ಉದ್ರಿಕ್ತ ಗುಂಪಿದ್ದಾಗ ಅನಾಹುತ ಸಹಜ: ಶಾಸಕ ಶಿವಗಂಗಾ ಬಸವರಾಜ ಹೇಳಿಕೆ

- ಮರಣೋತ್ತರ ಪರೀಕ್ಷೆ ವರದಿ ಬಂದರೆ ಆದಿಲ್‌ ಸಾವಿನ ಕಾರಣ ಸ್ಪಷ್ಟ - - - ಕನ್ನಡಪ್ರಭ ವಾರ್ತೆ, ದಾವಣಗೆರೆ

ಮೃತ ಆದಿಲ್ ನಿವಾಸಕ್ಕೆ ಶನಿವಾರ ಭೇಟಿ ನೀಡಿ, ಪಾರ್ಥಿವ ಶರೀರದ ದರ್ಶನ ಮಾಡಿದ ನಂತರ ಮೃತನ ತಂದೆ ಖಲೀಂವುಲ್ಲಾ ಅವರನ್ನು ತಬ್ಬಿಕೊಂಡು ಸಮಾಧಾನಪಡಿಸಿದರು. ಅನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, ನಾನು ನಿಮ್ಮೊಂದಿಗೆ ಇದ್ದೇನೆ. ಯಾರೇ ತಪ್ಪು ಮಾಡಿದ್ದರೂ ಕ್ರಮ ಆಗುತ್ತದೆ ಎಂದರು.

ಆದಿಲ್ ತಂದೆ ಖಲೀಂವುಲ್ಲಾ ಮಗನ ಸಾವಿನ ಶಾಕ್‌ನಿಂದಾಗಿ ಏನೇನೋ ಮಾತನಾಡಿದ್ದಾರೆ. ಪೊಲೀಸರು ಕರೆದೊಯ್ದಾಗ ಆದಿಲ್‌ ಸಾವು ಸಂಭವಿಸಿದ್ದರಿಂದ ಉದ್ರಿಕ್ತ ಜನರು ಠಾಣೆ ಮುಂಭಾಗದಲ್ಲಿ ಪ್ರತಿಭಟಿಸಿದ್ದಾರೆ. ಆದರೆ, ಗಲಾಟೆಯಲ್ಲಿ ಯಾವುದೇ ಸಾವು, ನೋವಾಗಿಲ್ಲ. ಪ್ರತಿಭಟನೆಗೆ ಬೇರೆ ಕಡೆಯಿಂದ ಯಾರೂ ಬಂದಿಲ್ಲ. ಗುಂಪಿನಲ್ಲಿ ಯಾರೋ ಒಂದಿಬ್ಬರು ಹಾಗೆ ಮಾಡಿದ್ದಾರೆ. ಜನರು ಉದ್ರಿಕ್ತರಾದಾಗ ಇಂತಹ ಅನಾಹುತಗಳು ಸಹಜ ಎಂದ ಅವರು, ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಉತ್ತಮವಾಗಿಯೇ ಇದೆ ಎಂದರು.

- - - -ಫೋಟೋಇದೆ: (-ಶಿವಗಂಗಾ ಬಸವರಾಜ)