ಕಾಡಾನೆಯಿಂದ ರೈತರು, ಬೆಳೆಗೆ ತೊಂದರೆ ಆಗಬಾರದು

ಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಓಂಕಾರ ವಲಯದಂಚಿನ ಹೊಸಪುರ ಗ್ರಾಮದಲ್ಲಿ ಅರಣ್ಯ ಇಲಾಖೆ ಅಧಿಕಾರಿಗಳು, ರೈತರ ಸಭೆಯಲ್ಲಿ ರೈತರು ಹಾಗೂ ಅಧಿಕಾರಿಗಳ ಮಾತು ಆಲಿಸಿದ ಬಳಿಕ ಮಾತನಾಡಿ, ಕಾಡಾನೆ ಸಮಸ್ಯೆಗಳಿಗೆ ಪರಿಹಾರಕ್ಕೆ ರೇಲ್ವೆ ಬ್ಯಾರಿಕೇಡ್‌ ಒಂದೇ ಇರುವ ಪ್ರಮುಖ ದಾರಿ. ಈ ಹಿಂದೆ ಆದ ವಿಚಾರವನ್ನೇ ಹಿಡಿದುಕೊಂಡು ರೈತರು ಹೋಗಬಾರದು. ಅಧಿಕಾರಿಗಳು ಕೂಡ ತಮ್ಮ ದೋರಣೆ ಬಿಟ್ಟು ಕಾಡಾನೆಗಳ ಹಾವಳಿ ತಡೆಗೆ ಮುಂದಾಗಬೇಕು. ಒಟ್ಟಾರೆ ಕಾಡಾನೆ ಹಾವಳಿ ತಡೆಗಟ್ಟಬೇಕು ಎಂದು ಸಲಹೆ ನೀಡಿದರು.

ರೇಲ್ವೆ ಬ್ಯಾರಿಕೇಡ್‌ ಅನುದಾನ ಬಂದಿದೆ, ಶೀಘ್ರದಲ್ಲೇ ಟೆಂಡರ್‌ ಕರೆದು ಕಾಮಗಾರಿ ಆರಂಭವಾದರೆ ಸಮಸ್ಯೆಗೆ ಪರಿಹಾರ ಸಿಗಲಿದೆ ಇನ್ನೂ ರೇಲ್ವೆ ಬ್ಯಾರಿಕೇಡ್‌ ಅಗತ್ಯವಾಗಿ ಅನುದಾನಕ್ಕಾಗಿ ಅರಣ್ಯ ಸಚಿವರ ಭೇಟಿ ಮಾಡಿ ಮನವಿ ಮಾಡುವೆ ಎಂದರು.

ಹೊಸಪುರ ಕಡೆಯಿಂದ ಕಾಡಾನೆ ಬರಲು ಕಾಡಿನಲ್ಲಿ ಮೇವು ಇಲ್ಲದಿರುವುದು ಜೊತೆಗೆ ನೀಲಗಿರಿ ಪ್ಲಾಂಟೇಶನ್‌ ಇರುವ ಕಾರಣ ಆಹಾರ ಹುಡುಕಿ ರೈತರ ಜಮೀನಿನತ್ತ ಬರುತ್ತಿವೆ ಎಂಬ ಮಾತು ಕೇಳಿ ಬಂದಿದೆ. ಈ ನಿಟ್ಟಿನಲ್ಲಿ ಅರಣ್ಯ ಇಲಾಖೆ ಅಧಿಕಾರಿಗಳ ಈ ಸಮಸ್ಯೆಗೆ ಮೊದಲು ಪರಿಹಾರ ಕಂಡು ಹಿಡಿಯಿರಿ. ಕಂದಕ ಮುಚ್ಚಿದ ಕಡೆ ಕಂದಕದ ಹೂಳು ತೆಗೆಯಬೇಕು.ಸೋಲಾರ್‌ ನಿರ್ವಹಣೆ ಮಾಡುವ ಕೆಲಸ ಅರಣ್ಯ ಇಲಾಖೆ ಅಧಿಕಾರಿಗಳು ತುರ್ತಾಗಿ ಮಾಡುವ ಮೂಲಕ ರೈತರಿಗೆ ನೆರವಾಗಿ ಎಂದರು.