ಗೋಕರ್ಣದಲ್ಲಿ ರಕ್ಷಾ ಬಂಧನ ಹಬ್ಬಕ್ಕೆ ಬಗೆ ಬಗೆಯ ರಾಖಿ

ಗೋಕರ್ಣ: ರಕ್ಷಾ ಬಂಧನ ಹಬ್ಬ ಹತ್ತಿರವಾಗುತ್ತಿದ್ದಂತೆ ಮಾರುಕಟ್ಟೆಗೆ ಬಗೆ ಬಗೆಯ ರಕ್ಷೆ (ರಾಖಿ)ಗಳು ಮಾರಾಟಕ್ಕೆ ಬಂದಿದೆ.

ಈ ಬಾರಿ ಒಂದು ರಕ್ಷೆಗೆ ₹5ರಿಂದ ₹150ರ ವರೆಗೆ ದರ ನಿಗದಿಯಾಗಿದೆ. ಪತ್ವಾ ರಾಖಿ, ಮೋತಿ ರಾಖಿ, ಮಕ್ಕಳ ಸಣ್ಣ ರಾಖಿ ಸೇರಿದಂತೆ ಹಲವು ಹೆಸರುಗಳನ್ನು ಹೊಂದಿದೆ.

ಈ ಹಿಂದೆ ದೂರದ ಊರಿನಲ್ಲಿ ವಾಸಿಸುವ ಸಹೋದರಿಯರು ಅಂಚೆ ಮೂಲಕ ತಮ್ಮ ಸಹೋದರರಿಗೆ ರಾಖಿ ಕಳುಹಿಸುತ್ತಿದ್ದರು. ಆದರೆ ಪ್ರಸ್ತುತ ಈ ಪರಿಪಾಠ ಕಡಿಮೆಯಾಗಿದೆ. ವರ್ಷಕ್ಕೊಮ್ಮೆ ನಡೆಯುವ ಈ ಹಬ್ಬ ವ್ಯಾಪಾರಸ್ಥರಿಗೂ ನಿರೀಕ್ಷಿತ ವಹಿವಾಟು ಇಲ್ಲದೆ ನಿರಾಸೆ ತಂದಿದೆ.