ಗಣತಿಯಲ್ಲಿ ತಾಳೆಯಾಗದ ಜನಸಂಖ್ಯೆ ಅಂಕಿಅಂಶ

ಕನ್ನಡಪ್ರಭ ವಾರ್ತೆ ಬಂಗಾರಪೇಟೆ

ಮನೆಗಳ ಸಂಖ್ಯೆ ಏರಿಕೆ

ಹೆಚ್ಚಾಗಿರುವ ಮನೆಗಳನ್ನು ಗಣತಿಯನ್ನು ಪೂರ್ಣಗೊಳಿಸಲು ಗಣತಿದಾರರು ಮನೆಗಳ ಹುಡುಕಾಟಕ್ಕೆ ಮುಂದಾಗಿದ್ದು, ಗಣತಿದಾರರಿಗೆ ತಲೆನೋವು ಎದುರಾಗಿದೆ. ತಾಲೂಕಿನಲ್ಲಿ ಎಲ್ಲಾ ಗಣತಿದಾರರು ದಿನವೆಲ್ಲಾ ಹುಡುಕಿದರೂ ೧೫೦ ಮನೆಗಳ ಗಡಿ ದಾಟುತ್ತಿಲ್ಲ. ಬೆಸ್ಕಾಂ ಇಲಾಖೆಯವರು ಹಸು ಶೆಡ್, ಶೌಚಾಲಯ ಸೇರಿದಂತೆ ಸಿಕ್ಕ ಸಿಕ್ಕ ಕಡೆ ಸ್ಟಿಕ್ಕರ್‌ಗಳನ್ನು ಅಂಟಿ ಯುಎಚ್‌ಐಡಿಗಳನ್ನು ನಮೂದಿಸಿರುವುದರಿಂದ ಮನೆಗಳ ಸಂಖ್ಯೆ ಹೆಚ್ಚಾಗಿದ್ದು, ಎಷ್ಟೇ ಹುಡುಕಿದರೂ ಮನೆಗಳು ಕಾಣಸಿಗುತ್ತಿಲ್ಲ ಎಂಬುದು ಗಣತಿದಾರರ ಆರೋಪವಾಗಿದೆ.

ಇದರೊಟ್ಟಿಗೆ ತಾಲೂಕುಗಳಲ್ಲಿ ಗಣತಿ ಕಾರ್ಯ ಕೊನೆ ಹಂತ ತಲುಪಿದ್ದರೂ ಸಹ ನಿಗದಿಯಾಗಿರುವ ಜನಸಂಖ್ಯೆ ಸಿಗುತ್ತಿಲ್ಲ. ಗಣತಿದಾರರು ಗಣತಿ ವೇಳೆ ಮನೆಯಲ್ಲಿನ ಪಡಿತರ ಚೀಟಿಯಂತೆ ಒಟ್ಟೂ ಜನಸಂಖ್ಯೆಯನ್ನು ಸರಿಯಾಗಿ ಗಣತಿಯಲ್ಲಿ ಸರಿಯಾಗಿ ನಮೂದಿಸಿಲ್ಲ ಎಂಬ ಆರೋಪ ಕೇಳಿ ಬಂದಿದ್ದು, ಇದರಿಂದ ಮತ್ತೊಮ್ಮೆ ಗಣತಿದಾರರು ಮನೆಗಳಿಗೆ ಭೇಟಿ ನೀಡಬೇಕಾದ ಅನಿವಾರ್ಯ ಎದುರಾಗಿದೆ. ಅದರಿಂದ ತಾಲ್ಲೂಕು ಕಚೇರಿಯಲ್ಲಿ ಗಣತಿದಾರರು ನೀಡಿರುವಂತಹ ದೂರವಾಣಿ ಸಂಖ್ಯೆಯನ್ನು ಬಳಸಿಕೊಂಡು ಕುಟುಂಬ ಸದಸ್ಯರಿಗೆ ಕರೆ ಮಾಡಿ ಕ್ರಾಸ್ ಚೆಕ್ ಮಾಡುವ ಕಾರ್ಯ ತಾಲೂಕು ಆಡಳಿತ ಮಾಡುತ್ತಿದೆ. ಇದರಲ್ಲಿ ಕುಟುಂಬ ಸದಸ್ಯರ ಸಂಖ್ಯೆ ಕಂಡು ಬಂದರೆ ಅಂತಹ ಮನೆಯ ಗಣತಿ ಕಾರ್ಯವನ್ನು ಮತ್ತೊಮ್ಮೆ ಮಾಡಿ ನಿಗದಿತ ದಿನಾಂಕದೊಳಗೆ ಸರ್ಕಾರಕ್ಕೆ ವರದಿಯನ್ನು ಸಲ್ಲಿಸಲು ಅಧಿಕಾರಿಗಳು ಮುಂದಾಗಿದ್ದಾರೆ.

ಕೋಟ್‌........................

ಸುಜಾತ, ತಹಸೀಲ್ದಾರ್.