ಪ್ರಸಕ್ತ ಸಮಾಜದಲ್ಲಿ ಮೌಲ್ಯ ಪ್ರಜ್ಞೆ ಕುಸಿಯುತ್ತಿದೆ: ಸಾಹಿತಿ ರೂಪಾ ಹಾಸನ

ಹಾಸನ ಆಶಾ ಕಾರ್ಯಕರ್ತೆಯರ ಪ್ರಥಮ ಜಿಲ್ಲಾ ಸಮ್ಮೇಳನ

ಪ್ರಸಕ್ತ ಸಮಾಜದಲ್ಲಿ ಮೌಲ್ಯ ಪ್ರಜ್ಞೆ ಕುಸಿಯುತ್ತಿದ್ದು, ಹೆಣ್ಣುಮಕ್ಕಳ ಮೇಲೆ ಹೆಚ್ಚುತ್ತಿರುವ ದೌರ್ಜನ್ಯ-ಅತ್ಯಾಚಾರ ಪ್ರಕರಣಗಳು ಹೆಚ್ಚುತ್ತಿವೆ, ಸಾಹಿತಿ ಹಾಗೂ ಹೋರಾಟಗಾರರಾದ ರೂಪ ಹಾಸನ ಬೇಸರ ವ್ಯಕ್ತಪಡಿಸಿದರು.

ಮುಖ್ಯ ಭಾಷಣಕಾರರಾಗಿ ಆಗಮಿಸಿದ್ದ ಆಶಾ ಸಂಘದ ರಾಜ್ಯ ಕಾರ್ಯದರ್ಶಿ ಡಿ.ನಾಗಲಕ್ಷ್ಮಿ, ರಾಷ್ಟ್ರೀಯ ಆರೋಗ್ಯ ಅಭಿಯಾನದಡಿ ನೇಮಿಸಲ್ಪಟ್ಟ ಆಶಾ ಕಾರ್ಯಕರ್ತೆಯರು ಆರೋಗ್ಯ ಕ್ಷೇತ್ರದ ಅತ್ಯಂತ ಕೆಳ ಹಂತದಲ್ಲಿ ಕಾರ್ಯನಿರ್ವಹಿಸುತ್ತಿದ್ದು ಸಾಮಾಜಿಕ ಸ್ವಾಸ್ಥ್ಯಕ್ಕೆ ಅಪಾರ ಕೊಡುಗೆಯನ್ನು ನೀಡುತ್ತಿದ್ದಾರೆ. ಅವರನ್ನು ನಮ್ಮ ದೇಶದ ಆರೋಗ್ಯ ಸ್ತಂಭ ಎಂದರೆ ತಪ್ಪಾಗಲಾರದು. ಕೊರೋನಾ ಕಾಲಘಟ್ಟದಲ್ಲಿ ಅವರ ಅನುಪಮ ಸೇವೆಯನ್ನು ಗುರುತಿಸಿ ನಮ್ಮ ಸರ್ಕಾರಗಳು ಕೊರೋನಾ ವಾರಿಯರ್ಸ್ ಎಂದು ಗುರುತಿಸಿದರೆ ವಿಶ್ವ ಆರೋಗ್ಯ ಸಂಸ್ಥೆಯು ‘ಜಾಗತಿಕ ಆರೋಗ್ಯ ನಾಯಕ’ರೆಂದು ಶ್ಲಾಘಿಸಿತು ಎಂದು ಹೇಳಿದರು.

ಎಐಯುಟಿಯುಸಿ ಮುಖಂಡರಾದ ಜಿ.ಹನುಮೇಶ್, ‘ಸರ್ಕಾರ ಮತ್ತು ಆರೋಗ್ಯ ಇಲಾಖೆಯನ್ನು ಪದೇ ಪದೇ ಎಚ್ಚರಿಸುತ್ತ ಆಶಾ ಕಾರ್ಯಕರ್ತೆಯರನ್ನು ಸಂಘಟಿಸಿ ಅವರ ಹಕ್ಕುಗಳನ್ನು ರಕ್ಷಿಸಿಕೊಳ್ಳುವ ಉದ್ದೇಶದಿಂದ ಕರ್ನಾಟಕ ರಾಜ್ಯ ಸಂಯುಕ್ತ ಆಶಾ ಕಾರ್ಯಕರ್ತೆಯರ ಸಂಘವು ರಾಜ್ಯ ಮಟ್ಟದ ಸಮ್ಮೇಳನವನ್ನು ಸೆ.13-14 ರಂದು ಕಲಬುರಗಿಯಲ್ಲಿ ಸಂಘಟಿಸುತ್ತಿದೆ ಎಂದರು.

ಸಮ್ಮೇಳನದ ಕೊನೆಯಲ್ಲಿ ನೂತನ ಜಿಲ್ಲಾ ಸಮಿತಿಯನ್ನು ಚುನಾಯಿಸಲಾಯಿತು. ಹಾಸನ ನೂತನ ಜಿಲ್ಲಾ ಸಮಿತಿ: ಗೌರವಾಧ್ಯಕ್ಷ-ಜಿ. ಹನುಮೇಶ್, ಅಧ್ಯಕ್ಷೆ- ಪುಷ್ಪಲತಾ ಚನ್ನರಾಯಪಟ್ಟಣ, ಉಪಾಧ್ಯಕ್ಷರು- ಮಮತಾ ಹಾಸನ, ಗೌರಮ್ಮ ಸಕಲೇಶಪುರ, ಗೀತಾ ಹೊಳೆನರಸೀಪುರ, ಶಿವಮ್ಮ ಆಲೂರು, ತಾಹೀರಾ ಬೇಲೂರು, ಕುಮಾರಿ ಅರಸೀಕೆರೆ, ಮಂಜುಳಾ ಅರಕಲಗೂಡು, ಕಾರ್ಯದರ್ಶಿ-ಲಕ್ಷ್ಮಿ ಆಲೂರು, ಜಂಟಿ ಕಾರ್ಯದರ್ಶಿಗಳು-ಶೈಲಜಾ ಅರಸೀಕೆರೆ, ರೆಹಮತ್ ಹಾಸನ, ಕೋಮಲ ಚನ್ನರಾಯಪಟ್ಟಣ, ಶ್ವೇತ ಬೇಲೂರು, ಶಶಿಕಲಾ ಸಕಲೇಶಪುರ, ಮೇಘನಾ ಅರ್ಬನ್, ಲಲಿತಾ ಹೊಳೆನರಸೀಪುರ, ಕಾರ್ಯಕಾರಿ ಸಮಿತಿ ಸದಸ್ಯರು- 33 ಜನ. ಒಟ್ಟು 48 ಸದಸ್ಯರ ನೂತನ ಜಿಲ್ಲಾ ಸಮಿತಿ ರಚನೆಯಾಯಿತು.