದೇವಸ್ಥಾನ ಸಮಿತಿ ನೇತೃತ್ವದಲ್ಲಿ ಅಡುಗೆ, ಊಟ ಹಾಗೂ ವಸತಿ ನಿರ್ವಹಣೆಯನ್ನು ಸಹ ಮಾಡಲಾಗುತ್ತಿದೆ.

---

- ಕೃಷ್ಣಾ ಶಾವಂತಗೇರಾ, ಉಪನಿರ್ದೇಶಕರು ಆಹಾರ ಇಲಾಖೆ

ಜಿಲ್ಲಾಡಳಿತ, ಈಶ್ವರಿ ದೇವಸ್ಥಾನ ಸಮಿತಿ ಮತ್ತು ವಿವಿಧ ಸಂಘ-ಸಂಸ್ಥೆಗಳ ಸಹಯೋಗದೊಂದಿಗೆ ಸೇನಾ ಭರ್ತಿ ರ್ಯಾಲಿಯಲ್ಲಿ ಪಾಲ್ಗೊಳ್ಳಲು ನಗರಕ್ಕಾಗಮಿಸುವ ಅಭ್ಯರ್ಥಿಗಳಿಗೆ ಉಚಿತ ಉಪಹಾರ, ಊಟದ ವ್ಯವಸ್ಥೆಯನ್ನು ಕಲ್ಪಿಸಿಕೊಡಲಾಗುತ್ತಿದ್ದು, ಅಗತ್ಯ ದಾನಿಗಳಿಂದ ನೆರವು ಹರಿದು ಬರುತ್ತಿದೆ.