ಹುಣಸೆಕಾಯಿ ಅಧಿಕ ಇಳುವರಿ ಜತೆಗೆ ಉತ್ತಮ ಬೆಲೆ

ಕುರುಗೋಡು: ಈ ವರ್ಷ ಕಾಲಕಾಲಕ್ಕೆ ಸಮೃದ್ಧಿ ಮಳೆಯಾಗಿದ್ದು, ತಾಲೂಕಿನಾದ್ಯಂತ ಹುಣಸೆಕಾಯಿ ಮರಗಳು ಉತ್ತಮವಾಗಿ ಕಾಪು ಕಟ್ಟಿವೆ. ಕಳೆದ ನಾಲ್ಕು ವರ್ಷಗಳಿಂದ ಮಳೆಯ ಅಭಾವ ಮತ್ತು ರೋಗಬಾಧೆಯಿಂದ ಹುಣಸೆಮರಗಳು ಕಾಪು ಕಟ್ಟದೇ ಬರಡಾಗಿದ್ದವು. ಹುಣಸೆಕಾಯಿ ಚಟ್ನಿ ಪ್ರಿಯರಿಗೆ ನಿರಾಸೆ ಮೂಡಿಸಿತ್ತು.

ತಾಲೂಕಿನ ಸಿಂಧಿಗೇರಿ, ಬೈಲೂರು, ದಮ್ಮೂರು, ಲಕ್ಷ್ಮಿಪುರ, ಗೆಣಿಕೆಹಾಳು, ಮುಷ್ಟಗಟ್ಟೆ, ಶ್ರೀನಿವಾಸಕ್ಯಾಂಪ್, ಗುತ್ತಿಗನೂರು, ರ‍್ವಾಯಿ, ಪಟ್ಟಣಸೆರಗು, ಎಚ್.ವೀರಾಪುರ ಗ್ರಾಮಗಳ ರೈತರು ತಮ್ಮ ಜಮೀನು ಬದುವಿನಲ್ಲಿ ಒಂದೆರಡು ಹುಣಸೆ ಮರ ಬೆಳೆದಿರುವುದು ಕಂಡುಬಂದರೆ, ಕೆಲವು ರಸ್ತೆಗಳ ಎರಡೂ ಬದಿಯಲ್ಲಿ ಬೆಳೆದಿರುವುದು ಕಂಡುಬರುತ್ತವೆ.

ಮಾರಾಟಗಾರರು ರೈತರ ಜಮೀನುಗಳಲ್ಲಿನ ಹುಣಸೆಮರ ಒಂದಕ್ಕೆ ₹೨೦೦೦ ರಿಂದ ₹೨,೫೦೦ ಮುಂಗಡ ಹಣ ನೀಡಿ ಗುತ್ತಿಗೆ ಪಡೆಯುತ್ತಿದ್ದಾರೆ.

ಕುರುಗೋಡು ಪಟ್ಟಣದ ಗುರುವಾರ ಜರುಗುವ ವಾರದ ಸಂತೆಯಲ್ಲಿ ಹುಣಸೆಕಾಯಿ ಖರೀದಿಯಲ್ಲಿ ತೊಡಗಿರುವ ಗ್ರಾಹಕರು.