ಬಲಿಜ ಸಮುದಾಯ ಪ್ರವರ್ಗ 3ಎ ಗೆ ಸೇರಿಸಲು ಒತ್ತಾಯ

ಬಲಿಜ ಸಂಘ, ಯೋಗಿ ನಾರೇಯಣ ಬಲಿಜ ನೌಕರರ ಸೇವಾ ಟ್ರಸ್ಟ್ ಹಾಗೂ ಚಾರಿಟಬಲ್ ಟ್ರಸ್ಟ್‌ನಿಂದ ಪ್ರತಿಭಟನೆಕನ್ನಡಪ್ರಭ ವಾರ್ತೆ ಕೋಲಾರ

ಜಿಲ್ಲಾ ಬಲಿಜ ಸಂಘದ ಅಧ್ಯಕ್ಷ ಕೆ.ಎನ್.ರವೀಂದ್ರ ಕುಮಾರ್ ಮಾತನಾಡಿ, ಕರ್ನಾಟಕ ಶಾಶ್ವತ ಹಿಂದುಳಿದ ವರ್ಗಗಳ ಆಯೋಗದ ಅವಕೃಪೆಗೆ ಒಳಗಾಗಿ ಕಳೆದ ೧೯೯೪ ರಿಂದ ೨೦೧೧ ರವರೆಗೆ ಹಿಂದುಳಿದ ವರ್ಗಗಳ ಮೀಸಲಾತಿ ಪಟ್ಟಿಯಲ್ಲಿ ೩ ಎ ವರ್ಗದಲ್ಲಿದ್ದ ಬಲಿಜ ಜನಾಂಗವನ್ನು ನಿರಂತರ ಹೋರಾಟದ ಫಲವಾಗಿ ಶಿಕ್ಷಣಕ್ಕೆ ೨ಎ ಮೀಸಲಾತಿ ಮತ್ತು ಉದ್ಯೋಗಕ್ಕೆ ೩ಎ ಮೀಸಲಾತಿ ನೀಡಿತ್ತು. ರಾಜ್ಯದಲ್ಲಿ ಯಾವೂದಾದರೂ ಹಿಂದುಳಿದ ವರ್ಗದ ಜಾರಿ ಎರಡು ಪ್ರವರ್ಗಗಳಲ್ಲಿ ಇದೆಯೇ ಎಂದು ಪ್ರಶ್ನಿಸಿದರು.

ಆದರೆ ಬಲಿಜ ಜನಾಂಗ ಮೀಸಲಾತಿ ಎರಡು ಪ್ರವರ್ಗಗಳಿಗೆ ಹಂಚಿಕೆ ಮಾಡಿರುವುದು ಇತಿಹಾಸದಲ್ಲಿಯೇ ಪ್ರಪ್ರಥಮವಾಗಿದೆ. ಸರ್ವರಿಗೂ ಸಮಪಾಲು-ಸರ್ವರಿಗೂ ಸಮ ಬಾಳು ಹೆಸರಿನಲ್ಲಿ ಆಡಳಿತ ನಡೆಸುತ್ತಿರುವ ಸರ್ಕಾರಗಳ ಕಾರ್ಯ ವೈಖರಿಗಳ ಅವೈಜ್ಞಾನಿಕತೆಯ ಪರಮಾವಧಿಯಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಬಲಿಜ ಸಮುದಾಯವು ಅನೇಕ ಹೋರಾಟಗಳನ್ನು ಕೈಗೊಂಡ ಹಿನ್ನಲೆಯಲ್ಲಿ ಬಿ.ಎಸ್.ಯಡಿಯೂರಪ್ಪ ಮುಖ್ಯ ಮಂತ್ರಿಯಾಗಿದ್ದ ಸಂದರ್ಭದಲ್ಲಿ ಬಲಿಜ ಸಮುದಾಯಕ್ಕೆ ಶೈಕ್ಷಣಿಕವಾಗಿ ೨ಎ ಯಿಂದ ೩ಎ ಮೀಸಲಾತಿಗೆ ಆದೇಶಿಸಿದರು ಎಂದು ಹೇಳಿದರು.

೩ಎ ಮೀಸಲಾತಿಯಿಂದ ಅನೇಕ ಸೌಲಭ್ಯಗಳಿಂದ ವಂಚಿತರಾಗಿರುವ ಬಲಿಜ ಸಮುದಾಯವು ಹಿಂದುಳಿದ ಆಯೋಗಕ್ಕೆ ೩ಎ ಯಿಂದ ೨ಎಗೆ ಬದಲಾವಣೆ ಮಾಡಬೇಕೆಂದು ಅನೇಕ ಹೋರಾಟಗಳನ್ನು ಮಾಡಿದ್ದಲ್ಲದೆ ರಾಜ್ಯ ರಾಚ್ಚನ್ಯಾಯಾಲಯದಲ್ಲಿ ಧಾವೆ ಹೊಡಿದ್ದ ಸಂದರ್ಭದಲ್ಲಿ ಹಿಂದುಳಿದ ಆಯೋಗದ ಮಾಜಿ ಅಧ್ಯಕ್ಷ ಹಾಗೂ ವಕೀಲ ಕಾಂತರಾಜು ಅವರು ನ್ಯಾಯಾಲಯದಲ್ಲಿ ಬಲಿಜ ಜನಾಂಗದ ವಿರುದ್ದ ವಾದ ಮಂಡಿಸಿದರು, ಇವರಿಂದ ಬಲಿಜ ಸಮುದಾಯವು ಮರಳಿ ನ್ಯಾಯಾ ಪಡೆಯಲು ಸಾಧ್ಯವೇ ಎಂದು ಪ್ರಶ್ನಿಸಿದರು.

ಬಲಿಜ ಸಮುದಾಯದ ಹಿರಿಯ ಮುಖಂಡ ನಾರಾಯಣಸ್ವಾಮಿ, ಬಲಿಜ ಸಮುದಾಯದ ಮುಖಂಡರಾದ ಫಾರೆಸ್ಟ್ ಶ್ರೀಧರ್, ರಂಗನಾಥ್, ಚಮಕೂರು ಶ್ರೀನಿವಾಸ್, ಬೆಮೆಲ್ ಸುಬ್ಬಣ್ಣ, ಅರುಣಮ್ಮ, ಬಾಲಾಜಿ, ವೆಂಕಟೇಶ್ ಇದ್ದರು.