ಶಹಾಪುರ ಸಪ್ರದ ಕಾಲೇಜು ಜಾಗ ಒತ್ತುವರಿ

ಜಮೀನು ಹದ್ದುಬಸ್ತು ಮಾಡಲು ಪ್ರಾಂಶುಪಾಲರು ಪತ್ರ ಬರೆದರೂ ಹಿಂದೇಟು । ಅತಿಕ್ರಮಣಕ್ಕೆ ಅಧಿಕಾರಿಗಳ ಸಾಥ್: ಆರೋಪ ಮಲ್ಲಯ್ಯ ಪೋಲಂಪಲ್ಲಿ

ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಜಮೀನಿನ ಸರ್ವೇ ನಂಬರ್ 504 ಅನ್ನು ಸರ್ವೇ ಮಾಡಿ ಹದ್ದುಬಸ್ತು ಮಾಡಿಕೊಡುವಂತೆ ಹಲವು ಬಾರಿ ಪ್ರಾಂಶುಪಾಲರು ಸಂಬಂಧಪಟ್ಟ ಅಧಿಕಾರಿಗಳಿಗೆ ಪತ್ರ ಬರೆದರೂ ಯಾವೊಬ್ಬ ಅಧಿಕಾರಿಯೂ ಸ್ಪಂದಿಸಿಲ್ಲ. ಈಗ ಜಮೀನು ಉಳ್ಳವರ ಪಾಲಾಗುವ ಕಾಲ ದೂರವಿಲ್ಲ ಎನ್ನಲಾಗುತ್ತಿದೆ. ನಗರದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿಗೆ ಸೇರಿದ ಸರ್ವೇ ನಂಬರ್ 504 ರಲ್ಲಿ 13 ಎಕರೆ 22 ಗುಂಟೆ ಜಮೀನಿನಲ್ಲಿ ಬೀದರ್-ಬೆಂಗಳೂರು ರಾಜ್ಯ ಹೆದ್ದಾರಿ ಹಾದು ಹೋಗಿದ್ದು, ರಸ್ತೆ ಎರಡು ಭಾಗದಲ್ಲಿ ಜಮೀನು ಹಂಚು ಹೋಗಿದೆ. ಅಂದಾಜು 1.5 ರಿಂದ 2 ಎಕರೆ ಜಮೀನು ಹೆದ್ದಾರಿಯ ಉತ್ತರ ದಿಕ್ಕಿನಲ್ಲಿದೆ. ಈ ಜಮೀನನ್ನು ಮೇಲ್ನೋಟಕ್ಕೆ ಅತಿಕ್ರಮಣ ಮಾಡಿರುವುದು ಕಂಡು ಬಂದಿದೆ.

ಕಾಲೇಜು ಪ್ರಾಂಶುಪಾಲರು ಮೇ 20- 2023 ರಂದು ಕಾಲೇಜು ಜಮೀನು ಹದ್ದುಬಸ್ತು ಮಾಡಿ ಕೊಡುವಂತೆ ಜಿಲ್ಲಾಧಿಕಾರಿಯವರಿಗೆ ನೇರವಾಗಿ ಪತ್ರ ಬರೆಯುತ್ತಾರೆ. ಕಾಲೇಜಿನ ಪ್ರಮುಖರ ಪತ್ರಕ್ಕೆ ಅಪರ ಜಿಲ್ಲಾಧಿಕಾರಿಗಳು ಜೂನ್ 3- 2023 ರಂದು ಉಪನಿರ್ದೇಶಕರು ಭೂ ದಾಖಲೆಗಳ ಇಲಾಖೆಗೆ ಹದ್ದುಬಸ್ತು ಮಾಡಿಕೊಡುವಂತೆ ಪತ್ರ ಬರೆಯುತ್ತಾರೆ. ಇದುವರೆಗೂ ಜಮೀನು ಸುತ್ತಳತೆಯಾಗದೆ ಭೂಮಿ ಅನ್ಯರ ಪಾಲಾಗುತ್ತಿದೆ. ಅರ್ಜಿ ಉಲ್ಲೇಖ:

ಕಾಲೇಜು ಭೂಮಿಯನ್ನು ಅತಿಕ್ರಮಣ ಮಾಡುತ್ತಿದ್ದರೂ ಪ್ರವಾದಿಗಳಿಗೆ ಅಧಿಕಾರಿಗಳೇ ಸಾಥ್ ನೀಡುತ್ತಿದ್ದಾರೆ. ತಹಸೀಲ್ದಾರ್, ಜಿಲ್ಲಾಧಿಕಾರಿಗಳಿಗೆ ಮನವಿ ಮಾಡಿದರೂ ಸ್ಪಂದಿಸದೆ ಇರುವುದು ಅತಿಕ್ರಮಣಕ್ಕೆ ಅಧಿಕಾರಿಗಳೇ ಸಾಥ್ ನೀಡುತ್ತಿದ್ದಾರೆ ಎಂಬ ಗುಸು ಗುಸು ಸಾರ್ವಜನಿಕ ವಲಯದಲ್ಲಿ ಕೇಳಿ ಬರುತ್ತಿದೆ. ಆಡಳಿತ ಸೌಧ ಕಟ್ಟಡ ಜಾಗಕ್ಕೆ ತರಾತುರಿ ಅಳತೆ:

ಸರ್ಕಾರದ ಆಸ್ತಿ ಸಂರಕ್ಷಿಸಬೇಕಾದ ಅಧಿಕಾರಿಗಳೇ ಪ್ರಭಾಬಿಗಳ ಪ್ರಭಾವಕ್ಕೆ ಒಳಗಾಗಿ ಜಮೀನು ಹದ್ದುಬಸ್ತು ಮಾಡಲು ಹಿಂಜರಿಯುತ್ತಿದ್ದಾರೆ. ಸರ್ಕಾರ ತಮ್ಮ ಆಸ್ತಿಯನ್ನು ತಾವೇ ರಕ್ಷಿಸಿಕೊಳ್ಳದಿದ್ದರೆ ಅದರ ರಕ್ಷಣೆ ಯಾರು ಮಾಡಬೇಕು. ಕೋಟಿಗಳ ಲೆಕ್ಕದಲ್ಲಿ ಬೆಲೆಬಾಳುವ ಈ ಜಮೀನು ಉಳ್ಳವರ ಪಾಲಾಗುವ ಮೊದಲು ಹದ್ದುಬಸ್ತು ಮಾಡಿ ಸರ್ಕಾರದ ಆಸ್ತಿ ಸಂರಕ್ಷಿಸಬೇಕು ಎಂದು ಕರ್ನಾಟಕ ರಾಜ್ಯಕುಳುವ ಮಹಾಸಂಘದ ಜಿಲ್ಲಾಧ್ಯಕ್ಷ ಬಸವರಾಜ್ ಭಜಂತ್ರಿ ಜಿಲ್ಲಾಧಿಕಾರಿಗಳಿಗೆ ಒತ್ತಾಯಿಸಿದ್ದಾರೆ.

ಡಾ. ಸಂಗಣ್ಣ ರಾಂಪುರೆ, ಪ್ರಾಚಾರ್ಯರು, ಸಪ್ರದ ಕಾಲೇಜು ಶಹಾಪುರ