ಗಜೇಂದ್ರಗಡ ಕಸಾಪ ತಾಲೂಕು ಘಟಕ 4 ವರ್ಷದ ಲೆಕ್ಕಪತ್ರ ನೀಡಿಲ್ಲ: ಆರೋಪ

ಗಜೇಂದ್ರಗಡ: ಪಟ್ಟಣದ ಮೈಸೂರು ಮಠದಲ್ಲಿ ಕನ್ನಡ ರಾಜ್ಯೋತ್ಸವ ಹಿನ್ನೆಲೆ ಪೂರ್ವಭಾವಿ ಸಭೆಯಲ್ಲಿ ಕಸಾಪ ತಾಲೂಕು ಘಟಕದ ಕಾರ್ಯವೈಖರಿಗೆ ಆಜೀವ ಸದಸ್ಯರು ಆರೋಪಗಳ ಸುರಿಮಳೆಗೈದ ಘಟನೆ ನಡೆಯಿತು.

ಕಸಾಪ ತಾಲೂಕು ಘಟಕಕ್ಕೆ ೪ ವರ್ಷದ ನಂತರ ಮೊದಲ ಬಾರಿಗೆ ಕನ್ನಡ ರಾಜ್ಯೋತ್ಸವ ಆಚರಿಸುವ ಕುರಿತು ಪೂರ್ವಭಾವಿ ಸಭೆ ಕರೆಯಲಾಗಿದೆ ಎಂದು ಕಿಡಿಕಾರಿದ ಕೆಲ ಆಜೀವ ಸದಸ್ಯರು, ಸಾಹಿತ್ಯಕ ಕೆಲಸಗಳ ಸಂದರ್ಭದಲ್ಲಿ ಸಲಹೆಗಳನ್ನು ನೀಡುವವರ ಮೇಲೆಯೇ ಜವಾಬ್ದಾರಿ ಹೊರಿಸುವ ಕೆಲಸವನ್ನು ತಾಲೂಕಾಧ್ಯಕ್ಷರು ಮಾಡುತ್ತಿದ್ದಾರೆ.

ರಾಜ್ಯ ಕಸಾಪದಿಂದ ₹೫ ಲಕ್ಷ, ರಾಜ್ಯ ಖನಿಜ ಅಭಿವೃದ್ಧಿ ನಿಗಮದಿಂದ ₹೪,೯೦ ಲಕ್ಷ, ವಿವಿಧ ಸಂಘ ಸಂಸ್ಥೆಗಳಿಂದ ₹೧,೯೦ ಲಕ್ಷ ಸೇರಿದಂತೆ ಅಂದಾಜು ₹೧೧ ಲಕ್ಷ ಹಣ ಕೂಡಿತ್ತು. ಆದರೆ ಖರ್ಚು ₹೨೬ ಲಕ್ಷ ಆಗಿದೆ. ಇನ್ನುಳಿದ ಹಣವನ್ನು ಸ್ವಾಗತ ಸಮಿತಿ ನಿರ್ವಹಿಸಿದೆ. ಯಾವುದೇ ತರಹದ ದುಡ್ಡಿಲ್ಲ. ಜಿಲ್ಲಾ ಸಮ್ಮೇಳನ ವೇಳೆ ಸ್ಥಳೀಯರಿಂದ ಬಿಡಿಗಾಸು ಪಡೆದಿಲ್ಲ. ಸಂಘ- ಸಂಸ್ಥೆಗಳಿಂದ ಪಡೆದಿದ್ದೇವೆ. ೪ ವರ್ಷಗಳಲ್ಲಿ ಕನ್ನಡ ರಾಜ್ಯೋತ್ಸವದ ಆಚರಿಸಿಲ್ಲ ಎಂಬ ಆರೋಪ ಸತ್ಯಕ್ಕೆ ದೂರ. ಆಚರಿಸಿದ್ದೇವೆ ಎಂದರು.

ಎಲ್ಲರನ್ನೂ, ಎಲ್ಲ ವೇಳೆ ಸಮಾಧಾನ ಪಡಿಸಲು ಸಾಧ್ಯವಾಗುವುದಿಲ್ಲ. ಸಾಹಿತ್ಯಿಕ ಕೆಲಸಕ್ಕೆ ಜಿಲ್ಲಾ, ರಾಜ್ಯ ಘಟಕದಿಂದ ಅನುದಾನ ಬರುವುದಿಲ್ಲ. ಅಧ್ಯಕ್ಷರ ಬಳಿ ಅದರ ಕುರಿತು ಲೆಕ್ಕಪತ್ರವಿದ್ದರೆ ನೀಡಬೇಕು ಎಂದು ಪ್ರಭು ಚವಡಿ ತಿಳಿಸಿದರೆ, ಕಸಾಪ ಜಗಳವಾಡುವ ಪರಿಷತ್ ಅಲ್ಲ. ಪರಸ್ಪರ ಸಹಕಾರದಿಂದ ನಡೆಯುವ ಪರಿಷತ್. ಅಧ್ಯಕ್ಷರು ತಮ್ಮ ಮೇಲೆ ಬಂದಿರುವ ಆಪಾದನೆಗಳು ಮುಂದೆ ಬರದಂತೆ ನೋಡಿಕೊಳ್ಳಲಿ ಎಂದು ಬಿ.ಎ. ಕೆಂಚರೆಡ್ಡಿ ಸಲಹೆ ನೀಡಿದರು.