ಟಿಪ್ಪು ಸಂತತಿಯನ್ನು ಕರೆಸಿ ನಾಡಿಗೆ ದ್ರೋಹ: ಅಶೋಕ್‌

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಹಿಂದೂ ಕ್ಷೇತ್ರಗಳ ಮೇಲಿನ ಇಂತಹ ದಾಳಿ ತಡೆಯಲು ಮುಂದಿನ ನಮ್ಮ ಸರ್ಕಾರದ ಅವಧಿಯಲ್ಲಿ ಧಾರ್ಮಿಕ ಶಿಷ್ಟಾಚಾರ ಕಾನೂನು ತರುತ್ತೇವೆ ಎಂದೂ ಅವರು ಹೇಳಿದ್ದಾರೆ.

ದಸರಾ ಉದ್ಘಾಟನೆಗೆ ಕುರುಬರಲ್ಲಿ ಯಾರೂ ಸಿಗಲಿಲ್ಲವೇ? ಒಕ್ಕಲಿಗ, ಹಿಂದುಳಿದ ಜನ, ಪರಿಶಿಷ್ಟರು ಇರಲಿಲ್ಲವೇ? ಆಪರೇಷನ್ ಸಿಂಧೂರದಲ್ಲಿ ದೇಶಕ್ಕಾಗಿ ಹೋರಾಡಿದವರನ್ನು ಕರೆಯಬಹುದಿತ್ತಲ್ಲವೇ? ಯದುವಂಶದವರನ್ನು ಸೆರೆಯಲ್ಲಿಟ್ಟ ಟಿಪ್ಪು ಸಂತತಿಯನ್ನೇ ಕರೆದು ಮಾಡಬೇಕೇ? ಹಿಂದೂಗಳಲ್ಲಿ ಒಳ್ಳೆಯ ಕವಿಗಳೇ ಇರಲಿಲ್ಲವೇ ಎಂದು ಪ್ರಶ್ನೆಗಳ ಸುರಿಮಳೆಗೈದರು.

ಚಾಮುಂಡಿ ಬೆಟ್ಟದ ಸುತ್ತ ರಾಜಕೀಯ ನಡೆದಿದೆ ಎಂಬ ಪ್ರಮೋದಾದೇವಿ ಹೇಳಿಕೆ ಸರಿಯಾಗಿದೆ. ಸಿದ್ದರಾಮಯ್ಯ ಅಲ್ಪಸಂಖ್ಯಾತರ ಒಲೈಕೆ ಮಾಡ್ತಿದ್ದಾರೆ. ಹಿಂದೂ ಭಾವನೆಗಳಿಗೆ ಆಘಾತ ಮಾಡಿದ್ದಾರೆ. ಮುಂದೆ ನಮ್ಮ ಸರ್ಕಾರ‌ ಬಂದೇ‌ ಬರುತ್ತೆ. ಆಗ ನಾವು ಧಾರ್ಮಿಕ ಶಿಷ್ಟಾಚಾರ ಕಾನೂನು ತರುತ್ತೇವೆ. ಇಲ್ಲದಿದ್ದರೆ ಕುತಂತ್ರ ಮಾಡುತ್ತಲೇ ಇರುತ್ತಾರೆ ಎಂದು ಅಶೋಕ್‌ ಹೇಳಿದರು.

ಧರ್ಮಸ್ಥಳದ ಮೇಲೆ ಕುತಂತ್ರ ಮಾಡಲಾಗುತ್ತಿದೆ. ಇದಕ್ಕಾಗಿ ಪ್ರಗತಿಪರರು, ನಗರ ನಕ್ಸಲರು ಸಿದ್ದರಾಮಯ್ಯ ಹಿಂದೆ ಕೋಟೆ ರಚಿಸಿದ್ದಾರೆ. ಇವರೆಲ್ಲ ಸೇರಿ ಧರ್ಮಸ್ಥಳವನ್ನು ಅತಂತ್ರ ಮಾಡಿದ್ದಾರೆ. ಆ ಕ್ಷೇತ್ರವನ್ನೂ ಯಾವುದಾದರೂ ಟ್ರಸ್ಟ್ ಮಾಡಿ ಲೂಟಿಗೆ ಹೊರಟಿದ್ದಾರೆ. ಘಸ್ನಿ‌ ಮಹಮದ್ ರೀತಿ ಧರ್ಮಸ್ಥಳ ಲೂಟಿಗೆ ಶ್ರೀ ಕ್ಷೇತ್ರದ ಮೇಲೆ ಕಾಂಗ್ರೆಸ್‌ ದಾಳಿ ಮಾಡಿದೆ. ಸಾಮಾನ್ಯ ಜ್ಞಾನ ಇದ್ದಿದ್ದರೆ ತನಿಖೆ ಮಾಡುವ ಬದಲು ದೂರು ನೀಡಿದವರನ್ನು ಬಂಧಿಸುತ್ತಿದ್ದರು ಎಂದು ಎಂದು ಅಶೋಕ್‌ ಟೀಕಾಪ್ರಹಾರ ನಡೆಸಿದರು.