ಕಲಬುರಗಿಯ ಪ್ರತಿಷ್ಟಿತ ಅಪ್ಪಾ ಪಬ್ಲಿಕ್ ಶಾಲೆಯಲ್ಲಿ ದ್ವಿತೀಯ ವಿಭಾಗದ 9 ಮತ್ತು 12 ನೇ ತರಗತಿಯ ಮಕ್ಕಳಿಗೆ ಇಂಟ್ರಾ ಸ್ಕೂಲ್ ಸ್ಪೆಲ್ಲಿಂಗ್ ಬೀ ಅಧ್ಯಾಯ 6 ರ ಸ್ಪರ್ಧೆ ಯಶಸ್ವಿಯಾಗಿ ನಡೆಯಿತು. 9 ನೇ ಮತ್ತು 12 ನೇ ತರಗತಿಯಿಂದ ಒಟ್ಟು 51 ಮಕ್ಕಳು 3 ನೇ ಹಂತಕ್ಕೆ ಆಯ್ಕೆಗೊಂಡಿದ್ದರು. 3 ಸುತ್ತಿನಲ್ಲಿ ತರಗತಿಯ ಎಲ್ಲಾ ಮಕ್ಕಳಿಗೂ ಬರವಣಿಗೆ ರೂಪದಲ್ಲಿ ಸ್ಪರ್ಧೆ ನಡೆಸಲಾಗಿತ್ತು. ಗರಿಷ್ಠ ಅಂಕಗಳನ್ನು ಪಡೆದ 51 ವಿದ್ಯಾರ್ಥಿಗಳು 2 ನೇ ಹಂತಕ್ಕೆ ಆಯ್ಕೆಯಾದರು.
ಕನ್ನಡಪ್ರಭ ವಾರ್ತೆ ಕಲಬುರಗಿ ಕಲಬುರಗಿಯ ಪ್ರತಿಷ್ಟಿತ ಅಪ್ಪಾ ಪಬ್ಲಿಕ್ ಶಾಲೆಯಲ್ಲಿ ದ್ವಿತೀಯ ವಿಭಾಗದ 9 ಮತ್ತು 12 ನೇ ತರಗತಿಯ ಮಕ್ಕಳಿಗೆ ಇಂಟ್ರಾ ಸ್ಕೂಲ್ ಸ್ಪೆಲ್ಲಿಂಗ್ ಬೀ ಅಧ್ಯಾಯ 6 ರ ಸ್ಪರ್ಧೆ ಯಶಸ್ವಿಯಾಗಿ ನಡೆಯಿತು. 9 ನೇ ಮತ್ತು 12 ನೇ ತರಗತಿಯಿಂದ ಒಟ್ಟು 51 ಮಕ್ಕಳು 3 ನೇ ಹಂತಕ್ಕೆ ಆಯ್ಕೆಗೊಂಡಿದ್ದರು. 3 ಸುತ್ತಿನಲ್ಲಿ ತರಗತಿಯ ಎಲ್ಲಾ ಮಕ್ಕಳಿಗೂ ಬರವಣಿಗೆ ರೂಪದಲ್ಲಿ ಸ್ಪರ್ಧೆ ನಡೆಸಲಾಗಿತ್ತು. ಗರಿಷ್ಠ ಅಂಕಗಳನ್ನು ಪಡೆದ 51 ವಿದ್ಯಾರ್ಥಿಗಳು 2 ನೇ ಹಂತಕ್ಕೆ ಆಯ್ಕೆಯಾದರು.ವಿದ್ಯಾರ್ಥಿಗಳ ಭಾಷಾ ಕೌಶಲ್ಯ ಮತ್ತು ಶಬ್ದ ಭಂಡಾರ ಹೆಚ್ಚಿಸುವ ಉದ್ದೇಶದಿಂದ ಎಲ್ಲ ವಿಷಯಗಳ ಪಠ್ಯಪುಸ್ತಕದಿಂದ 1540 ಶಬ್ದಗಳನ್ನು ಆಯ್ದುಕೊಂಡು 2ನೇ ಹಂತದ ಸ್ಪರ್ಧೆ ಏರ್ಪಡಿಸಲಾಗಿತ್ತು.
