ಕೊನೆಗೂ ಮಂಗಳೂರು- ಕಾರ್ಕಳ ಸರ್ಕಾರಿ ಬಸ್ಸು ಸಂಚಾರ!

ಕನ್ನಡಪ್ರಭ ವಾರ್ತೆ ಮಂಗಳೂರು

ಕರಾವಳಿಯ ಬಹುತೇಕ ಪ್ರಮುಖ ರೂಟ್‌ಗಳಲ್ಲಿ ಸರ್ಕಾರಿ ಬಸ್‌ ಸಂಚಾರ ಆರಂಭವಾಗಿದ್ದರೂ ಮಂಗಳೂರಿನಿಂದ ಮೂಡುಬಿದಿರೆ ಮಾರ್ಗವಾಗಿ ಕಾರ್ಕಳಕ್ಕೆ ಸರ್ಕಾರಿ ಬಸ್‌ ಸಂಚಾರ ಮಾಡಲು ಖಾಸಗಿ ಲಾಬಿ ಬಿಟ್ಟಿರಲಿಲ್ಲ. ಆರ್‌ಟಿಎ ಸಭೆಗಳಲ್ಲಿ ಈ ಬಗ್ಗೆ ನಿರಂತರ ಬೇಡಿಕೆ ಬಂದರೂ ಖಾಸಗಿ ಬಸ್ಸು ಮಾಲೀಕರ ಬಲಿಷ್ಠ ಪ್ರಭಾವದಿಂದ ಈ ಪ್ರಸ್ತಾಪ ನೆನೆಗುದಿಗೆ ಬಿದ್ದಿತ್ತು. ಇದೀಗ ಕೊನೆಗೂ ಖಾಸಗಿ ಪ್ರಭಾವವನ್ನು ಮೀರಿ ಸರ್ಕಾರಿ ಬಸ್ಸು ಸಂಚಾರ ಮಾಡಿರುವುದು ವಿಶೇಷ.

ಎರಡು ಬಸ್ಸು ಸಂಚಾರ:

ವೇಳಾಪಟ್ಟಿ:

ಇನ್ನೊಂದು ಬಸ್ಸು ಬೆಳಗ್ಗೆ 7.15ಕ್ಕೆ ಕಾರ್ಕಳದಿಂದ ಹೊರಟು 8.45ಕ್ಕೆ ಮಂಗಳೂರು, ಮಂಗಳೂರಿನಿಂದ 9 ಗಂಟೆಗೆ ಹೊರಟು 10.30ಕ್ಕೆ ಕಾರ್ಕಳ, ಕಾರ್ಕಳದಿಂದ 11ಕ್ಕೆ ಹೊರಟು 12.30ಕ್ಕೆ ಮಂಗಳೂರು, ಮಂಗಳೂರಿನಿಂದ 12.45ಕ್ಕೆ ಹೊರಟು 2.15ಕ್ಕೆ ಕಾರ್ಕಳ, ಕಾರ್ಕಳದಿಂದ 2.45ಕ್ಕೆ ಹೊರಟು 4.15ಕ್ಕೆ ಮಂಗಳೂರು, ಮಂಗಳೂರಿನಿಂದ 4.30ಕ್ಕೆ ಹೊರಟು 6 ಗಂಟೆಗೆ ಕಾರ್ಕಳ, ಕಾರ್ಕಳದಿಂದ ದಿನದ ಕೊನೆ ಟ್ರಿಪ್‌ 6.15ಕ್ಕೆ ಹೊರಟು ರಾತ್ರಿ 7.45ಕ್ಕೆ ಮಂಗಳೂರು ತಲುಪಲಿದೆ.

ದ.ಕ. ಜಿಲ್ಲೆಯಲ್ಲಿ ಸರ್ಕಾರಿ ಬಸ್ಸುಗಳ ಕೊರತೆಯಿಂದ ಶಕ್ತಿ ಯೋಜನೆ ಅನುಷ್ಠಾನಕ್ಕೆ ತೊಂದರೆಯಾಗುತ್ತಿದೆ ಎಂಬ ದೂರಿನ ಹಿನ್ನೆಲೆಯಲ್ಲಿ ವಿಧಾನ ಪರಿಷತ್‌ ಶಾಸಕ ಐವನ್ ಡಿಸೋಜ ಅವರು ಬಹುಮುಖ್ಯ ರೂಟ್‌ ಆಗಿರುವ ಮಂಗಳೂರು- ಕಾರ್ಕಳ ಮಾರ್ಗದಲ್ಲಿ ಬಸ್‌ ಸಂಚಾರ ಆರಂಭಿಸುವಂತೆ ಜಿಲ್ಲಾಧಿಕಾರಿ, ಆರ್‌ಟಿಒ, ಕೆಎಸ್ಸಾರ್ಟಿಸಿ ಅಧಿಕಾರಿಗಳ ಮೇಲೆ ಒತ್ತಡ ಹೇರಿದ್ದರು. ಅಲ್ಲದೆ ಶೀಘ್ರವೇ ಈ ಬಗ್ಗೆ ಕ್ರಮ ಕೈಗೊಳ್ಳುವ ಭರವಸೆ ನೀಡಿ, ವಿಧಾನ ಮಂಡಲದಲ್ಲೂ ಚರ್ಚೆ ನಡೆಸಿ ಸರ್ಕಾರದ ಮೇಲೆ ಒತ್ತಡ ಹಾಕಿದ್ದರು. ಅದರ ಫಲವಾಗಿ ಕೊನೆಗೂ ಈ ಭಾಗದ ಜನರ ಬೇಡಿಕೆ ಈಡೇರಿದೆ.