)
)
)
ಸಾರಾಂಶ
ಕನ್ನಡಪ್ರಭ ವಾರ್ತೆ ಕಲಬುರಗಿ
ನಾವು ಇಂದು "ಕಾನೂನು " ಎಂದು ಏನನ್ನು ಕರೆಯುತ್ತೇವೆಯೋ ಅದು ಪ್ರಾಚೀನ ಗ್ರಂಥಗಳು ಮತ್ತು ವಿವಿಧ ಯುಗಗಳ ನ್ಯಾಯಶಾಸ್ತ್ರಜ್ಞರು ಅಭಿವೃದ್ಧಿಪಡಿಸಿದ ತತ್ವಗಳಿಂದ ಹುಟ್ಟಿಕೊಂಡಿದೆ ಎಂದು ಕರ್ನಾಟಕ ಉಚ್ಚ ನ್ಯಾಯಾಲಯದ ನ್ಯಾಯಮೂರ್ತಿ ಇ.ಎಸ್. ಇಂದಿರೇಶ್ ಹೇಳಿದರು.ಅವರು, ಕಲಬುರಗಿ ಜಿಲ್ಲೆಯ ಮರ್ತೂರಿನ ವಿಜ್ಞಾನೇಶ್ವರ ಸಂಶೋಧನಾ ಕೇಂದ್ರದಲ್ಲಿ ಮಿತಾಕ್ಷರ ಗ್ರಂಥದ ಖ್ಯಾತ ಲೇಖಕ ವಿಜ್ಞಾನೇಶ್ವರ ಅವರನ್ನು ಸನ್ಮಾನಿಸಲು ಚಾಲುಕ್ಯ ಚಕ್ರವರ್ತಿ 6ನೇ ವಿಕ್ರಮಾದಿತ್ಯ ಅವರು ಮರ್ತೂರಿಗೆ ಭೇಟಿ ನೀಡಿ 901 ವರ್ಷಗಳ ಸ್ಮರಣಾರ್ಥ ನಡೆದ ಸಮಾರಂಭದಲ್ಲಿ ಮಾತನಾಡಿದರು.
ಅವರು ಮುಂದುವರೆದು ಮಾತನಾಡಿ, ಕೆಲವು ಉದಾಹರಣೆಗಳನ್ನು ಉಲ್ಲೇಖಿಸಿ “ಶುಂಠಿ ಬಾಟಲ್ ಕೇಸ್ (ಡೊನೊಗ್ಯೂ ವಿ ಸ್ಟೀವನ್ಸನ್) ನ "ನೆರೆಯ ತತ್ವ " ವನ್ನು ಹೇಳಿದರು, ಅಲ್ಲಿ ಲಾರ್ಡ್ ಅಟ್ಕಿನ್ ಮುಂದಿನ ನೆರೆಹೊರೆಯವರಿಗೆ ತಯಾರಕರನ್ನು ಜವಾಬ್ದಾರರಾಗಿರುತ್ತಾನೆ, ಅಂದರೆ ಗ್ರಾಹಕರಿಗೆ ಜವಬ್ದಾರನಾಗಿರುತ್ತಾನೆ. ಇದನ್ನು ಈಗ ಪ್ರಸ್ತುತ ಗ್ರಾಹಕ ಕಾನೂನುಗಳಲ್ಲಿ ಅನುಸರಿಸಲಾಗುತ್ತಿದೆ. ಅದೆ ರೀತಿ "ರಕ್ಷಣಾತ್ಮಕ ತಾರತಮ್ಯ " ತತ್ವವನ್ನು ಕೂಡ ನಾವು ಇಂದು ಬಳಸುತ್ತಿದ್ದೇವೆ. ಈ ಉದ್ದೇಶವನ್ನು ಭಾರತದ ಸಂವಿಧಾನದ 15 (4) ಮತ್ತು 16 (4) ರಲ್ಲೂ ಸಹ ಕಾಣಬಹುದು, ಇದನ್ನು ಮೆಲ್ಟಿಂಗ್ ಪಾಯಿಂಟ್ ಎಂದೂ ಕರೆಯುತ್ತಾರೆ. "ಪ್ರಕೃತಿ ರಕ್ಷಿತೆ ರಕ್ಷಿತಾ " ಪ್ರಕೃತಿಯು ತನ್ನನ್ನು ರಕ್ಷಿಸುವವರನ್ನು ರಕ್ಷಿಸುತ್ತದೆ; ಪ್ರಸ್ತುತ ಪರಿಸರ ಕಾನೂನುಗಳಲ್ಲಿ ಈ ತತ್ವವನ್ನು ಅಳವಡಿಸಿಕೊಳ್ಳಲಾಗಿದೆ. ಪಂಚಾಯತ್ ರಾಜ್ ನಿಯಮಗಳು ಅನಾದಿ ಕಾಲದಿಂದಲೂ ಭಾರತೀಯ ಸಮಾಜದಲ್ಲಿ ಚಾಲ್ತಿಯಲ್ಲಿವೆ” ಎಂದು ಅವರು ಹೇಳಿದರು.