ಮಣ್ಣಿನ ಮಡಕೆಗೆ ಬರದ ಬಿಸಿ

ಅಜೀಜಅಹ್ಮದ ಬಳಗಾನೂರ

ಕನ್ನಡಪ್ರಭ ವಾರ್ತೆ ಹುಬ್ಬಳ್ಳಿ

ಬೇಸಿಗೆ ಕಾಲ ಬಂತೆಂದರೆ ಸಾಕು, ಈ ಮಣ್ಣಿನ ಮಡಕೆಗಳಿಗೆ ಎಲ್ಲಿಲ್ಲದ ಬೇಡಿಕೆ. ಈ ಮೊದಲು ಮಾರಾಟ ಸ್ಥಳವನ್ನಷ್ಟೇ ಅಲ್ಲ ತಯಾರಿಸುವ ಸ್ಥಳಗಳಿಗೆ ತೆರಳಿ ಮಣ್ಣಿನ ಮಡಕೆ ಕೊಂಡುಕೊಳ್ಳುತ್ತಿದ್ದರು. ಆದರೆ, ಕಳೆದ 2-3 ವರ್ಷಗಳಿಂದ ಅದರಲ್ಲೂ ಕೊರೋನಾದ ನಂತರ ಇವುಗಳನ್ನು ಕೇಳುವವರೆ ಇಲ್ಲದಂತಾಗಿದೆ. ಮಾಡಿದ ಖರ್ಚು ಸಹ ಬಾರದ ಸ್ಥಿತಿಯಿಂದಾಗಿ ಮಡಕೆ ತಯಾರಕರು ಈ ವೃತ್ತಿಯಿಂದಲೇ ವಿಮುಖರಾಗುವ ಸ್ಥಿತಿ ಎದುರಾಗಿದೆ.

ಬಗೆಬಗೆಯ ಬಣ್ಣಬಣ್ಣಗಳಿಂದ ಅಲಂಕೃತಗೊಂಡ ಮಣ್ಣಿನ ಮಡಕೆಗಳು ಹುಬ್ಬಳ್ಳಿ-ಧಾರವಾಡ ಮಹಾನಗರದ ಹಲವು ಕಡೆಗಳಲ್ಲಿ ಪುಟ್‌ಪಾತ್‌ ಮೇಲೆ ಮಾರಾಟಕ್ಕೆ ಇರಿಸಿದ್ದಾರೆ. ಇಲ್ಲಿನ ರಾಣಿ ಚೆನ್ನಮ್ಮ ವೃತ್ತದ ಬಳಿಯ ಶ್ರೀ ಸಾಯಿಮಂದಿರದ ಎದುರು, ಗೋಕುಲ ರಸ್ತೆ, ಉಣಕಲ್ಲ ಕೆರೆಯ ಪಕ್ಕ, ನವನಗರ, ಗೋಪನಕೊಪ್ಪ ಧಾರವಾಡದ ಜುಬ್ಲಿ ವೃತ್ತ ಸೇರಿದಂತೆ ಹಲವು ಕಡೆಗಳಲ್ಲಿ ಬಗೆಬಗೆಯ ಬಣ್ಣಗಳಿಂದ ಶೃಂಗರಿಸಿರುವ ಬಗೆಬಗೆಯ ಅಳತೆಯಲ್ಲಿ ಮಣ್ಣಿನ ಮಡಕೆಗಳ ಮಾರಾಟಕ್ಕಿರಿಸಲಾಗಿದೆ.

3 ಲೀಟರ್‌ನಿಂದ ಹಿಡಿದು 50 ಲೀಟರ್‌ ವರೆಗೆ ಬಗೆಬಗೆಯ ಅಳತೆಯಲ್ಲಿ ಮಣ್ಣಿನ ಮಡಕೆಗಳು ಮಾರಾಟಕ್ಕೆ ದೊರೆಯುತ್ತಿವೆ. 3 ಲೀಟರ್‌ ಅಳತೆಯ ಮಣ್ಣಿನ ಮಡಕೆಗೆ ₹150ರಿಂದ ₹250, 8 ಲೀಟರ್‌ ಸಾಮರ್ಥ್ಯದ ಮಡಕೆಗೆ ₹300ರಿಂದ ₹450, 15 ಲೀಟರ್‌ ಸಾಮರ್ಥ್ಯದ ಮಡಕೆಗೆ ₹ 600ರಿಂದ ₹ 700, 25 ಲೀಟರ್‌ ಮಡಕೆಗೆ ₹ 800ರಿಂದ ₹ 950, 50 ಲೀಟರ್‌ ಸಾಮರ್ಥ್ಯದ ಮಡಕೆಗೆ ₹ 1200ರಿಂದ ಹಿಡಿದು ₹ 1500ರ ವರೆಗೆ ಇನ್ನು ಬಗೆಬಗೆಯ ಚಿತ್ತಾರ ಹೊಂದಿದ ಮಡಕೆಗಳು ₹2 ಸಾವಿರದ ವರೆಗೂ ಲಭ್ಯವಿವೆ.

ಕಳೆದ ಎರಡ್ಮೂರು ವರ್ಷಗಳಿಂದ ಮಣ್ಣಿನ ಮಡಕೆಗಳ ಮಾರಾಟವಿಲ್ಲದೇ ಸಂಕಷ್ಟ ಅನುಭವಿಸುವಂತಾಗಿದೆ. ಬೇಸಿಗೆ ಕಾಲದಲ್ಲಿ ಮಾತ್ರ ಹೆಚ್ಚಾಗಿ ಮಾರಾಟವಾಗುತ್ತಿದ್ದ ಇವುಗಳನ್ನು ಈಗ ಸುಡು ಬೇಸಿಗೆಯಲ್ಲೂ ಕೊಂಡುಕೊಳ್ಳಲು ಸಾರ್ವಜನಿಕರು ಧೈರ್ಯ ಮಾಡುತ್ತಿಲ್ಲ.

ದಿಢೀರ್‌ನೆ ಮಡಕೆ ವ್ಯಾಪಾರ ಕ್ಷೀಣಿಸಲು ಬೆಲೆ ಏರಿಕೆಯೂ ಪ್ರಮುಖ ಕಾರಣ ಎಂಬುದು ಗ್ರಾಹಕರ ಅಭಿಪ್ರಾಯವಾಗಿದೆ. ಮೊದಲು ₹200ರಿಂದ ₹300ಕ್ಕೆ 25 ಲೀಟರ್‌ ಹಾಗೂ ₹400ರಿಂದ ₹500ರೊಳಗೆ 50 ಲೀಟರ್‌ ಸಾಮರ್ಥ್ಯದ ಮಣ್ಣಿನ ಮಡಕೆಗಳು ದೊರೆಯುತ್ತಿದ್ದವು. ಆದರೆ, ಈಗ ಇದರ ಬೆಲೆ ದುಪ್ಪಟ್ಟಾಗಿದೆ. ಇದರಿಂದಾಗಿಯೂ ಮಾರಾಟದಲ್ಲಿ ಇಳಿಕೆಯಾಗಿದೆ.

ದೇವೇಂದ್ರಪ್ಪ ಹುಬ್ಬಳ್ಳಿ ಸ್ಥಳೀಯ ಮಣ್ಣಿನ ಮಡಕೆಗಳ ವ್ಯಾಪಾರಸ್ಥಖರೀದಿಸುತ್ತಿಲ್ಲ

ಸಂಗೀತಾ, ಶಾಂತಾ, ಗ್ರಾಹಕರು