ಪುಣ್ಯದ ಗಾಳಿ ಬೀಸಿದರೆ ಬದಲಾವಣೆ: ರಾಘವೇಶ್ವರ ಶ್ರೀ

ಯಲ್ಲಾಪುರ: ಪುಣ್ಯದ ಗಾಳಿ ಬೀಸಿದರೆ ಬದಲಾವಣೆ ಆಗುತ್ತದೆ. ಎಷ್ಟೋ ಕಾಲದಿಂದ ಜಡ್ಡುಗಟ್ಟಿತ್ತು. ಬೀಸಿದ ಹೊಸ ಗಾಳಿ ಬದಲಾವಣೆಯ ಪರ್ವ ಹಾಡಿದೆ. ನಾವು ಕೊಡುವುದು ನಶ್ವರ. ಆತ ಕೊಡುವುದು ಈಶ್ವರ ಎಂದು ರಾಮಚಂದ್ರಾಪುರ ಮಠದ ರಾಘವೇಶ್ವರ ಸ್ವಾಮಿಗಳು ನುಡಿದರು.

ಶಿವಾನಂದರ ಗುರುಮೂರ್ತಿಗೆ ಸುಂದರ ಆವರಣವಾಗಬೇಕು. ಇದಕ್ಕೆ ಹಣ, ಸ್ಥಳ ಗೌಣ. ಜನ ಬೇಕು. ದತ್ತನ ಕರುಣೆ, ಜನರ ಸಹಕಾರ ಬೇಕು. ಇದೇ ಓಘ ತಡೆಯಾಗದೇ ಮುಂದುವರಿದು ಮುಂದಿನ ದತ್ತ ಜಯಂತಿಗೆ ಭಿಕ್ಷಾ ಮಂದಿರ ನಿರ್ಮಾಣವಾಗಬೇಕು ಎಂದು ಆದೇಶ ನೀಡಿದರು.

ಸಿವಿಲ್ ಕಾಮಗಾರಿಗಳ ಕಾಮಗಾರಿ ನಿರ್ವಹಿಸಿದ ನರಸಿಂಹ ಗಾಂವ್ಕರ ಮಾತನಾಡಿ, ಅವಕಾಶ ಸಿಕ್ಕಿರುವುದು ನನ್ನ ಭಾಗ್ಯ. ಹಗಲಿರುಳು ಕಾರ್ಮಿಕರು ಶ್ರಮಿಸಿದ್ದಾರೆ. ಶೀಘ್ರವಾಗಿ ನಿರ್ಮಿಸುವ ಸವಾಲು ಸಾಧ್ಯವಾಗುವುದಕ್ಕೆ ಇದಕ್ಕೆ ಶಕ್ತಿ ಶ್ರೀಗಳ ಆಶೀರ್ವಾದದಿಂದಲೇ ಬಂದಿದೆ ಎಂದರು.

ಹೊನ್ನಾವರ: ಗೇರುಸೊಪ್ಪ ಸೀಮೆಯಲ್ಲಿಯೇ ಪ್ರಪ್ರಥಮವಾಗಿ ರಥೋತ್ಸವ ಪ್ರಾರಂಭಗೊಂಡಿರುವ ಹೆಗ್ಗಳಿಕೆ ಇರುವ ತಾಲೂಕಿನ ಪ್ರಸಿದ್ಧ ಕಾರಣಿಕ ಕ್ಷೇತ್ರಗಳಲ್ಲೊಂದಾದ ಬೆಳ್ಳಿಮಕ್ಕಿಯ ಪಂಚಮುಖಿ ಮುಖ್ಯಪ್ರಾಣ ದೇವರ ಮಹಾ ಬ್ರಹ್ಮರಥೋತ್ಸವವು ಡಿ. 20ರಂದು ವರ್ಷಂಪ್ರತಿಯಂತೆ ವಿಜೃಂಭಣೆಯಿಂದ ನಡೆಯಲಿದೆ.ಡಿ. 19ರಂದು ಧಾರ್ಮಿಕ ಕಾರ್ಯಕ್ರಮಗಳ ಪ್ರಾರಂಭ, ಪಲ್ಲಕ್ಕಿ ಉತ್ಸವ ಹಾಗೂ ಸಾರ್ವಜನಿಕ ಸತ್ಯಮಾರುತಿ ಕಥೆ, ಡಿ. 20ರಂದು ಮಹಾಕುಂಭಾಭಿಷೇಕ, ದೇವರ ಮಹಾಬ್ರಹ್ಮರಥೋತ್ಸವ ಅನ್ನಸಂತರ್ಪಣೆ, ಪಲ್ಲಕ್ಕಿ ಉತ್ಸವ, ಯಕ್ಷಗಾನ ಸೇವೆ ಇತ್ಯಾದಿ ಕಾರ್ಯಕ್ರಮಗಳು ನಡೆಯಲಿದೆ.