ಕಾನೂನು ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದ ನ್ಯಾಯಮೂರ್ತಿ ಇಂದಿರೇಶ್ ವೃತ್ತಿಜೀವನದ ಬಗ್ಗೆ ಮಾತನಾಡಿ “ಯಶಸ್ವಿಯಾಗಲು ನೀವು ವಿಶೇಷವಾಗಿ ಆರಂಭಿಕ 5-10 ವರ್ಷಗಳ ಕಾಲ ಬಹಳ ಶ್ರಮಿಸಬೇಕು, ಆಗ ಮಾತ್ರ ನೀವು ಕಾನೂನು ವೃತ್ತಿಯಲ್ಲಿ ಪರಿಣಿತರಾಗುತ್ತೀರಿ. ಅನೇಕ ಜನರು ಹಿರಿಯರ ಮಾರ್ಗವನ್ನು ಅನುಸರಿಸಲು ಕಷ್ಟಪಡುತ್ತಾರೆ, ಆದರೆ ಅದೇ ಸಮಯದಲ್ಲಿ ನೀವು ಪ್ರಾಯೋಗಿಕವಾಗಿರಬೇಕು. ಯಶಸ್ವಿ ವಕೀಲರು ಮತ್ತು ನ್ಯಾಯಾಧೀಶರ ಜೀವನಚರಿತ್ರೆ ಮತ್ತು ಆತ್ಮಚರಿತ್ರೆಗಳನ್ನು ಓದಿ ಕಲಿತುಕೊಳ್ಳಿ. ನಿಮಗೆ ಇಮ್ಮದೇ ಆದ ಸ್ವಂತ ದೂರ ದೃಷ್ಟಿ ಮತ್ತು ಕನಸಿರಬೇಕು; ಆದರೆ ನಕಾರಾತ್ಮಕತೆಯನ್ನು ಮೈಗೂಡಿಸಿಕೊಳ್ಳಬೇಡಿ, ಯಾವಾಗಲೂ ಧನಾತ್ಮಕವಾಗಿರಿ” ಎಂದರು.
ಸಿಯುಕೆ ಕುಲಪತಿ ಪ್ರೊ. ಬಟ್ಟು ಸತ್ಯನಾರಾಯಣ ಸಭೆಯನ್ನುದ್ದೇಶಿಸಿ ಮಾತನಾಡಿ, "ಕಾನೂನು ನಿಯಮಗಳು ಬಹಳ ಮುಖ್ಯ. ಕಕ್ಷಿದಾರ ಮತ್ತು ರಾಷ್ಟ್ರದ ಹಿತಾಸಕ್ತಿ ಕಾಪಾಡಲು ನಮಗೆ ಉತ್ತಮ ವಕೀಲರು ಬೇಕು. ಯಾವುದೇ ಸಮಾಜದ ಅಭಿವೃದ್ಧಿಗೆ ಕಾನೂನು ಮತ್ತು ಸುವ್ಯವಸ್ಥೆ ಬಹಳ ಮುಖ್ಯ. ಕಾನೂನಿನ ಆಡಳಿತವಿಲ್ಲದಿದ್ದರೆ ಪ್ರಭಲರು ದುರ್ಬಲರನ್ನು ಶೋಷಿಸುತ್ತಾರೆ; ಆದ್ದರಿಂದಲೇ ಜನರು ಮತ್ತು ಸಮಾಜದ ರಕ್ಷಣೆಗೆ ಕಾನೂನು ಮುಖ್ಯವಾಗಿದೆ” ಎಂದರು.ಭ್ರಷ್ಟಾಚಾರ ಮತ್ತು ರಾಜಿ ನಮ್ಮ ಸಾರ್ವಜನಿಕ ಸಂಸ್ಥೆಗಳನ್ನು ಮತ್ತು ಅವುಗಳ ದಕ್ಷತೆಯನ್ನು ದುರ್ಬಲಗೊಳಿಸುತ್ತಿವೆ. ವೈದ್ಯರು, ಶಿಕ್ಷಕರು ಮತ್ತು ನ್ಯಾಯಾಂಗವು ಯಾವುದೇ ಒತ್ತಡ, ಪಕ್ಷಪಾತ ಮತ್ತು ಭಯವಿಲ್ಲದೆ ಕಾರ್ಯನಿರ್ವಹಿಸಿದರೆ ಮಾತ್ರ ಯಾವುದೇ ದೇಶವು ಪ್ರಗತಿ ಹೊಂದುತ್ತದೆ. ಆದ್ದರಿಂದ ನಾವು ನಮ್ಮ ವೃತ್ತಿಯಲ್ಲಿ ನೈತಿಕತೆ ಮತ್ತು ಪ್ರಾಮಾಣಿಕತೆಯ ಎತ್ತಿಹಿಡಿಯಬೇಕು ಎಂದರು.
