ಬಿಜೆಪಿ ರಾಜ್ಯಾಧ್ಯಕ್ಷ ವಿಜಯೇಂದ್ರ ಬಂಧನ ಖಂಡಿಸಿ ಬಿಜೆಪಿ ಪ್ರತಿಭಟನೆ

ಕನ್ನಡಪ್ರಭ ವಾರ್ತೆ ಹಾಸನ

ಬೆಂಗಳೂರಿನಿಂದ ಮೈಸೂರಿಗೆ ಬಿಜೆಪಿಯಿಂದ ಮುಡಾವನ್ನು ಮುತ್ತಿಗೆ ಮಾಡುವ ಹೋರಾಟ ಹಮ್ಮಿಕೊಂಡಿದ್ದಾಗ ಬಿಜೆಪಿ ನಾಯಕರನ್ನು ಬೆಂಗಳೂರಿನಲ್ಲೆ ಬಂಧನ ಮಾಡುವ ಮೂಲಕ ಮೈಸೂರಿಗೆ ಬಾರದ ಹಾಗೆ ತಡೆ ಮಾಡಿದೆ ಎಂದರು. ಇಂದು ಪ್ರಜಾಪ್ರಭುತ್ವವನ್ನೆ ಕಗ್ಗೊಲೆ ಮಾಡುವ ದಿನಗಳು ಬಂದಿದೆ. ಯಾವುದೇ ಹಗರಣ ನಡೆದಾಗ ಎತ್ತಿ ಹಿಡಿಯಬೇಕು. ವಿರೋಧ ಪಕ್ಷದವರಾದ ನಾವುಗಳು ಇಂತಹ ಹಗರಣವನ್ನು ಎತ್ತಿ ಹಿಡಿಯುವ ವೇಳೆ ತಡೆಯುವ ಕೆಲಸವನ್ನು ಕಾಂಗ್ರೆಸ್ ಸರ್ಕಾರ ಮಾಡಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಮುಡಾ ಹಗರಣದ ಪ್ರಮುಖ ರುವಾರಿ ಸಿದ್ದರಾಮಯ್ಯ ಅವರನ್ನು ರಾಜ್ಯಪಾಲರು ವಜಾಗೊಳಿಸಿ ಸರ್ಕಾರವನ್ನ ವಜಾ ಮಾಡಬೇಕೆಂದು ಗೌರ್‍ನರ್ ಅವರಲ್ಲಿ ಕೇಳಿಕೊಳ್ಳುತ್ತೇವೆ ಎಂದು ಮನವಿ ಮಾಡಿದರು. ಇದರ ವಿರುದ್ಧವಾಗಿ ಬಿಜೆಪಿಯ ನಮ್ಮ ನಾಯಕರಾದ ವಿಜಯೇಂದ್ರ ಅವರು ಪ್ರತಿಭಟನೆ ಮಾಡಲು ಹೋದಾಗ ಅವರ ಹಕ್ಕನ್ನು ಕೀಳಲು ಮಾರ್ಗಮಧ್ಯೆಯೇ ಬಂಧನ ಮಾಡಿರುವುದು ಖಂಡನೀಯ,ಇದನ್ನು ಬಿಜೆಪಿ ಪಕ್ಷ ವಿರೋಧಿಸುತ್ತದೆ. ಅತೀ ಶೀಘ್ರದಲ್ಲಿಯೇ ಈ ಸರ್ಕಾರ ಪತನವಾಗಲಿದ್ದು, ಕೂಡಲೇ ಮುಖ್ಯಂತ್ರಿಗಳು ರಾಜೀನಾಮೆ ನೀಡಬೇಕೆಂದು ಆಗ್ರಹಿಸಿದರು. ಪ್ರತಿಭಟನೆಯಲ್ಲಿ ಬಿಜೆಪಿ ಮುಖಂಡರಾದ ಪ್ರೀತಿವರ್ಧನ್, ಹರ್ಷಿತ್, ರಾಜ್ಯ ರೈತ ಮೋರ್ಚಾದ ಕಾರ್‍ಯಕಾರಣಿ ಸದಸ್ಯರಾದ ಶಕುನಿಗೌಡ, ಆನಂದ್, ರೈತ ಮೋರ್ಚಾದ ಉಪಾಧ್ಯಕ್ಷ ಮಹೇಶ್, ಪ್ರಧಾನ ಕಾರ್ಯದರ್ಶಿ ನಟರಾಜು, ರಘು ಸೇರಿದಂತೆ ಇತರರು ಉಪಸ್ಥಿತರಿದ್ದರು.