ಬಸರವಳ್ಳಿ ಪಂಚಾಯಿತಿ ಹಸಲರ ವಾರ್ಡಿಗೆ ಬೇಕಿದೆ ಸಂಪರ್ಕ ಸೇತುವೆ

ಮಳೆ ಬಂದಾಗ ಲೆಲ್ಲ ಮಳೆ ನೀರಿನಿಂದ ಮುಚ್ಚಿ ಹೋಗುವ ಸಂಪರ್ಕ ರಸ್ತೆ ಜೋಸೆಫ್.ಎಂ.ಆಲ್ದೂರು

ಬಸರವಳ್ಳಿ ಪಂಚಾಯಿತಿ ವ್ಯಾಪ್ತಿಯ ಹಸಲರೇ ವಾಸವಿರುವ ವಾರ್ಡಿಗೆ ಮಳೆ ಬಂದರೆ ಸಂಪರ್ಕ ಕಡಿತದ ಚಿಂತೆ. ಹಳ್ಳದ ನೀರಿನಿಂದ ಸಂಪೂರ್ಣ ರಸ್ತೆ ಮುಚ್ಚಿ ಹೋಗುವುದರಿಂದ ಕೇಳುವವರಿಲ್ಲ ಸ್ಥಳೀಯ ನಿವಾಸಿಗಳ ಗೋಳು. ವಾರ್ಡಿನ ಸನಿಹದ ಅರಣ್ಯ ಪ್ರದೇಶದ ನಡುವಿನಿಂದ ಹರಿಯುವ ನೀರಿನ ಮೂಲ ಆನೆ ಬಿದ್ದ ಹಳ್ಳಕ್ಕೆ ಸೇರಿ ಬಳಿಕ ಭದ್ರಾ ನದಿ ಕೂಡಿಕೊಳ್ಳುತ್ತದೆ. ಮಾನ್ಸೂನ್ ಸಮಯದಲ್ಲಿ ಮಳೆ ನೀರಿನ ಹರಿವಿನಿಂದ ಹಳ್ಳ ತುಂಬಿ ಹರಿಯುತ್ತದೆ. ಮಳೆ ಯಾವಾಗ ಬಂದರೂ ಈ ವಾರ್ಡಿಗೆ ಸಂಪರ್ಕಿಸುವ ರಸ್ತೆ ಸಂಪೂರ್ಣ ಮುಚ್ಚಿ ಹೋಗುವುದಲ್ಲದೆ ಸಂಪರ್ಕ ಸ್ಥಗಿತವಾಗುತ್ತದೆ.

ಶಾಲಾ ಕಾಲೇಜುಗಳಿಗೆ ಈ ರಸ್ತೆ ಮೂಲಕವೇ ತೆರಳ ಬೇಕು ಆದರೆ ರಸ್ತೆ ಮುಚ್ಚಿದರೆ ಸರಿಯಾದ ಸಮಯಕ್ಕೆ ತರಗತಿಗಳಿಗೆ ಹಾಜ ರಾಗಲು ತೊಂದರೆ ಎದುರಾಗುತ್ತದೆ. ಮನೆಯಿಂದ ದೂರವಿದ್ದು ವಸತಿ ನಿಲಯದಲ್ಲೇ ಇದ್ದು ವ್ಯಾಸಂಗ ಮಾಡೋಣ ವೆಂದರೆ ಪೋಷಕರ ಕುರಿತು ಅವರ ಸುರಕ್ಷತೆ ಕುರಿತು ಚಿಂತಿಸುವಂತಾಗಿದೆ. ಎಷ್ಟೋ ಬಾರಿ ಹಳ್ಳದ ನೀರಿನ ರಭಸ ಕಡಿಮೆ ಯಾಗುವ ತನಕ ಶಾಲೆಗಳಿಗೆ ರಜೆ ಹಾಕಿದ್ದೇವೆ ರಸ್ತೆ ಸಂಪರ್ಕ ಕಡಿತಗೊಂಡು ನಮ್ಮ ವಾರ್ಡ್ ದ್ವೀಪದಂತಾಗುತ್ತದೆ ಎಂದು ವಾರ್ಡಿನ ವಿದ್ಯಾರ್ಥಿಗಳಾದ ಜ್ಯೋತಿ,ಅಭಿನವ,ಅಕ್ಷಯ್, ಪೂಜಾ,ಮಿಥುನ್,ಸ್ಪೂರ್ತಿ, ಜೀವನ್, ಸುಮಂತ್, ಕಿಶೋರ್, ಅಳಲು ತೋಡಿಕೊಂಡಿದ್ದಾರೆ.

ವಾರ್ಡಿನಲ್ಲಿರುವ 885 ಕ್ಕೂ ಹೆಚ್ಚಿನ ಜನಸಂಖ್ಯೆಯಲ್ಲಿ 573 ಮಂದಿ ಮತದಾರರಿದ್ದಾರೆ. ಇದರಲ್ಲಿ ಪರಿಶಿಷ್ಟ ಪಂಗಡಕ್ಕೆ ಸೇರಿದ ಹಸಲರ ಜನಸಂಖ್ಯೆ ಒಟ್ಟು 60 ಸುಮಾರು 14 ಕುಟುಂಬಗಳು ವಾಸವಿದೆ ಇವರ ಮಳೆಗಾಲದ ಯಾತನೆ ದೂರವಾಗುವುದು ಮಾತ್ರ ಅಗತ್ಯವಾದ ಸೇತುವೆ ನಿರ್ಮಾಣ ಮಾಡಿದಾಗ.

ಈ ಸಂಬಂಧಪಟ್ಟ ಬಸರವಳ್ಳಿ ವಾರ್ಡಿನ ಜನತೆ ಸಮಸ್ಯೆ ಈಗಾಗಲೇ ಗಮನಕ್ಕೆ ಬಂದಿದ್ದು, 7 ಲಕ್ಷ ಅನುದಾನ ಮೀಸಲಿಡಲಾಗಿದೆ.