ಪತ್ರಿಕಾ ಭವನಕ್ಕೆ ಅನುದಾನ ನೀಡಲು ಶ್ರಮಿಸುವೆ

ಕನ್ನಡಪ್ರಭ ವಾರ್ತೆ, ಕೊಳ್ಳೇಗಾಲ

ಪಟ್ಟಣದ ತಾಪಂ ಸಭಾಂಗಣದಲ್ಲಿ ಭಾನುವಾರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ ಆಯೋಜಿಸಿದ್ದ ಪತ್ರಿಕಾ ದಿನಾಚರಣೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ಪತ್ರಕರ್ತರ ಸಾಮಾಜಿಕ ಕಳಕಳಿಯ ವರದಿಗೆ ಹೆಚ್ಚು ಆದ್ಯತೆ ನೀಡಬೇಕು, ಮೌಲ್ಯಯುತ ಸೇವೆಗೆ ಪತ್ರಕರ್ತರು ಅಣಿಯಾಗಬೇಕು. ಪತ್ರಿಕಾ ರಂಗದಲ್ಲಿ ಮೌಲ್ಯ ಅತ್ಯಂತ ಅವಶ್ಯಕ, ಈನಿಟ್ಟಿನಲ್ಲಿ ಎಲ್ಲರೂ ಜವಾಬ್ದಾರಿಯುತವಾಗಿ ಕೆಲಸ ಮಾಡಬೇಕು. ಮೊದಲಿಗಿಂತ ಇತ್ತೀಚಿನ ವರ್ಷಗಳಲ್ಲಿ ಮಾಧ್ಯಮ ಕ್ಷೇತ್ರವನ್ನು ಸಾರ್ವಜನಿಕರು ಹೆಚ್ಚು ಅವಲಂಬಿಸಿದ್ದಾರೆ. ಅದಕ್ಕೆ ತಕ್ಕಂತೆ ಪತ್ರಿಕೋದ್ಯಮ ಅತಿ ವೇಗವಾಗಿ ಜನರನ್ನು ಆಕರ್ಷಿಸಿ ಸುದ್ದಿ ಪ್ರಚಾರದಲ್ಲಿ ದಾಪುಗಾಲಿಟ್ಟಿದೆ. ಈ ನಡುವೆ ಎಲ್ಲೆಡೆ ಪತ್ರಿಕಾ ದಿನಾಚರಣೆಯನ್ನು ಪತ್ರಕರ್ತರು ಆಚರಿಸುವ ಜೊತೆ ಜೊತೆಗೆ ಸಂಘದ ಬಲವರ್ಧನೆ ನಿಟ್ಟಿನಲ್ಲಿ ಶ್ರಮಿಸುತ್ತಿದ್ದಾರೆ,

ಉಪವಿಭಾಗಾಧಿಕಾರಿ ಬಿ.ಆರ್.ಮಹೇಶ್ ಮಾತನಾಡಿ, ತಾಪಂ ಇಒ ಆಗಿ ಕರ್ತವ್ಯ ನಿರ್ವಹಿಸಿದ ದಿನದಿಂದಲೂ ನಾನು ಕೊಳ್ಳೇಗಾಲದ ಪತ್ರಕರ್ತರ ಕಾರ್ಯ ವೈಖರಿಯನ್ನು ನೋಡಿದ್ದೇನೆ. ಸುದ್ದಿ ಬಿತ್ತರಿಸುವ ವಿಚಾರದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೆ ಹೆಚ್ಚೆಚ್ಚು ಮೌಲ್ಯಾಧಾರಿತ ಸುದ್ದಿಗಳನ್ನು ನಿತ್ಯ ಜನರಿಗೆ ಮುಟ್ಟಿಸುವಲ್ಲಿ ಮುಂದಿದ್ದಾರೆ. ನನ್ನ ವಿದ್ಯಾಬ್ಯಾಸ ಕಾಲದಿಂದ ಆರಂಭಗೊಂಡ ಪತ್ರಿಕೆ ಓದುವ ಅಭ್ಯಾಸ ಇಂದು ಅಧಿಕಾರಿಯಾಗಿದ್ದರೂ ಬಿಡಲಾಗುತ್ತಿಲ್ಲ. ಕಾರಣ, ದಿನ ಪತ್ರಿಕೆಗಳು ಭಾಷಾ ಹಿಡಿತ, ವ್ಯಕ್ತಿಯ ಸಾಮರ್ಥ್ಯ, ಸಾಹಿತ್ಯಭ್ಯಾಸವನ್ನು ನೀಡುವುದಲ್ಲದೇ ಅತ್ಯದ್ಭುತ ಜ್ಞಾನವನ್ನು ನೀಡುತ್ತದೆ, ಪತ್ರಕರ್ತರ ವೖತ್ತಿ ಅತ್ಯಂತ ಪರಿಣಾಮಕಾರಿಯಾದುದು ಎಂದರು.

ಪತ್ರಕರ್ತರಿಗೆ ದೊರೆಯಬೇಕಾದ ನಿವೇಶನ, ವಸತಿ, ಆರೋಗ್ಯ ಸೇರಿದಂತೆ ಮೂಲ ಸೌಕರ್ಯವನ್ನು ಧಕ್ಕಿಸುವ ನಿಟ್ಟಿನಲ್ಲಿ ಸತತ ಪ್ರಯತ್ನದಲ್ಲಿದೆ. ಇದರಡಿಯಲ್ಲಿ ಜಿಲ್ಲಾ ಸಂಘಗಳು ಅವಿರತವಾಗಿ ಶ್ರಮಿಸುತ್ತಿದೆ, ಕೊಳ್ಳೇಗಾಲ ಶಾಸಕರು ನಿವೇಶನ ವಂಚಿತ ಪತ್ರಕರ್ತರಿಗೆ ಸೌಲಭ್ಯ ಕಲ್ಪಿಸುವಲ್ಲಿ ಮುಂದಾಗಬೇಕು ಎಂದರು

ಇದೇ ವೇಳೆ ಕೊಳ್ಳೇಗಾಲ ತಾಲೂಕಿನ ಪತ್ರಕರ್ತರಾದ ಚಿಕ್ಕಮಾಳಿಗೆ, ಎನ್.ನಟರಾಜು, ಪಿ.ಜಗದೀಶ್ ಅವರನ್ನು ಸಂಘದಿಂದದ ವಾರ್ಷಿಕ ಸೇವಾ ಪ್ರಶಸ್ತಿ ನೀಡಿ ಅಭಿನಂದಿಸಲಾಯಿತು.