ಚಂದ್ರಗುತ್ತಿ ಜಾತ್ರೆ: ಭಕ್ತರಿಗೆ ಕಾಡಿವೆ ಮೂಲಸೌಕರ್ಯ ಕೊರತೆ

ಎಚ್.ಕೆ.ಬಿ. ಸ್ವಾಮಿ

ವರ್ಷಕ್ಕೆ ಕೋಟ್ಯಂತರ ರು.ಗಳ ಆದಾಯ ತರುವ ಶ್ರೀ ರೇಣುಕಾಂಬೆ ನೆಲೆವೀಡಿನ ಚಂದ್ರಗುತ್ತಿಯಲ್ಲಿ ಭಕ್ತರಿಗೆ ಮೂಲಸೌಕರ್ಯಗಳು ಎನ್ನುವುದು ಗಗನಕುಸುಮ ಆಗಿವೆ. ಕುಡಿಯುವ ನೀರಿಗೆ ಹಾಹಾಕಾರ, ಬಯಲೇ ಶೌಚಾಲಯ, ಸ್ತ್ರೀಯರ ಸೀರೆ ಸ್ನಾನಗೃಹ, ದೇಹಬಾಧೆ ತೀರಿಸಿಕೊಳ್ಳಲು ಮರ-ಗಿಡಗಳ ಪೊದೆಗಳೋ, ಜಮೀನುಗಳೇ ಗತಿಯಾಗಿದೆ!

ಇದರಿಂದಾಗಿ ೩ ಕಿ.ಮೀ. ದೂರದ ವರದಾ ನದಿಯಲ್ಲಿ ಸ್ನಾನ ಮಾಡಿ, ಕಾಲ್ನಡಿಗೆಯಲ್ಲಿ ದೇವಿಯ ಗುಡಿಗೆ ಬಂದು ಸೇವೆ ಸಲ್ಲಿಸುವ, ಉರುಳುಸೇವೆ, ಉದ್ದಂಡ ಮತ್ತು ದೀಡು ನಮಸ್ಕಾರ, ಮೀಸಲುಬುತ್ತಿ ಸೇವೆ, ಕಿವಿ ಚುಚ್ಚುವುದು, ಕೇಶಮುಂಡನೆ, ಪಡ್ಲಿಗೆ ಪೂಜೆ ಆಚರಣೆಗಳನ್ನು ಮಾಡಬಹುದಾಗಿದೆ. ಆದರೆ, ಭಕ್ತರಿಗೆ ಮಾತ್ರ ಅಗತ್ಯ ಸೌಲಭ್ಯಗಳ ಕೊರತೆ ಕಾಡುತ್ತಿದೆ.

ರಥಬೀದಿ ಆಜುಬಾಜಿನಲ್ಲಿ ಅಡುಗೆ ತಯಾರಿಕೆ ಇನ್ನೂ ನಿಂತಿಲ್ಲ. ಬಯಲಿನಲ್ಲಿಯೇ ಸ್ನಾನ ಮಾಡುತ್ತಾರೆ. ಮಹಿಳೆಯರು ಬಟ್ಟೆ ಬದಲಾಯಿಸುವಾಗ ಸುತ್ತಲೂ ಸೀರೆ ಕಟ್ಟಿಕೊಳ್ಳುವುದು ಅನಿವಾರ್ಯವಾಗಿದೆ. ಇದು ಹಿಂದಿನ ಬೆತ್ತಲೆ ಸೇವೆಗಿಂತಲೂ ಹೀನಾಯ ಸ್ಥಿತಿ ಎಂದರೆ ತಪ್ಪಾಗದು.

- ರಾಮಪ್ಪ ಚಕ್ರಪಾಣಿ, ಹಿರೇಕೆರೂರು

– ಟಿ. ರಾಜಪ್ಪ ಮಾಸ್ತರ್ ಸೊರಬ, ಪ್ರಗತಿಪರ ಸಂಘಟನೆಗಳ ಹೋರಾಟಗಾರ ಕಾಣಿಕೆ ಹಣ ಅಭಿವೃದ್ಧಿ ಕಾರ್ಯಗಳಿಗೆ ಬಳಸುವ ಅಧಿಕಾರ ತಾಲೂಕು ಆಡಳಿತಕ್ಕಿಲ್ಲ. ಜಾತ್ರಾ ಸಮಯದಲ್ಲಿ ಭಕ್ತರಿಗೆ ಟ್ಯಾಂಕರ್ ಮೂಲಕ ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿದೆ. ಗುಡ್ಡದ ಮೇಲೆ ಮತ್ತು ಕೆಳಗೆ ನೆರಳಿಗಾಗಿ ಶಾಮಿಯಾನ ಹಾಕಲಾಗಿದೆ. ಸಾಗರ ಎಸಿ ಆದೇಶದ ಮೇರೆಗೆ ಮೊಬೈಲ್ ಶೌಚಾಲಯ ಅಳವಡಿಸಲಾಗಿದೆ. ಅಲ್ಲದೇ, ವಾಹನ ಪಾರ್ಕಿಂಗ್, ಸ್ವಚ್ಛತೆ, ಬೀದಿದೀಪ ವ್ಯವಸ್ಥೆ ಮಾಡಲಾಗಿದೆ

- - - -೧೫ಕೆಪಿಸೊರಬ೦೧: