ದ.ಕ. ಕ್ಷೇತ್ರ: ಮತದಾರರ ಪ್ರಾಬಲ್ಯ ಇದ್ದರೂ ಮಹಿಳೆಗೆ ಟಿಕೆಟ್‌ ಇಲ್ಲ!

ಆತ್ಮಭೂಷಣ್‌

ದ.ಕ. ಜಿಲ್ಲೆಗೆ ಸಂಬಂಧಿಸಿ ಪ್ರತಿ ಬಾರಿಯ ಲೋಕಸಭೆ, ಅಸೆಂಬ್ಲಿ ಅಥವಾ ಸ್ಥಳೀಯ ಸಂಸ್ಥೆ ಚುನಾವಣೆಗಳಲ್ಲಿ ಮತದಾರರ ಪಟ್ಟಿಯನ್ನು ಅವಲೋಕಿಸಿದರೆ ಪುರುಷರಿಗಿಂತ ಮಹಿಳಾ ಮತದಾರರೇ ಅತ್ಯಧಿಕ ಸಂಖ್ಯೆಯಲ್ಲಿದ್ದಾರೆ. ಹಾಗೆಂದು ಚುನಾವಣೆಯಲ್ಲಿ ಸ್ಪರ್ಧಿಸುವುದರಿಂದ ಮಾತ್ರ ನಾರಿಶಕ್ತಿ ದೂರ.

ಜೆಡಿಎಸ್‌ನಿಂದ ಮಾತ್ರ ಸ್ಪರ್ಧೆ: ೧೯೫೧ರಿಂದ ೨೦೧೯ರ ವರೆಗೆ ಸೌತ್ ಕೆನರಾ-ಮಂಗಳೂರು ಕ್ಷೇತ್ರದಲ್ಲಿ ನಡೆದ ಚುನಾವಣೆಗಳಲ್ಲಿ ರಾಷ್ಟ್ರೀಯ ಪಕ್ಷಗಳಿಂದ ಮಹಿಳಾ ಸ್ಪರ್ಧಿಗಳೇ ಇರಲಿಲ್ಲ. ೧೯೯೯ರಲ್ಲಿ ಜೆಡಿಎಸ್‌ನಿಂದ ಸ್ಪರ್ಧಿಸಿದ್ದ ಲೋಕೇಶ್ವರಿ ವಿನಯಚಂದ್ರ ಅವರನ್ನು ಹೊರತುಪಡಿಸಿದರೆ ಬೇರೆ ಯಾವ ವರ್ಷವೂ ಪ್ರಮುಖ ರಾಜಕೀಯ ಪಕ್ಷಗಳು ಮಹಿಳೆಯರಿಗೆ ಟಿಕೆಟ್ ನೀಡಿಲ್ಲ. ರಾಜಕೀಯ ಪಕ್ಷಗಳ ಹಿನ್ನೆಲೆಯಲ್ಲಿ ನೋಡಿದಾಗ ಇದುವರೆಗೆ ಸ್ಪರ್ಧಿಸಿದ ಏಕೈಕ ಮಹಿಳಾ ಸ್ಪರ್ಧಿ ಲೋಕೇಶ್ವರಿ ವಿನಯಚಂದ್ರ ಮಾತ್ರ ಎಂಬುದು ಅಚ್ಚರಿಯ ಸಂಗತಿ.

ಪಕ್ಷೇತರರಾಗಿ ಸ್ಪರ್ಧೆ:

2019ರ ಚುನಾವಣೆಯಲ್ಲಿ ದ.ಕ. ಲೋಕಸಭಾ ಕ್ಷೇತ್ರದಲ್ಲಿ ಒಟ್ಟು 17,24,469 ಮತದಾರರಿದ್ದರು. ಈ ಪೈಕಿ 8,79,186 ಮಹಿಳೆ ಮತ್ತು 8,45,283 ಪುರುಷ ಮತದಾರರು. ಈ ಬಾರಿ 2024ರಲ್ಲಿ ಒಟ್ಟು 18,03,008 ಮತದಾರರಿದ್ದಾರೆ. ಈ ಪೈಕಿ 9,22,645 ಮಹಿಳೆ ಮತ್ತು 8,80,363 ಪುರುಷ ಮತದಾರರು. 2019ರ ಚುನಾವಣೆಗಿಂತ ಈ ಬಾರಿ ಒಟ್ಟು 78,539ರಷ್ಟು ಮತದಾರರು ಹೆಚ್ಚಳವಾಗಿದ್ದಾರೆ. ಈ ಬಾರಿ 43,459 ಮಂದಿ ಮಹಿಳಾ ಮತದಾರರು ಹೆಚ್ಚುವರಿ ಸೇರ್ಪಡೆಯಾಗಿದ್ದಾರೆ. ವದಂತಿಗೇ ಸೀಮಿತ!