ಅನಧಿಕೃತವಾಗಿ ನಿರ್ಮಿಸಿದ ಮನೆ ತೆರವು, ಸುಪ್ರೀಂ ಆದೇಶ ಪಾಲನೆ: ತಹಸೀಲ್ದಾರ್

ಕನ್ನಡಪ್ರಭ ವಾರ್ತೆ ಕಾರಟಗಿ

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಪಟ್ಟಣದ ಸರ್ವೆ ೪೧೬ರ ಕೆರೆಯ ಭೂಮಿ ೩೫ ಎಕರೆಗೂ ಅಧಿಕವಿದೆ. ಸುಪ್ರೀಂಕೋರ್ಟ್ ಆದೇಶ, ಜಿಲ್ಲಾಧಿಕಾರಿಗಳ ಸ್ಪಷ್ಟ ಆದೇಶದನ್ವಯ ಕೆರೆಯ ಜಾಗೆ ರಕ್ಷಿಸಿ, ಸರ್ಕಾರಿ ಆಸ್ತಿಯನ್ನು ಉಳಿಸಲಾಗುವುದು. ಈಚೆಗೆ ಅನಧಿಕೃತವಾಗಿ ಹಾಕಿದ್ದ ಶೆಡ್‌ಗಳನ್ನು ಜ.೯ರಂದು ತೆರವುಗೊಳಿಸಲಾಗಿದೆ. ಅತಿಕ್ರಮಣಕ್ಕೆ ಆಸ್ಪದ ನೀಡುವುದಿಲ್ಲ. ಕೆರೆ ಸ್ಥಳವನ್ನು ಸಂರಕ್ಷಿಸುವಲ್ಲಿ ಪಟ್ಟಣದ ನಾಗರಿಕರೂ ಇಲಾಖೆಯೊಂದಿಗೆ ಕೈಜೋಡಿಸಬೇಕು ಎಂದರು.

ದೇವಿಕ್ಯಾಂಪ್‌ನ ಸರ್ವೆ ನಂ. ೧೬೦ರ ದೇವಿಗುಡ್ಡದ ಒಟ್ಟು ೧೨೫ ಎಕರೆಯಲ್ಲಿ ವಾಸಿಸಲು ಯೋಗ್ಯವಿರುವ ಭೂಮಿ ಕೆಲ ಪ್ರಮಾಣದಲ್ಲಿದೆ. ಸುಮಾರು ೧೫ ಎಕರೆ ಪ್ರದೇಶದಲ್ಲಿ ಫಾರ್ಮ್‌ಹೌಸ್, ಹಂದಿ ಸಾಕಾಣಿಕೆಗೆ ಕೆಲವರು ಬಳಸುತ್ತಿದ್ದಾರೆ. ಅವರನ್ನು ತೆರವುಗೊಳಿಸಿ ಆ ಭೂಮಿಯಲ್ಲಿ ಅತಿಕ್ರಮಣದಿಂದ ನಿರ್ಗತಿಕರಾಗಿರುವ ಪಟ್ಟಣದ ಅನೇಕ ಕುಟುಂಬಗಳಿಗೆ ನಿವೇಶನ ನೀಡುವ ಜೊತೆಗೆ ಅಗತ್ಯ ಸೌಕರ್ಯ ಒದಗಿಸಲು ಕೆಲ ಪ್ರಮಾಣದ ಭೂಮಿ ಮೀಸಲಿಡಲಾಗುವುದು.

ಈ ವೇಳೆ ಕಂದಾಯ ನಿರೀಕ್ಷಕಿ ಸಂಗಮ್ಮ ಹಿರೇಮಠ ಇದ್ದರು.

ಜೂರಟಗಿ ಬಳಿಯ ಸರ್ವೆ ನಂ. ೨೬೫ರಲ್ಲಿ ೨೫ ಎಕರೆ ಸರ್ಕಾರಿ ಭೂಮಿ ಇರುವುದು ಪತ್ತೆಯಾಗಿದೆ. ಈ ೨೫ ಎಕರೆ ಭೂಮಿಯಲ್ಲಿ ಅರ್ಧದಷ್ಟು ಭೂಮಿಗೆ ಪಟ್ಟಾ ನೀಡಲಾಗಿದ್ದು, ಇದರಲ್ಲಿ ೧೨. ೧೫ ಎಕರೆ ಭೂಮಿ ಉಳಿದಿದೆ. ಜ. ೨೧ರಂದು ಭೂಮಿಯ ಹದ್ದುಬಸ್ತು ಕಾರ್ಯ ಮಾಡಲಾಗುವುದು. ಇದೇ ಭೂಮಿಯಲ್ಲಿ ಪ್ರಜಾಸೌಧ (ಮಿನಿ ವಿಧಾನಸೌಧ), ನೌಕರರ ವಸತಿ ಗೃಹ ನಿರ್ಮಿಸುವ ಉದ್ದೇಶ ಹೊಂದಲಾಗಿದೆ. ಪಟ್ಟಣ ಪ್ರದೇಶದಿಂದ ಕೂಗಳೆತ ದೂರದಲ್ಲಿ ಈ ಭೂಮಿ ಇರುವುದರಿಂದ ಆಡಳಿತ ನಿರ್ವಹಣೆಗೆ, ಜನ ಸಾಮಾನ್ಯರಿಗೆ ತಮ್ಮ ಕೆಲಸ-ಕಾರ್ಯಗಳಿಗೆ ತೆರಳಲು ಅನುಕೂಲವಾಗಲಿದೆ ಎಂದರು.