ರಾಜಕಾರಣದಲ್ಲಿ ಢೋಂಗಿತನ ಬಹಳ ದಿನ ನಡೆಯದು

ಕನ್ನಡಪ್ರಭ ವಾರ್ತೆ ಸಿರಿಗೆರೆ

ಸಿರಿಗೆರೆ ಸಮೀಪದ ಬೆನ್ನೂರು ಸರ್ಕಲ್‌ನಲ್ಲಿ 65 ಕೋಟಿ ರು.ವೆಚ್ಚದ 13 ಕಿಮೀ ಸಿಸಿ ರಸ್ತೆ ನಿರ್ಮಾಣಕ್ಕೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು.

ಸಮೀಪದ ಗೌರಮ್ಮನಹಳ್ಳಿ ಗ್ರಾಮದಲ್ಲಿ ಕೇವಲ ಮುಸ್ಲಿಂ ಬಾಂಧವರೇ ಇದ್ದಾರೆ. ಅವರಿಂದ ಕೇಳಿಸಿಕೊಳ್ಳದೆ ಅವರ ಗ್ರಾಮಕ್ಕೆ ಬೇಕಾದ ಎಲ್ಲಾ ಸೌಲಭ್ಯಗಳನ್ನೂ ದೊರಕಿಸಿಕೊಟ್ಟಿರುವೆ. ಜನಪ್ರತಿನಿಧಿಯಾದ ನಾನು ಯಾವುದೇ ಕೋಮು, ಧರ್ಮಗಳನ್ನು ನೋಡದೆ ಎಲ್ಲಾ ಸಮುದಾಯಗಳ ಹಿತದ ದೃಷ್ಟಿಯಿಂದ ಕೆಲಸ ಮಾಡಡಿರುವೆ ಎಂದರು.

1994ರಲ್ಲಿ ರಾಜ್ಯದ ಬಜೆಟ್‌ ಗಾತ್ರ 22ಸಾವಿರ ಕೋಟಿ ಇತ್ತು. ನೌಕರರ ವೇತನ ಸೌಲಭ್ಯಕ್ಕೆ 18000 ಕೋಟಿ ಖರ್ಚಾಗುತ್ತಿತ್ತು. ಗ್ರಾಮಗಳಿಗೆ ಕುಡಿಯುವ ನೀರು ಒದಗಿಸಲೂ ಆಗ ಅನುದಾನ ಇರುತ್ತಿರಲಿಲ್ಲ. ಅಂತಹ ಸ್ಥಿತಿಯಲ್ಲಿಯೂ ೩೮೬ ಹಳ್ಳಿಗಳಿಗೆ ಕುಡಿಯುವ ನೀರಿನ ತೊಂದರೆ ಆಗದಂತೆ ನೋಡಿಕೊಂಡಿರುವೆ ಎಂದು ವಿವರಿಸಿದರು.

ಸೂಳೆಕೆರೆ ಬಹುಗ್ರಾಮ ಯೋಜನೆಯಡಿ ಕುಡಿಯುವ ನೀರಿನ ಸೌಕರ್ಯ ಇಲ್ಲದ ಗ್ರಾಮಗಳಲ್ಲಿ ಕುಡಿಯುವ ನೀರಿಗಾಗಿ 65 ಕೋಟಿ ರು.ಅನುದಾನ ಒದಗಿಸಲಾಗಿದೆ. ಅದೇ ರೀತಿ ಆಸ್ಪತ್ರೆ, ಶಾಲೆ, ಗ್ರಾಮಗಳ ರಸ್ತೆಗಳಿಗೂ ಅನುದಾನ ಒದಗಿಸಿರುವೆ ಎಂದರು.