ಮಹದಾಯಿ ಯೋಜನೆ ಜಾರಿಗೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರಗೆ ಮನವಿ

ನರಗುಂದ: ಉತ್ತರ ಕರ್ನಾಟಕ ಭಾಗದ ರೈತರ ನಾಲ್ಕು ದಶಕದ ಕನಸಾದ ಮಹದಾಯಿ ಯೋಜನೆ ಜಾರಿಗೊಳಿಸಬೇಕೆಂದು ಕರ್ನಾಟಕ ರೈತಸೇನೆ ಅಧ್ಯಕ್ಷ ಶಂಕ್ರಣ್ಣ ಅಂಬಲಿ ಅವರು ಸಿಎಂಗೆ ಆಗ್ರಹಿಸಿದರು.

ಅದೇ ರೀತಿ ಪಟ್ಟಣದಲ್ಲಿ 1980ರಲ್ಲಿ ರೈತರ ಚಳವಳಿಯಲ್ಲಿ ಗುಂಡಿಗೆ ಬಲಿಯಾದ ನರಗುಂದ ರೈತರ ಸ್ಮಾರಕ ಮತ್ತು ಭವನಕ್ಕಾಗಿ ಸ್ಥಳ ನಿಗದಿ ಮಾಡಬೇಕು ಎಂದು ಒತ್ತಾಯಿಸಿದರು.

ರೈತ ಮುಖಂಡರಾದ ವೀರಣ್ಣ ಸೊಪ್ಪಿನ, ಶಂಕರಗೌಡ ಪಾಟೀಲ, ಮನೋಹರ ಹುಯಿಲಗೋಲ, ಚನ್ನು ನಂದಿ, ನಬಿಸಾಬ ಕಿಲ್ಲೇದಾರ, ಸೇರಿದಂತೆ ಮುಂತಾದವರು ಇದ್ದರು. ಮಳೆಗಾಗಿ ಕೋರೆಮ್ಮ ದೇವಿಗೆ ಮೊರೆ

ತಾಲೂಕಿನಲ್ಲಿ ಮಳೆಗಾಗಿ ರೈತರು ಕಪ್ಪೆ ಮದುವೆ, ಗುರ್ಜಿ ಪೂಜೆ, ಕತ್ತೆಗಳ ಮೆರವಣಿಗೆ ಸೇರಿದಂತೆ ವಿವಿಧ ದೇವರಿಗೆ ಮೊರೆ ಹೋಗಿ ಪೂಜಾ ಕೈಂಕರ್ಯಗಳು ನೆರವೇರಿಸಿದ್ದಾರೆ. ಆದರೂ ಮುಂಗಾರು ಹಂಗಾಮಿನಲ್ಲಿ ಮಳೆಯು ಕಣ್ಣಾಮುಚ್ಚಾಲೆ ಆಡುತ್ತಾ ರೈತರಲ್ಲಿ ಆತಂಕ ಮೂಡಿಸಿದೆ.ರೈತರು ಬಿತ್ತನೆ ಮಾಡಿದ ಬೆಳೆ ಉಳಿಸಿಕೊಳ್ಳಲು ಹರಸಾಹಸ ಪಡುತ್ತಿದ್ದಾರೆ. ಮುಂಗಾರು ಹಂಗಾಮಿನಲ್ಲಿ ಬಿತ್ತನೆ ಮಾಡಿದ ಹೆಸರು, ಮೆಕ್ಕೆ ಜೋಳ, ಶೇಂಗಾ, ಬಿಟಿ ಹತ್ತಿ, ಬೆಳ್ಳುಳ್ಳಿ, ಸೋಯಾ, ಮೆಣಸಿನಕಾಯಿ, ಈರುಳ್ಳಿ ಸೇರಿದಂತೆ ವಿವಿಧ ಬೆಳೆಗಳ ಮೊಳಕೆಯೊಡೆದು ಬೆಳೆದ ಬೆಳೆಗಳು ತೇವಾಂಶದ ಕೊರತೆಯಿಂದ ಬಾಡಿ ಹೋಗುವ ಹಂತಕ್ಕೆ ತಲುಪಿದ್ದರೂ ಮಳೆ ಇಲ್ಲದೆ ರೈತರು ಕಂಗಾಲಾಗಿದ್ದಾರೆ. ರೈತರು ಬೆಳೆ ಉಳಿಸಿಕೊಳ್ಳಲು ಪಡಬಾರದ ಕಷ್ಟಪಡುತ್ತಿದ್ದಾರೆ. ಟ್ಯಾಂಕರ್ ಮೂಲಕ ನೀರು ಹಾಯಿಸುವುದು, ಹಳ್ಳದ ನೀರನ್ನು ಮೋಟರ್ ಮೂಲಕ ತಂದು ತುಂತುರು ನೀರಾವರಿ ಮಾಡಿದ ಉದಾಹರಣೆಗಳು ಕಾಣಸಿಗುತ್ತವೆ. ಅದರೂ ಮಳೆ ಮಾತ್ರ ಭೂಮಿಯತ್ತ ಇಣುಕಿ ನೋಡುತ್ತಿಲ್ಲ.