ಅಮೆರಿಕದ ಟೆಕ್ನಾಸ್‌ನಿಂದ ದಾವಣಗೆರೆಗೆ ಬಂದು ರಾಘವೇಂದ್ರ ಶೇಟ್ ಮತದಾನ

- ಸುಮಾರು 1.5 ಲಕ್ಷ ಖರ್ಚು । ಎಲ್ಲರಿಗೂ ಮಾದರಿಯಾದ ಮತಕಾಳಜಿ ।

ಲೋಕಸಭೆ ಚುನಾವಣೆಯಲ್ಲಿ ಮತದಾನ ಮಾಡಲೆಂದೇ ಈ ಸಲ ಅಮೆರಿಕಾದಿಂದ ಬಂದು, ನನ್ನ ಹಕ್ಕು ಚಲಾಯಿಸಿದ್ದೇನೆ. ಕಳೆದ ಚುನಾವಣೆಯಲ್ಲಿ ಮತ ಚಲಾಯಿಸಲೆಂದೇ ಬಂದರೂ ಮತದಾರರ ಪಟ್ಟಿಯಲ್ಲಿ ಹೆಸರು ಕೈ ಬಿಟ್ಟಿದ್ದರಿಂದ ಮತದಾನ ಅವಕಾಶ ತಪ್ಪಿತ್ತು. ಈಗ ಆ ಕೊರಗು ಕಡಿಮೆಯಾಗಿದೆ ಎಂದು ಅಮೆರಿಕದ ಟೆಕ್ಸಾಸ್‌ ವಾಸಿ, ದಾವಣಗೆರೆ ಮೂಲದ ರಾಘವೇಂದ್ರ ಕಮಲಾಕರ ಶೇಟ್ ಹೇಳಿದರು.

ಅಮೆರಿಕದಿಂದ ಬರುವ ಮುಂಚೆ ನನಗೆ ಯಾವಾಗ ಭಾರತಕ್ಕೆ ಬರುತ್ತೀಯಾ ಎಂಬುದಾಗಿ ಸಾಕಷ್ಟು ಕರೆಗಳು ಬಂದವು. ಆಗ ನನಗೆ ಗೊತ್ತಾಯಿತು. ಕಳೆದ ಸಲ ಆಗಿದ್ದ ಘಟನೆ ಪರಿಣಾಮ ಬೀರಿದೆಯೆಂದು. ಹಾಗಾಗಿ, ಮತದಾನ ಮಾಡಲೆಂದೇ ಈ ಸಲ ಮತ್ತೊಮ್ಮೆ ಬಂದು ಮತಹಕ್ಕು ಚಲಾಯಿಸಿದ್ದೇನೆ. ಇಲ್ಲಿಗೆ ಬಂದು ಹೋಗಲು ಸುಮಾರು ₹1.5 ಲಕ್ಷ ಖರ್ಚಾಗುತ್ತದೆ. ಆದರೆ, ನನ್ನ ಕರ್ತವ್ಯ ನಿರ್ವಹಿಸಲು ಬಂದಿದ್ದು, ಮತ ಚಲಾಯಿಸಿದ ನಂತರ ಮನಸ್ಸಿಗೆ ಸಂತೋಷವಾಗಿದೆ ಎಂದು ತಿಳಿಸಿದರು.

- - - ಬಾಕ್ಸ್‌ ವೀಸಾ ಕೊಡುವ ವಿಚಾರದಲ್ಲಿ ತೊಂದರೆ ಪ್ರಮುಖವಾಗಿ ವೀಸಾ ಕೊಡುವ ವಿಚಾರದಲ್ಲಿ ತೊಂದರೆಯಾಗುತ್ತದೆ. ಅನಿವಾಸಿ ಭಾರತೀಯರು ಇಲ್ಲಿಗೆ ಬಂದು ಹೋಗುವುದೆಂದರೆ ಅಷ್ಟು ಸುಲಭವೂ ಅಲ್ಲ. ಗ್ರೀನ್ ಕಾರ್ಡ್ ಇರುವವರು ಬಂದು ಹೋಗಬಹುದು. ವೀಸಾ ಇರುವವರಿಗೆ ಇ-ಸ್ಟ್ಯಾಂಪಿಂಗ್‌ ಸೇರಿದಂತೆ ಇತರೆ ಕಿರಿಕಿರಿ ಇರುತ್ತವೆ. ಆದರೂ, ಇಲ್ಲಿಗೆ ಬರಲು ಕಷ್ಟವಾಗುತ್ತದೆ. ಈ ಎಲ್ಲ ಅನಿವಾಸಿ ಭಾರತೀಯರ ಪ್ರತಿನಿಧಿಯಾಗಿ ಈ ಸಲ ಮತದಾನ ಮಾಡಲು ಭಾರತಕ್ಕೆ ನಮ್ಮ ದಾವಣಗೆರೆಗೆ ಬಂದಿದ್ದೇನೆ ಎಂದು ರಾಘವೇಂದ್ರ ಕಮಲಾಕರ ಶೇಟ್ ಪ್ರತಿಕ್ರಿಯಿಸಿದರು.

ರಾಘವೇಂದ್ರ ಕಮಲಾಕರ ಶೇಟ್, ಟೆಕ್ನಾಸ್‌, ಅಮೆರಿಕ