ಎಲ್ಲಾ ಕೆಲಸ ಒಂದೇ ಬಾರಿ ಮಾಡಲು ಸಾಧ್ಯವಿಲ್ಲ: ಶಾಸಕ ಕೆ. ಷಡಕ್ಷರಿ

ಸಭೆಯಲ್ಲಿ ಕೊಲಾಹಲ । ಪೌರಾಯುಕ್ತರ ವರ್ಗಾವಣೆಗೆ ಆಗ್ರಹ । ಸಾಮಾನ್ಯ ಸಭೆ ಕನ್ನಡಪ್ರಭ ವಾರ್ತೆ ತಿಪಟೂರು

ನಗರಸಭಾ ಸಭಾಂಗಣದಲ್ಲಿ ಶುಕ್ರವಾರ ನಗರಸಭಾ ಅಧ್ಯಕ್ಷೆ ಯಮುನಾರವರ ಅಧ್ಯಕ್ಷತೆಯಲ್ಲಿ ನಡೆದ ಸಾಮಾನ್ಯ ಸಭೆಯಲ್ಲಿ ಮಾತನಾಡಿದ ಸದಸ್ಯರು, ಬಡವರು, ಜನಸಾಮಾನ್ಯರು ನಗರಸಭೆಯಲ್ಲಿ ಕೆಲಸ ಮಾಡಿಸಿಕೊಳ್ಳಲಾಗುತ್ತಿಲ್ಲ. ಹಣವಿದ್ದರೆ ಮಾತ್ರ ಇಲ್ಲಿ ಕೆಲಸವಾಗುತ್ತದೆ. ಕಮಿಷನ್ ದಂಧೆ ನಡೆಯುತ್ತಿದ್ದು ಇಂತಹ ಭ್ರಷ್ಟ ಪೌರಾಯುಕ್ತರು ಬೇಡ. ಇವರಿಂದ ತಾಲೂಕು ಆಡಳಿತಕ್ಕೆ ಕಪ್ಪುಚುಕ್ಕೆಯಗಾಲಿದೆ ಎಂದರು.

ನಗರಕ್ಕೆ ಕುಡಿಯುವ ನೀರುವ ಪೂರೈಸುವ ಈಚನೂರು ಕೆರೆ ಸ್ಥಳ ಪರಿಶೀಲಿಸಿದ್ದು ಬಂಡ್ ನಿರ್ಮಿಸಲಾಗಿದೆ. ಆದರೆ ಮಳೆ ಬಂದ ಕಾರಣ ನೀರಿಗೆ ಕಲುಷಿತ ಮಿಶ್ರಣವಾಗುತ್ತಿದೆ. ಶಾಶ್ವತ ಪರಿಹಾರ ಮಾಡಲು ಹಣದ ಅವಶ್ಯಕತೆ ಇದ್ದು ಇದಕ್ಕೆ ಟೆಂಡರ್‌ ಆಗಿದ್ದು ಕೂಡಲೇ ಪರಿಹರಿಸಲಾಗುವುದು.

ಸಾಮಾನ್ಯ ಸಭೆಯಲ್ಲಿ ಸಮಸ್ಯೆಗೆ

ಸಭೆಯಲ್ಲಿ ಸಮಸ್ಯೆಗಳಿಗಿಂತ ಸದಸ್ಯರ ಹಾಗೂ ಪೌರಾಯುಕ್ತ ನಡುವಿನ ಗಲಾಟೆ, ಗದ್ದಲವೇ ಹೆಚ್ಚಾಗಿತ್ತು. ಪೌರಾಯುಕ್ತರ ಬೇಜಾಬ್ದಾರಿ ನಡೆಗೆ ಅಸಹಾಯಕತೆಯಿಂದಲೇ ಸದಸ್ಯರಗಳು ಆಕ್ರೋಶ ವ್ಯಕ್ತಪಡಿಸಿದರು. ಶಾಸಕರು ಗಲಾಟೆಯನ್ನು ಶಮನ ಮಾಡಲು ಯತ್ನಿಸುತ್ತಲೇ ಕೆಲ ಸದಸ್ಯರೊಂದಿಗೆ ವಾಗ್ವಾದ ನಡೆಸಿದರು. ಕಳೆದ ಒಂದೂವರೆ ವರ್ಷಗಳ ನಂತರ ಸಭೆ ಕರೆದಿದ್ದರೂ ಇಲ್ಲಿ ಸಮಸ್ಯೆಗಳಿಗೆ ಪರಿಹಾರವಾಗಲಿ ಅಥವಾ ಚರ್ಚೆಯಾಗಲಿ ನಡೆಯಲಿಲ್ಲ. ನಗರಸಭೆಗೆ ಮಹಿಳಾ ಅಧ್ಯಕ್ಷೆಯಾಗಿರುವ ಕಾರಣ ಅವರ ಮಾತನ್ನು ಯಾರು ಕೇಳಿಸಿಕೊಳ್ಳುವ ಗೋಜಿಗೂ ಹೋಗುತ್ತಿರಲಿಲ್ಲ. ಒಟ್ಟಾರೆ ಸಮಯ ಪೋಲಾಗಿದ್ದು ಬಿಟ್ಟರೆ ಸಭೆಯಲ್ಲಿ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಕಂಡುಕೊಳ್ಳುವಲ್ಲಿ ವಿಫಲವಾಯಿತು.