ಮೈಸೂರು- ಕುಶಾಲನಗರ ಭೂಸ್ವಾಧೀನ, ಕೇರಳ- ಕೊಳ್ಳೇಗಾಲ ಷಟ್ಪಥಕ್ಕೆ ಮನವಿ

ಕನ್ನಡಪ್ರಭ ವಾರ್ತೆ ಮೈಸೂರು

ಸಭೆಯಲ್ಲಿ ಮುಖ್ಯವಾಗಿ ಬೆಂಗಳೂರು- ಮೈಸೂರು ಎಕ್ಸ್ ಪ್ರೆಸ್ ವೇ ಯಲ್ಲಿ ರಸ್ತೆ ಸುರಕ್ಷತೆಗಾಗಿ ಹೆಚ್ಚುವರಿ ಮಂಜೂರಾತಿ, ಮೈಸೂರು- ಕುಶಾಲನಗರ ಭಾಗಕ್ಕೆ ಭೂಸ್ವಾಧೀನ ಮತ್ತು ಅನುಮತಿ ಹಾಗೂ ಕೇರಳದಿಂದ ಕೊಳ್ಳೆಗಾಲದವರೆಗೆ 6 ಪಥಗಳ ಹೆದ್ದಾರಿಯನ್ನು ಮೇಲ್ದರ್ಜೆಗೇರಿಸಲು ಮನವಿ ಮಾಡಲಾಯಿತು.

ಮೈಸೂರು - ಕುಶಾಲನಗರ ರಾಷ್ಟ್ರೀಯ ಹೆದ್ದಾರಿ - 275 ರ ಕೆಲಸವನ್ನು ಪ್ರಾರಂಭಿಸಲು ಭೂಸ್ವಾಧೀನ ಪ್ರಕ್ರಿಯೆಗೆ ಚಾಲನೆ ನೀಡುವಂತೆ ಕೋರಿದರು. ವಶಪಡಿಸಿಕೊಂಡ ಭೂ ಮಾಲೀಕರಿಗೆ ಪರಿಹಾರ ವಿತರಣೆಯನ್ನು ತ್ವರಿತಗೊಳಿಸಬೇಕು, ಕೇರಳದಿಂದ- ಕೊಳ್ಳೇಗಾಲ ವಿಭಾಗವು ರಾಷ್ಟ್ರೀಯ ಹೆದ್ದಾರಿ 766 ವಿಭಾಗವು ಕೊಳ್ಳೇಗಾಲ- ಟಿ. ನರಸೀಪುರ- ಮೈಸೂರು- ನಂಜನಗೂಡು- ಗುಂಡ್ಲುಪೇಟೆ- ಕೋಜಿಕೋಡ್ ಮೂಲಕ ಹಾದು ಹೋಗುತ್ತದೆ.

ಮೈಸೂರಿನಿಂದ ನಂಜನಗೂಡಿಗೆ 20ಕಿಮೀ ಉದ್ದದ ಸಂಚಾರದ ತೀವ್ರತೆ 40,000 ಪಿಸಿಯುಗಳಿಗಿಂತ ಹೆಚ್ಚಿದೆ ಮತ್ತು ಮುಖ್ಯ ಟ್ರಾಫಿಕ್ ಉತ್ಪಾದನಾ ಕೇಂದ್ರಗಳು ರೈಲ್ವೆಯ ಕಂಟೈನರ್ ಡಿಪೋ, ಕಡಕೋಳ, ತಾಂಡವಪುರ ಮತ್ತು ನಂಜನಗೂಡು ಮುಂತಾದ ಕೈಗಾರಿಕಾ ಪ್ರದೇಶಗಳು ದಕ್ಷಿಣ ಕಾಶಿ - ದೇವಸ್ಥಾನ ಮತ್ತು ಚಾಮರಾಜನಗರದ ಕಡೆಗೆ ರಾಷ್ಟ್ರೀಯ ಹೆದ್ದಾರಿ- 150ಎ ಅನ್ನು ವಿಭಜಿಸುತ್ತದೆ. ಊಟಿ ಮತ್ತು ವಿಮಾನ ನಿಲ್ದಾಣದ ರಸ್ತೆಯು ಇಲ್ಲಿಯೇ ಇರುವುದರಿಂದ ಈ ರಸ್ತೆಯನ್ನು 6 ಲೇನ್ ಗೆ ನವೀಕರಿಸುವ ಅಗತ್ಯವಿದೆ. ಈ ಸಂಬಂಧ ಡಿಪಿಆರ್ ತಯಾರಿಸಲು ಅಧಿಕಾರಿಗಳಿಗೆ ಅಗತ್ಯ ಸೂಚನೆ ನೀಡುವಂತೆ ಅವರು ಕೋರಿದರು.

ಸಚಿವರ ಬೆಂಬಲ ಮತ್ತು ಮಾರ್ಗದರ್ಶನವು ಮೈಸೂರು- ಕೊಡಗಿನ ಮೂಲ ಸೌಕರ್ಯ ಪರಿವರ್ತಿಸಲು, ಸಂಪರ್ಕ ಹೆಚ್ಚಿಸಲು ಸಹಕಾರಿಯಾಗುವ ಜೊತೆಗೆ ಮೈಸೂರಿನ ಬೆಳವಣಿಗೆಗೆ ಅನುಕೂಲವಾಗಲಿದೆ ಎಂದು ಕೇಂದ್ರ ಸಚಿವರಿಗೆ ಮನವಿ ಮಾಡಿದರು.