ಬೇಂದ್ರೆ ಒಲವಿನ ವೇದಾಂತಿ: ಡಾ.ಮಹೇಶ್‌ ಜೋಶಿ ಬಣ್ಣನೆ

ಬೇಂದ್ರೆ ಟ್ರಸ್ಟ್‌ಗೆ ಸರ್ಕಾರ ನೆರವು ನೀಡಲಿ: ಡಾ.ಬಸವರಾಜ ಸಬರದ

ಕರ್ನಾಟಕದ ವರಕವಿ ದ.ರಾ. ಬೇಂದ್ರೆ ಅವರ ಹೆಸರಿನ ‘ಬೇಂದ್ರೆ ಟ್ರಸ್ಟ್‌’ ಹಣದ ಕೊರತೆಯಿಂದ ನರಳುತ್ತಿದ್ದು, ಸರ್ಕಾರ ಇದಕ್ಕೆ ನೆರವು ನೀಡುವ ಬಗ್ಗೆ ಗಮನ ಹರಿಸಬೇಕು ಎಂದು ಚಿಂತಕ ಡಾ.ಬಸವರಾಜ ಸಬರದ ಮನವಿ ಮಾಡಿದರು.

ಬೇಂದ್ರೆ ಅವರು ಬದುಕಿದ್ದಾಗ ಯಾವತ್ತೂ ಯಾರನ್ನೂ ಏನನ್ನೂ ಕೇಳಿದವರಲ್ಲ. ಆದರೆ, ಈಗ ಅವರ ಹೆಸರಿನ ಬೇಂದ್ರೆ ಟ್ರಸ್ಟ್ ಕೂಡ ಹಣದ ಕೊರತೆಯಿಂದ ನರಳುತ್ತಿದೆ. ಸರ್ಕಾರ ಇದಕ್ಕೆ ನೆರವು ನೀಡಲು ಮುಂದಾಗಬೇಕು ಎಂದರು.

ಬರಗಾರ್ತಿ ಡಾ.ಗೀತಾ ವಸಂತ ಅವರು ಮಾತನಾಡಿ, ಬೇಂದ್ರೆ ಹುಟ್ಟು ಸಾವು ಮೀರಿದ ಪ್ರಜ್ಞೆಯ ವಿಶೇಷ ಚೇತನ, ಅವರು ಅಪ್ಪಟ ದೇಸಿಯೂ ಹೌದು ಅವಧೂತರೂ ಹೌದು. ಜನವಾಣಿಯನ್ನು ಆತ್ಮವಾಣಿಯಾಗಿಸಿದ ಅವರ ಕಾವ್ಯದ ದನಿಯನ್ನು ಹಿಡಿಯುವುದು ಕಷ್ಟ. ನೋವನ್ನೇ ನುಂಗಿದರೂ ಆನಂದ ಉಣಿಸಿ, ಪಟ್ಟ ಪಾಡನ್ನೆಲ್ಲಾ ಹುಟ್ಟು ಹಾಡಾಗಿಸುವ ಮೂಲಕ ಬದುಕಿನ ಎಲ್ಲ ಅನುಭವಗಳನ್ನೂ ರಸವಾಗಿಸಿದರು ಎಂದು ಸ್ಮರಿಸಿದರು.