₹ 50 ಕೋಟಿ ವೆಚ್ಚದಲ್ಲಿ ಜೆಟಿಟಿಸಿ ಕಾಲೇಜ್‌ ಕಟ್ಟಡ ವರ್ಷದಲ್ಲೇ ಪೂರ್ಣ

ರೋಣ: ಗ್ರಾಮೀಣ ಭಾಗದ ಬಡ ಮಕ್ಕಳಿಗಾಗಿ ಕೌಶಲ್ಯಾಧಾರಿತ ತರಬೇತಿಯನ್ನು ನೀಡಿ, ಉದ್ಯೋಗವಂತರನ್ನಾಗಿಸುವಲ್ಲಿ ₹ 50 ಕೋಟಿ ವೆಚ್ಚದಲ್ಲಿ ರೋಣ ಪಟ್ಟಣದ ಬದಾಮಿ ರಸ್ತೆಯಲ್ಲಿ ಅನೇಕ ಸೌಲಭ್ಯಗಳುಳ್ಳ ಜೆಟಿಟಿಸಿ ಕಾಲೇಜ್ ಪ್ರಾರಂಭಿಸಲು ಕ್ರಮ‌ಕೈಗೊಂಡಿದ್ದು, ಕಾಲೇಜ್ ಕಟ್ಟಡವು ಒಂದೇ ವರ್ಷದಲ್ಲಿ ಪೂರ್ಣಗೊಳಿಸುವಲ್ಲಿ ಎಲ್ಲಾ ರೀತಿಯ ಕ್ರಮ ಕೈಗೊಳ್ಳಲಾಗುವುದು ಎಂದು ಶಾಸಕ. ಜಿ.ಎಸ್. ಪಾಟೀಲ ಹೇಳಿದರು.

ಎನ್.ಟಿ.ಟಿ.ಎಫ್ ಮಾದರಿಯಲ್ಲಿಯೇ ಜೆಟಿಟಿಸಿ ಕಾಲೇಜ್ ಕಾರ್ಯ ಕೈಗೊಳ್ಳಲಿದೆ. ಗ್ರಾಮೀಣ ಭಾಗದ ಮಕ್ಕಳಿಗೆ ಉಪಕರಣಗಾರ ಮತ್ತು ತರಬೇತಿ ನೀಡುವಲ್ಲಿ ಕಾಲೇಜ್ ಪ್ರಾರಂಬಿಸಲಾಗುವುದು. ಜೆಟಿಟಿಸಿ ಕಾಲೇಜ ಕಟ್ಟಡದ ನೀಲನಕ್ಷೆ ಸಿದ್ದವಾಗಿದೆ. ಕಟ್ಟಡ ನಿರ್ಮಾಣಕ್ಕೆ ಒಂದು ವರ್ಷ ಕಳೆಯಬಹುದು. ಆದರೆ ಇದೇ ಪ್ರಸಕ್ತ ವರ್ಷ ಅಕ್ಟೋಬರ್ ದಿಂದ ಕಾಲೇಜ್ ಪ್ರಾರಂಭಿಸಲಾಗುವುದು. ಇದಕ್ಕಾಗಿ ಈ ಹಿಂದೆ ಇದ್ದಿರುವ ಬಸನಗೌಡ ಗಿರಡ್ಡಿ ಪದವಿ ಕಾಲೇಜ್ ಕಟ್ಟಡದಲ್ಲಿಯೇ ಜೆಟಿಟಿಸಿ ಕಾಲೇಜ್ ಪ್ರಾರಂಬಿಸಲಾಗುವದು. ತರಬೇತಿ ಕೇಂದ್ರದಲ್ಲಿ ತರಬೇತಿ ಪಡೆದವರು ರಾಜ್ಯದಲ್ಲಿನ 70 ದೊಡ್ಡ ದೊಡ್ಡ ಕಾರ್ಖಾನೆಗಳಲ್ಲಿ ಉದ್ಯೋಗಾವಕಾಶ ಸೀಗಲಿದ್ದು, ಇದಕ್ಕಾಗಿಯೇ ಕಾರ್ಖಾನೆಗಳೊಂದಿಗೆ ಸರ್ಕಾರ ಒಪ್ಪಂದವನ್ನು ಮಾಡಿಕೊಂಡಿದೆ. ಆದ್ದರಿಂದ ಗ್ರಾಮೀಣ ಭಾಗದ ಯುವಕರು ಭವಿಷ್ಯದ ಜೀವನ ಉಜ್ವಲತೆಗೆ ಜೆಟಿಟಿಸಿ ಕಾಲೇಜ್ ಸೌಲಭ್ಯ ಸದುಪಯೋಗಪಡಿಸಿಕೊಳ್ಳಬೇಕು .ಕೌಶಲ್ಯದ ಕೊರತೆ ನೀಗಿಸಲು ಜೆಟಿಟಿಸಿ ಸಹಕಾರಿಯಾಗಲಿದೆ ಎಂದರು.

ಸಾನ್ನಿಧ್ಯವನ್ನು ವಹಿಸಿ ಗುಲಗಂಜಿ ಮಠದ ಗುರುಪಾದ ಸ್ವಾಮಿಜಿ ಆಶಿರ್ವದಿಸಿದರು.