ಟೈ ಎಲೈಟ್‌ಗಾಗಿ ಕೆನರಾ ಹೈಸ್ಕೂಲ್‌ ಎಸೋಸಿಯೇಷನ್‌ ಶೈಕ್ಷಣಿಕ ಒಪ್ಪಂದ

ಮಂಗಳೂರು: ದ ಇಂಡಸ್ ಎಂಟರ್ ಪ್ರೈಸಸ್ (ಟೈ )ಮಂಗಳೂರು ಹಾಗೂ ಕೆನರಾ ಹೈಸ್ಕೂಲ್ ಅಸೋಸಿಯೇಶನ್ ಜಂಟಿಯಾಗಿ ಟೈ ಎಲೈಟ್ ಕಾರ್ಯಕ್ರಮ ಸಂಯೋಜಿಸಲು ಒಪ್ಪಂದ ಮಾಡಿಕೊಂಡಿವೆ. ಇದರಿಂದ ಶೈಕ್ಷಣಿಕ ಮತ್ತು ಉದ್ಯಮರಂಗದ ನಡುವಿನ ಅಂತರ ನಿವಾರಿಸುವ ಹಾಗೂ ಮಕ್ಕಳಲ್ಲಿ ಉದ್ಯಮಶೀಲತೆಯನ್ನು ಬೆಳೆಸುವ ಗುರಿ ಹೊಂದಲಾಗಿದೆ.

ಈ ಒಪ್ಪಂದದಂತೆ ದ ಇಂಡಸ್ ಎಂಟರ್ ಪ್ರೈಸಸ್ (ಟೈ ) ಸಂಸ್ಥೆಯು ಕೆನರಾ ಶಿಕ್ಷಣ ಸಂಸ್ಥೆಗಳ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಕೈಗಾರಿಕೆಗಳಿಗೆ ಪೂರಕವಾದ ಕಾರ್ಯಾಗಾರ, ಸ್ಟಾರ್ಟ್ ಅಪ್ ಪ್ರಮುಖರಿಂದ ಮಾರ್ಗದರ್ಶನ, ಬೋಧಕರ ಕೌಶಲ ಅಭಿವೃದ್ಧಿ ಕಾರ್ಯಕ್ರಮಗಳು, ಇಂಟರ್ನ್ ಶಿಪ್ ಚಟುವಟಿಕೆಗಳು ಲಭ್ಯವಾಗಲಿವೆ. ವಿದ್ಯಾರ್ಥಿಗಳಲ್ಲಿ ಅನ್ವೇಷಣಾ ಮನೋಭಾವ ಬೆಳೆಸುವ , ಸಂಶೋಧನಾ ಚಟುವಟಿಕೆಗಳು, ಉದ್ಯಮಶೀಲ ಸಮುದಾಯವನ್ನು ಬೆಳೆಸುವ ಉದ್ದೇಶ ಹೊಂದಲಾಗಿದೆ.ಒಪ್ಪಂದದ ಕುರಿತು ಮಾತನಾಡಿದ ಎರಡೂ ಸಂಸ್ಥೆಯ ಪ್ರಮುಖರು, ಯುವ ಸಮೂಹದಲ್ಲಿ ಉದ್ಯಮಶೀಲತೆಯ ಪರಿಚಯದೊಂದಿಗೆ ಅನುಭವದ ಕಲಿಕೆಯನ್ನು ನೀಡುವ ಆಶಯ ಈ ಕಾರ್ಯಕ್ರಮದ್ದಾಗಿದೆ ಎಂದರು. ಮಂಗಳೂರು ಉಡುಪಿ ವಲಯದ ಅನ್ವೇಷಣೆಯ ಉತ್ಸಾಹಿ ಯುವ ಸಮೂಹನ್ನು ಪ್ರೋತ್ಸಾಹಿಸಿ ಸಿಲಿಕಾನ್ ಬೀಚ್ ನಿರ್ಮಿಸುವ ಆಶಯದೊಂದಿಗೆ ಈಗಾಗಲೇ ಇಂಡಸ್ ಎಂಟರ್ ಪ್ರೈಸಸ್ (ಟೈ ) ಕಾರ್ಯನಿರತವಾಗಿದೆ.