ಹಾಕಿ ಕೂರ್ಗ್: ಡ್ರಿಬ್ಲರ್ಸ್ ಹಂಪ್, ಬ್ಲೆಜ್ ಮೂರ್ನಾಡು ಫೈನಲ್‌ಗೆ

ಕನ್ನಡಪ್ರಭ ವಾರ್ತೆ ವಿರಾಜಪೇಟೆ

ಪಂದ್ಯದ ದ್ವಿತೀಯ ಕ್ವಾರ್ಟರ್ ನಲ್ಲಿ ಮಾಹದೇವ ಸ್ಪೋರ್ಟ್ಸ್ ಕ್ಲಬ್ ನ ಆಟಗಾರ ಕಿರಣ್ ಪೆನಾಲ್ಟಿ ಕಾರ್ನರ್ ಗಳಿಸಿದ ಗೋಲಿನಿಂದ 1-0 ಮುನ್ನಡೆ ಪಡೆದುಕೊಂಡಿತು. ಹಿನ್ನಡೆಯೊಂದಿಗೆ ದ್ವಿತೀಯ ಅವಧಿ ಆರಂಬಿಸಿದ ಡ್ರಿಬ್ಲರ್ಸ್ ಹಂಪ್ ತಂಡವು ಸತತ ಆಕ್ರಮಣ ದೊಂದಿಗೆ ಮೋಕ್ಷಿತ್ 49ನೇ ನಿಮಿಷದಲ್ಲಿ ಗಳಿಸಿದ ಗೋಲಿನಿಂದ ಪೂರ್ಣ ಅವಧಿಗೆ 1-1 ಗೋಲಿನ ಸಮಬಲ ಸಾಧಿಸಿತು. ಅಂತಿಮವಾಗಿ ವಿಜೇತರನ್ನು ನಿರ್ಧರಿಸಲು ಶೂಟ್ ಔಟ್ ನಿಯಮ ಅಳವಡಿಸಲಾಯಿತು. ಶೂಟ್ ಔಟ್ ನಲ್ಲಿ ಡ್ರಿಬ್ಲರ್ಸ್ ಹಂಪ್ ತಂಡದ ಆಟಗಾರರಾದ ವಿರಣ್ಣ ಮೋಕ್ಷಿತ್ ಮತ್ತು ಸೋಮಣ್ಣ ಗಳಿಸಿದ ಗೋಲಿನ ನೆರವಿನಿಂದ ಗೆಲುವಿನ ನಗೆ ಬೀರಿದರು. ಮಾಹದೇವ ಬಲಂಬೆರಿ ತಂಡದ ಅತಿಥಿ ಆಟಗಾರರಾದ ನಹಿಮ್ ಮತ್ತು ಮೂಸಸ್ ಮಾತ್ರ ಗೋಲುಗಳಿಸಲು ಸಫಲರಾದರುದ್ವಿತೀಯ ಸೆಮಿಫೈನಲ್ಸ್ ನಲ್ಲಿ ಬ್ಲೆಜ್ ಮೂರ್ನಾಡು ತಂಡವು 2--0 ಗೋಲುಗಳ ಅಂತರದಿಂದ ಕೊಣನಕಟ್ಟೆ ತಂಡವನ್ನು ಸೋಲಿಸಿ ಫೈನಲ್ ಪ್ರವೇಶಿಸಿತು ಬ್ಲೆಜ್ ಮೂರ್ನಾಡು ತಂಡದ ಪರವಾಗಿ ಅತಿಥಿ ಆಟಗಾರ ಅಂಕುರ್ 25 ನೇ ನಿಮಿಷ ಮತ್ತು ಸುಕುನ್ 48 ನೇ ನಿಮಿಷದಲ್ಲಿ ಗೋಲು ಗಳಿಸಿದರು.

ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿಗಳ ಕಾನೂನು ಸಲಹೆಗಾರರಾದ ಎ ಎಸ್ ಪೊನ್ನಣ್ಣ, ಉಸ್ತುವಾರಿ ಸಚಿವ ಬೋಸ್ ರಾಜು, ಶಿಕ್ಷಣ ಸಚಿವರಾದ ಮಧು ಬಂಗಾರಪ್ಪ, ಸಂಸದರಾದ ಯದುವೀರ್ ಒಡೆಯರ್, ಎಂಎಲ್ ಸಿ ಸುಜಾಕುಶಾಲಪ್ಪ, ಬೋಜೇಗೌಡ, ಡಾ.ಧನಂಜಯ್ ಸರ್ಜಿ, ಜಿಲ್ಲಾಧಿಕಾರಿ ವೆಂಕಟರಾಜು, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ ರಾಮ್ ರಾಜನ್, ಶಾಲಾ ಶಿಕ್ಷಣ ಉಪನಿರ್ದೇಶಕರಾದ ರಂಗಧಾಮಪ್ಪ, ವಿರಾಜಪೇಟೆ ಕ್ಷೇತ್ರ ಶಿಕ್ಷಣಾಧಿಕಾರಿ ಡಾ. ಆರ್. ರವಿ, ಎಲ್ಡಿಸಿ ಮುಖ್ಯಸ್ಥ ಅನೂಜ್ ಅಗರ್ವಾಲ್, ಗ್ರಾಸ್ ರೂಟ್ ಮುಖ್ಯಸ್ಥ ಸ್ಯಾಮುಯೆಲ್ ವಿಲ್ಸನ್, ಉದ್ಯಮಿ ನೀಲಿಪಲ್ ಚೌಧರಿ, ಮುಖ್ಯ ಶಿಕ್ಷಕಿ ಕೆ ಎ ದೀಪಾ ಭಾಗವಹಿಸಲಿದ್ದಾರೆ.ಮದ್ಯಾಹ್ನ 2 ಗಂಟೆಗೆ ಸಮಾರೋಪ ಸಮಾರಂಭದಲ್ಲಿ ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷರಾದ ಕಂಜಿತಂಡ ಕೆ ಮಂದಣ್ಣ, ದಾನಿಗಳಾದ ಕೊಲ್ಲಿರ ಯು ಕಾವೇರಮ್ಮ, ಉದ್ಯಮಿ ಎಂ ಬಿ ವರುಣ್ ಗಣಪತಿ, ದಾನಿ ನಾಮೇರ ನವೀನ್, ಚೇರಂಡ ಮೋಹನ್ ಕುಶಾಲಪ್ಪ, ಕಂಜಿತಂಡ ಭಾಗ್ಯ ಮಂದಣ್ಣ, ಚೇಮಿರ ಸನ್ನು ಪೊನಪ್ಪ, ಸಿ ಎಮ್ ಕಾರ್ಯಪ್ಪ ಹಾಗೂ ಹಾಕಿ ಕೂರ್ಗ್ ಅಧ್ಯಕ್ಷರಾದ ಲವಕುಮಾರ್ ಭಾಗವಹಿಸಲಿದ್ದಾರೆ.