ಕಾಯಕದಂತೆ ಶಿಕ್ಷಣಕ್ಕೆ ಮಹತ್ವ ನೀಡಿ

ಕುಷ್ಟಗಿ:

ಪಟ್ಟಣದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ತಾಲೂಕು ಅಂಜುಮನ್ ಇಸ್ಲಾಂ ಪಂಚ ಕಮಿಟಿ, ಖಬರಸ್ಥಾನ ಕಮಿಟಿ, ಅಂಜುಮನ್ ಯೂತ್‌ ಕಮಿಟಿ ವತಿಯಿಂದ ಏರ್ಪಡಿಸಿದ್ದ ಎಸ್ಸೆಸ್ಸೆಲ್ಸಿ ಹಾಗೂ ಪಿಯುಸಿಯಲ್ಲಿ ಹೆಚ್ಚು ಅಂಕಗಳಿಸಿದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಶೈಕ್ಷಣಿಕ ಜಾಗೃತಿ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು

ಹೈದರಾಬಾದ್‌ ಕರ್ನಾಟಕ ಹೋರಾಟ ಸಮಿತಿ ರಾಜ್ಯ ಉಪಾಧ್ಯಕ್ಷ ಡಾ. ರಜಾಕ್ ಉಸ್ತಾದ ಮಾತನಾಡಿ, ವಿದ್ಯಾರ್ಥಿಗಳು ಉತ್ತಮ ಅಧ್ಯಯನ ಮಾಡಿ ಸುಂದರ ಬದುಕು ರೂಪಿಸಿಕೊಳ್ಳಬೇಕು. ಪಾಲಕರು ಸಹ ಮನೆಯಲ್ಲಿ ಮಕ್ಕಳಿಗೆ ಓದುವ ವಾತಾವರಣ ನಿರ್ಮಿಸಿ ಕೊಡಬೇಕೆಂದು ಸಲಹೆ ನೀಡಿದರು.

ಜಿಪಂ ಲೆಕ್ಕಾಧಿಕಾರಿ ಅಮೀನ್ ಅತ್ತಾರ ಮಾತನಾಡಿ, ಭವಿಷ್ಯದ ದೃಷ್ಟಿಯಲ್ಲಿ ನಮ್ಮ ಆಯ್ಕೆಗಳು ಬದಲಾವಣೆಯಾಗಬೇಕಿದೆ. ಜೀವನದಲ್ಲಿ ಗುರಿಗಳು ಸ್ಪಷ್ಟವಾಗಿ ಇರಬೇಕು ಅಂಕ, ಆಸಕ್ತಿ, ಆರ್ಥಿಕತೆಯ ಆಧಾರದ ಮೇಲೆ ಶಿಕ್ಷಣ ಕಲಿಯಬೇಕು. ಉತ್ತಮ ಜೀವನ ಕಟ್ಟಿಕೊಳ್ಳಲು ಶಿಕ್ಷಣ ಕಲಿತು ಕೌಶಲ್ಯ ಬೆಳೆಸಿಕೊಳ್ಳಬೇಕು ಎಂದರು.

ಈ ವೇಳೆ ಮಾಜಿ ಶಾಸಕ ಕೆ. ಶರಣಪ್ಪ ವಕೀಲರು, ಸಯ್ಯದ್ ಮೈನುದ್ದಿನ ಮುಲ್ಲಾ, ರೆವರೆಂಡ್ ಜಾನ ಫಾದರ್, ಅಭಿನಂದನ ಗೋಗಿ, ನಾಹೀದಾ ಅಮೀನುದ್ದಿನ್ ಮುಲ್ಲಾ, ಹಾಜಿಫಜಿಲ್ ಹಜಿಮ್, ಹಾಜಿ ಜಾಫರ್ ಸಾಧಿಕ್, ಮೌಲಾನ ಹುಸೇನ, ದಾವಲಸಾಬ್‌ ಗುಡೇದ, ಮಹಿಬೂಬ್ ನೆರೆಬೆಂಚಿ, ಖಾಜಾಹುಸೇನ ನಾಡಗೌಡ್ರು, ನಿಸರಖಾನ್‌ ಸೌದಾಗಾರ, ಹುಸೇನಪಾಷಾ ಕೊಪ್ಪಳ, ಮೈಬುಬುಸಾಬ್‌ ಕಮ್ಮಾರ, ಎಚ್.ಎಚ್. ಉಸ್ತಾದ, ಫೈರೂಜ್‌ ಆನೆಹೊಸೂರು, ಶಾಮಿದಸಾಬ್‌ ಗಂದೆಣ್ಣಿ, ಶೇಖಉಸ್ಮಾನ್ ಕಲಬುರಗಿ ಸೇರಿದಂತೆ ಅನೇಕರು ಇದ್ದರು. ಇದೇ ವೇಳೆ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.