ವಿಜ್ಞಾನೇಶ್ವರ ಪ್ರತಿಷ್ಠಾನ ಟ್ರಸ್ಟ್‌ನ ಅಧ್ಯಕ್ಷ ಬಸವರಾಜ ಪಾಟೀಲ್ ಸೇಡಂ ಮಾತನಾಡಿ, ಸಮಾಜದಲ್ಲಿ ನ್ಯಾಯವನ್ನು ಸ್ಥಾಪಿಸಲು ಮತ್ತು ಎತ್ತಿಹಿಡಿಯಲು ನಾವು ಧೈರ್ಯ ಮತ್ತು ಪ್ರಾಮಾಣಿಕರಾಗಿರಬೇಕು. ಸವಾಲುಗಳನ್ನು ಧೈರ್ಯದಿಂದ ಎದುರಿಸಲು ನಾನು ಸಲಹೆ ನೀಡುತ್ತೇನೆ ಮತ್ತು ಪ್ರೊತ್ಸಾಹಿಸುತ್ತೇನೆ. ನನ್ನ ಜೀವನದಲ್ಲಿ ನಾನು ಅಂತಹ ಅನೇಕ ಘಟನೆಗಳನ್ನು ಎದುರಿಸಿದ್ದೇನೆ ಎಂದರು.ಸಿಯುಕೆಯ ಕಾನೂನು ವಿಭಾಗ ಮತ್ತು ವಿಜ್ಞಾನೇಶ್ವರ ಪ್ರತಿಷ್ಠಾನ ಟ್ರಸ್ಟ್ ನಡುವೆ ಮಿತಾಕ್ಷರ ಮತ್ತು ಪ್ರಾಚೀನ ಭಾರತೀಯ ಕಾನೂನು ವ್ಯವಸ್ಥೆ ಕುರಿತು ಜಂಟಿಯಾಗಿ ಕಾರ್ಯಾಗಾರಗಳು, ವಿಚಾರಗೋಷ್ಠಿಗಳು, ಸಂಶೋಧನೆ ಮತ್ತು ಪ್ರಮಾಣ ಪತ್ರ ಕೋರ್ಸ್‍ಗಳನ್ನು ಆಯೋಜಿಸಲು ಒಟ್ಟಾಗಿ ಕೆಲಸ ಮಾಡಲು ಸಹಿ ಹಾಕಲಾಯಿತು.
ಸಿಯುಕೆಯ ಕಾನೂನು ನ್ಯಾಯಶಾಸ್ತ್ರ ಅಧ್ಯಯನ ಶಾಲೆಯ ಡೀನ್ ಡಾ.ಬಸವರಾಜ ಎಂ.ಕುಬಕಡ್ಡಿ ಸ್ವಾಗತಿಸಿ, ಮಹಾದೇವಯ್ಯ ಕರದಳ್ಳಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು, ವಿಜ್ಞಾನೇಶ್ವರ ಪ್ರತಿಷ್ಠಾನ ಟ್ರಸ್ಟ್ (ರಿ)ಯ ಟ್ರಸ್ಟಿ ಎಸ್.ಸಿ.ಪಾಟೀಲ್ ವಂದಿಸಿದರು. ಜೆ.ನಾಗರಾಜ್ ಕಾರ್ಯಕ್ರಮ ನಿರೂಪಿಸಿದರು. ಕಾರ್ಯಕ್ರಮದಲ್ಲಿ ಸಿಯುಕೆ, ವಿಜ್ಞಾನೇಶ್ವರ ಕಾನೂನು ಕಾಲೇಜು, ಎಸ್‍ಎಸ್‍ಎಲ್ ಕಾನೂನು ಕಾಲೇಜು, ಸಿದ್ಧಾರ್ಥ ಕಾನೂನು ಕಾಲೇಜು, ಕಲಬುರಗಿಯ, ಜೆಎನ್‍ಆರ್‍ಎಲ್ ಕಾನೂನು ಕಾಲೇಜು ಸೇಡಂ, ಎಸ್‍ಸಿಎಬಿ ಕಾನೂನು ಕಾಲೇಜು ರಾಯಚೂರಿನ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.)
)
;Resize=(128,128))
_240.JPG?impolicy=All_policy&im=Resize=(128))
)