ಪ್ರೋತ್ಸಾಹವೇ ಜಾನಪದ ಗೀತೆ ಗಾಯನಕ್ಕೆ ಸ್ಫೂರ್ತಿ

- ರಾಜ್ಯೋತ್ಸವ ಪ್ರಶಸ್ತಿ ಪ್ರಕಟ ಹಿನ್ನೆಲೆ ಕಲಾವಿದೆ ಮುಗುಳಿ ಲಕ್ಷ್ಮೀದೇವಮ್ಮ ಸಂತಸ

ನಾಡಿನ ಸುಪ್ರಸಿದ್ಧ ಜನಪದ ಗಾಯಕರು ಹಾಗೂ ಜನಪದ ಸಾಹಿತ್ಯ ರತ್ನ ಕೆ.ಆರ್.ಲಿಂಗಪ್ಪ ಮತ್ತು ತಮ್ಮ ಯಜಮಾನ ರಾದ ಸುಬ್ರಣ್ಣಾರ ರಾಮಚಂದ್ರಪ್ಪ ಅವರ ಪ್ರೋತ್ಸಾಹವೇ ತಮ್ಮ ಜನಪದ ಗೀತೆ ಗಾಯನ ಮತ್ತು ವಿಶ್ಲೇಷಣೆಗೆ ಪ್ರೇರಣೆ ನೀಡಿದೆ ಎಂದು ಹಿರಿಯ ಜಾನಪದ ಕಲಾವಿದೆ ಮುಗುಳಿ ಲಕ್ಷ್ಮೀದೇವಮ್ಮ ಹೇಳಿದ್ದಾರೆ.

ಜಾನಪದ ಸಂಸ್ಕೃತಿಯಾಗಿದೆಃ

ಸೊಲ್ಲಾಪುರ ನಮ್ಮ ತಾಯಿ ಮನೆಯಾಗಿದ್ದು ಅಲ್ಲಿಯೇ ತಾವು ಏಳನೆ ತರಗತಿ ವರೆಗೆ ವಿದ್ಯಾಭ್ಯಾಸ ಮಾಡಿದ್ದೇನೆ. ನಂತರ ಮುಗುಳಿ ಗ್ರಾಮಕ್ಕೆ ಬಂದ ಮೇಲೆ ನನ್ನ ಗೀತ ಗಾಯನ ಕೇಳಿದ ಜನಪದ ಸಾಹಿತ್ಯ ರತ್ನ ಕೆ.ಆರ್.ಲಿಂಗಪ್ಪ ಅವರು ನೀವು ಶುಶ್ರಾವ್ಯವಾಗಿ ಜನಪದ ಗೀತೆಗಳನ್ನು ಹಾಡುತ್ತೀರಿ ಎಂದು ಮೆಚ್ಚಗೆ ವ್ಯಕ್ತಪಡಿಸಿದ್ದಲ್ಲದೆ, ಸೋಬಾನೆ ಸೊಬಗು ಗೀತೆಗಳನ್ನು ಸಿದ್ಧಪಡಿಸಿ ಭದ್ರಾವತಿ ಆಕಾಶವಾಣಿಯಲ್ಲಿ ನನಗೆ ಒಂದು ಗಂಟೆಗಳ ಕಾರ್ಯಕ್ರಮ ನೀಡಲು ಅವಕಾಶ ಕಲ್ಪಿಸಿದರು. ಜನಪದ ಒಗಟುಗಳನ್ನು ನನಗೆ ಹೇಳಿಕೊಟ್ಟರು. ಅದೇ ರೀತಿ ಹಿರಿಯ ಜನಪದ ತಜ್ಞರಾದ ಬಸವರಾಜ ನೆಲ್ಲಿಸರ ಜನಪದ ಗೀತೆಗಳ ಹೇಳುವ ಧಾಟಿ ತಿಳಿಸಿಕೊಟ್ಟರು,

ತರೀಕೆರೆ ತಾಲೂಕಿನಲ್ಲಿ 14ನೇ ಕನ್ನಡ ಸಾಹಿತ್ಯ ಸಮ್ಮೇಳನಾಧ್ಯಕ್ಷೆಯಾಗಿ ನನ್ನನ್ನು ಆಯ್ಕೆಮಾಡಿರುವುದು ನನಗೆ ಆಪಾರ ಸಂತೋಷ ತಂದಿದೆ. ಕನ್ನಡ ಸಾಹಿತ್ಯ ಪರಿಷತ್ತು ಜಿಲ್ಲಾಧ್ಯಕ್ಷ ಸೂರಿ ಶ್ರೀನಿವಾಸ ಅವರು ಜಿಲ್ಲಾ ಜಾನಪದ ಮಹಿಳಾ ಸಮ್ಮೇಳನಕ್ಕೆ ನನ್ನನ್ನು ಸರ್ವಾಧ್ಯಕ್ಷರನ್ನಾಗಿ ಆಯ್ಕೆ ಮಾಡಿದ್ದರು ಮತ್ತು ಎಲ್ಲಾ ಮಹಿಳಾ ಘಟಕದ ಅಧ್ಯಕ್ಷರು ಪದಾಧಿಕಾರಿಗಳು ಪ್ರೋತ್ಸಾಹಿಸಿದ್ದಾರೆ. ನನ್ನ ಜೀವನದ ಜೊತೆಗೇ ಜನಪದವನ್ನು ಬೆಳೆಸಿಕೊಂಡು ಬಂದಿದ್ದೇನೆ. ಈ ಬಾರಿ ರಾಜ್ಯೋತ್ಸವ ಪ್ರಶಸ್ತಿಗೆ ನನ್ನನ್ನು ಗುರುತಿಸಿರುವುದು ಅತೀವ ಸಂತಸ ತಂದಿದೆ ಎಂದರು.

----------------ಫೋಟೋ ಇದೆಃ30ಕೆಟಿಆರ್.ಕೆ.4ಃ ಹಿರಿಯ ಜಾನಪದ ಕಲಾವಿದರಾದ ಮುಗುಳಿ ಲಕ್ಷ್ಮೀದೇವಮ್ಮ