ಕನ್ನಡಪ್ರಭ ವಾರ್ತೆ ಹನೂರುಮಲೆ ಮಾದೇಶ್ವರ ಬೆಟ್ಟ, ಪೊನ್ನಾಚಿ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶದಲ್ಲಿ ಭರ್ಜರಿ ಮಳೆಯಾಗಿದೆ.
ತಾಲೂಕಿನ ಶ್ರೀ ಕ್ಷೇತ್ರ ಮಲೆ ಮಹದೇಶ್ವರ ಬೆಟ್ಟ ಸೇರಿದಂತೆ ತುಳಸಿಕೆರೆ ಇಂಡಿಗನತ್ತ ಕೊಂಗನೂರು ಹಳೆಯೂರು ಮತ್ತು ತೋಕೆರೆ ಸೇರಿದಂತೆ ವಿವಿಧ ಗ್ರಾಮಗಳಲ್ಲಿ ಭಾನುವಾರ ಉತ್ತಮ ಮಳೆಯಾಗುವ ಮೂಲಕ ರೈತರ ಮೊಗದಲ್ಲಿ ಮಂದಹಾಸ ಮೂಡಿದೆ.ತುಂಬಿ ಹರಿದ ಹಳ್ಳ ಕೊಳ್ಳ:
ಭಾನುವಾರ ಮಧ್ಯಾಹ್ನ ಸುರಿದ ಭಾರೀ ಮಳೆಯಿಂದ ಪೊನ್ನಾಚಿ ಗ್ರಾಮ ಸೇರಿದಂತೆ ಕೆಕ್ಕೆ ಹೊಲ ಹಾಗೂ ವಿವಿಧ ಗ್ರಾಮಗಳ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಭರ್ಜರಿ ಮಳೆ ಬೀಳುವ ಮೂಲಕ ಹಳ್ಳ ಕೊಳ್ಳಗಳು ತುಂಬಿ ಹರಿಯುತ್ತಿದೆ. ಗೆರಟ್ಟಿ ಹಾಗೂ ದೊಡ್ಡಬಾವಿ ಹಳ್ಳ ಭಾರಿ ಮಳೆಯಿಂದ ತುಂಬಿ ಹರಿದಿದೆ.ಗರಿ ಗದರಿದ ಕೃಷಿ ಚಟುವಟಿಕೆ:
ಮಲೆ ಮಾದೇಶ್ವರ ಬೆಟ್ಟ ಸೇರಿದಂತೆ ಪೊನ್ನಾಚಿ ಹಾಗೂ ವಿವಿಧ ಗ್ರಾಮಗಳಲ್ಲಿ ಕಳೆದ ಒಂದು ತಿಂಗಳಿನಿಂದ ಮೂರು ಬಾರಿ ಉತ್ತಮ ಮಳೆಯಾಗಿರುವ ಹಿನ್ನೆಲೆಯಲ್ಲಿ ರೈತರು ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಲು ಅನುಕೂಲದಾಯಕವಾಗಿದೆ.
-----------28ಸಿಎಚ್ಎನ್54
ಹನೂರು ತಾಲೂಕಿನ ಪೊನ್ನಾಚಿ ಗ್ರಾಮದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಭಾರೀ ಮಳೆ ತುಂಬಿ ಹರಿದ ಗೇರಟ್ಟಿ ಹಳ್ಳ .--------------