2 ಕ್ಷಿಪ್ರ ಪ್ರತಿಕ್ರಿಯೆಯುಳ್ಳ (ರಾಪಿಡ್ ಫೈರ್) ಸುಮಾರು 17 ಸುತ್ತುಗಳ ಸ್ಪರ್ಧೆಯ ನಂತರ ವಿಜೇತರು ಹೊರಹೊಮ್ಮಿದರು. (ರಾಪಿಡ್ ಫೈರ್) ದ 2 ನೇ ಹಂತದ ಸ್ಪರ್ಧೆಯಲ್ಲಿ ಭಾಗವಹಿಸಿ ವಿಜೇತರಾದ ಮಕ್ಕಳಲ್ಲಿ 10 ನೇ ತರಗತಿಯ ವಿದ್ಯಾರ್ಥಿಗಳಾದ ಅಪೂರ್ವ ಕಟ್ಟಿ (ಪ್ರಥಮ ಸ್ಥಾನ), ಸ್ನೇಹಾ ವಿಜಯಕುಮಾರ ನವದಿ (ದ್ವಿತೀಯ ಸ್ಥಾನ), ಆಶ್ರಿತಾ ಮಲ್ಲಿಕಾರ್ಜುನ ವಾಲಿ (ತೃತೀಯ ಸ್ಥಾನ ) ಪಡೆದು ಆಯ್ಕೆಯಾಗಿದ್ದಾರೆ. 1ನೇ ತರಗತಿಯಿಂದ ಪ್ರಾರಂಭವಾಗುವ ಈ ಸ್ಪೆಲ್ಲಿಂಗ್ ಬೀ ಸ್ಪರ್ಧೆ 12 ನೇ ತರಗತಿಯ ಮಕ್ಕಳವರೆಗೂ ಮುಂದುವರಿದಿತ್ತು. ಅಪ್ಪಾ ಪಬ್ಲಿಕ್ ಶಾಲೆಯ ಪ್ರಾಂಶುಪಾಲ ಶಂಕರಗೌಡ ಹೊಸಮನಿ, ಉಪ ಪ್ರಾಂಶುಪಾಲ ವಿಜು ಕಲ್ಲಾರ್ ಜೋಸ್, ಸಂಯೋಜಕರಾದ ಸುನೀತಾ ಜೂಪಳ್ಳಿ , ಮಂಜುನಾಥ. ವೈ. ಪಾಟೀಲ, ವಿಭಾಗದ ಸಂಯೋಜಕ ಜೋಸೆಫ್ ವರ್ಗೀಸ್ , ಪ್ರತಿಮಾ ಪಾಟೀಲ, ಸಂಗಮೇಶ ಬೋರೋಟಿ ಸಿಬ್ಬಂದಿ ಉಪಸ್ಥಿತರಿದ್ದರು.ವಿದ್ಯಾರ್ಥಿಗಳ ಈ ಪ್ರಯತ್ನ ಶ್ಲಾಘಿಸಿದ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಅಧ್ಯಕ್ಷೆ ಮಾತೋಶ್ರೀ ಡಾ. ದಾಕ್ಷಾಯಿಣಿ ಅವ್ವಾಜಿಯವರು ಭಾಷಾ ಕಲಿಕೆಯನ್ನು ಹೆಚ್ಚಿಸುವ ಇಂತಹ ಸ್ಪರ್ಧೆಗಳು ಮುಂದುವರೆಯಲಿ ಎಂದರು. ಮಕ್ಕಳ ಉನ್ನತ ಕಲಿಕೆಯ ಮಟ್ಟದಿಂದ ರಾಷ್ಟ್ರದ ಪ್ರಗತಿಯು ದಿಟವೆಂದು ಹೇಳುತ್ತ ಆಶೀರ್ವದಿಸಿ ಸಂತಸ ವ್ಯಕ್ತಪಡಿಸಿದರು.
