ಸೇವಾ ಭಾವನೆಯಿಂದ ಸುಸ್ಥಿರ ಸಮಾಜ ನಿರ್ಮಾಣ

ಕನ್ನಡಪ್ರಭ ವಾರ್ತೆ ಬೆಳಗಾವಿ

ವಿತಾವಿಯ ಆವರಣದಲ್ಲಿರುವ ಡಾ.ಎ.ಪಿ.ಜೆ.ಅಬ್ದುಲ್ ಕಲಾಂ ಪ್ರೇಕ್ಷಾಗೃಹದಲ್ಲಿ ಗುರುವಾರ ವಿತಾವಿ ಮಹಿಳಾ ಘಟಕದ ಸಹಯೋಗದೊಂದಿಗೆ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ ಸ್ಥಿತಪ್ರಜ್ಞ ಸಶಕ್ತಿ ಸಮಾರೋಪ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಸಮಾಜಸೇವೆ ಮಾಡಲು ಒಳ್ಳೆಯ ಮನಸಿರಬೇಕು. ಒಂದು ಸಂಸ್ಥೆ ಅಥವಾ ಉತ್ತಮ ಸಮಾಜ ಕಟ್ಟಲು ಪ್ರಾಮಣಿಕವಾಗಿ ಕೆಲಸ ಮಾಡುವ ಮನಸಿರಬೇಕು. ಒಳ್ಳೆಯ ಕೆಲಸಕ್ಕೂ ಹಣದ ಅವಶ್ಯಕತೆಯಿದೆ. ಆದರೆ, ಹಣಕ್ಕಾಗಿ ಆ ಕೆಲಸಗಳು ನಿಲ್ಲಬಾರದು ಎಂದರು.

40 ವರ್ಷಗಳ ಹಿಂದೆ ಉನ್ನತ ಶಿಕ್ಷಣಕ್ಕೆ ಪ್ರವೇಶ ಪಡೆಯಲು ಹಿಂಜರೆಯುತ್ತಿದ್ದ ಮಹಿಳೆ ಇಂದು ಸಮಾಜದ ಎಲ್ಲ ರಂಗಗಳಲ್ಲಿಯೂ ಪ್ರಧಾನ ಪಾತ್ರ ವಹಿಸಿದ್ದಾಳೆ. ನೀಲಿಮಾ ಮಿಶ್ರಾ ಇಂದಿನ ಮಹಿಳೆಯೆರಿಗೆ ಆದರ್ಶಪ್ರಾಯವಾಗಿದ್ದಾರೆ ಎಂದು ತಿಳಿಸಿದರು.

ವಿತಾವಿ ಡಾ.ಬಿ.ಇ.ರಂಗಸ್ವಾಮಿ ಸ್ವಾಗತಿಸಿದರು. ಮಹಿಳಾ ದಿನಾಚರಣೆ ಹಾಗೂ ವಿತಾವಿಯ ಮಹಿಳಾ ಘಟಕದ ಕುರಿತು ಮಹಿಳಾ ಘಟಕದ ಅಧ್ಯಕ್ಷೆ ಡಾ. ಸಂಧ್ಯಾ ಅನ್ವೇಕರ ಪ್ರಾಸ್ತಾವಿಕವಾಗಿ ಮಾತನಾಡಿದರು.