ಗ್ರಾಮೀಣ ಭಾಗದಲ್ಲಿ ಸಂಸ್ಕೃತಿ ಜೀವಂತ: ಶರಣು ಗದ್ದುಗೆ

ಕನ್ನಡಪ್ರಭ ವಾರ್ತೆ ಯಾದಗಿರಿ

ತಾಲೂಕಿನ ಕಿಲ್ಲನಕೇರಾ ಗ್ರಾಮದಲ್ಲಿ ಸಮನ್ವಯ ಸೇವಾ ಸಂಸ್ಥೆ (ರಿ) ಕಿಲ್ಲನಕೇರಾ ವತಿಯಿಂದ ನಡೆದ ಚೆನ್ನವಿರೇಶ್ವರ ಜಾತ್ರಾ ಮಹೋತ್ಸವ ಅಂಗವಾಗಿ ನಡೆದ ಜಾನಪದ ಸಾಂಸ್ಕೃತಿಕ ವೈಭವದಲ್ಲಿ ಸಾಧಕರಿಗೆ ಹಾಗೂ ರಾಜ್ಯಮಟ್ಟದ ಸಮಾಜ ಸೇವಾ ರತ್ನ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಡಾ. ವೀರೇಶ್ ಜಾಕಾ ಮಾತನಾಡಿ, ಗ್ರಾಮೀಣ ಭಾಗದಲ್ಲಿ ಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಿದ್ದಾರೆ. ನಾವು ಮಕ್ಕಳಿಗೆ ಉತ್ತಮವಾದ ಗುಣಮಟ್ಟ ಶಿಕ್ಷಣ ಒದಗಿಸಿಕೊಟ್ಟರೆ ಆ ಗ್ರಾಮ ಸುವರ್ಣ ಗ್ರಾಮ ಆಗುವುದರಲ್ಲಿ ಸಂಶಯವಿಲ್ಲ. ಒಬ್ಬ ಮಗು ಶಿಕ್ಷಣ ಪಡೆದ ಮನೆ ವಿಶ್ವವಿದ್ಯಾಲಯವಾಗುತ್ತದೆ. ಹಾಗೆ ಯಾವ ಗ್ರಾಮದಲ್ಲಿ ದೇವಾಲಯದ ಗಂಟೆ ಶಬ್ದ ಕೇಳುತ್ತದೆಯೋ ಆ ಗ್ರಾಮದಲ್ಲಿ ಶಾಲೆ ಗಂಟೆಯ ನಾದ ಕೇಳಬೇಕು. ಅಂದಾಗ ಗ್ರಾಮ ಅಭಿವೃದ್ಧಿ ಹೊಂದಲು ಸಾಧ್ಯ ಎಂದರು.

ಚೆನ್ನವೀರ ಶಿವಚಾರ್ಯ ಮಹಾಸ್ವಾಮಿಗಳು ಸಂಸ್ಥಾನ ಮೂಲಮಠ ಕಿಲ್ಲನಕೇರಾ ದಿವ್ಯ ಸಾನಿಧ್ಯ ವಹಿಸಿದ್ದರು. ನಿತ್ಯಾನಂದ ಪೂಜಾರಿ ಕಾರ್ಯಕ್ರಮ ಉದ್ಘಾಟಿಸಿದರು. ಸುದರ್ಶನ್ ಪಾಟೀಲ್ ಜೈ ಗ್ರಾಮ ಪ್ರಶಸ್ತಿ ಪ್ರದಾನ ಮಾಡಿದರು.

ನಂತರ ರಂಗಭೂಮಿ ಕಲಾವಿದರಾದ ಬಸವರಾಜ ಹಂದರಕಿ ಗೌರವಿಸಲಾಯಿತು. ಅಕ್ಷಯ್ ಸೌಂಡ್ ಅಂಡ್ ಕ್ಲಬ್ ವತಿಯಿಂದ ರಸಮಂಜರಿ ಕಾರ್ಯಕ್ರಮ ಹಾಗೂ ಮಕ್ಕಳಿಂದ ಸಾಮಾಜಿಕ ನೃತ್ಯ ನೋಡುಗರ ಗಮನ ಸೆಳೆಯಿತು. ವಂದನಾ ಧೋತ್ರೆ ನಿರೂಪಿಸಿದರು. ದೇವಿಂದ್ರ ಧೋತ್ರೆ ವಂದಿಸಿದರು.