ಅಂತಿಮ ಕಣದಲ್ಲಿ ಇನ್‌ಸೈಟ್ಸ್ ಸ್ಥಾಪಕ ವಿನಯಕುಮಾರ್‌

- ಒಳಗೊಳಗೆ ಬಿಜೆಪಿಗೆ ಹಿಗ್ಗು, ಕಾಂಗ್ರೆಸ್ಸಿಗೆ ಮಾತ್ರ ಬಿಸಿತುಪ್ಪ । ಸಿಎಂ, ಕಾಗಿನೆಲೆ ಶ್ರೀ, ರೇವಣ್ಣ ಸಂಧಾನ ಪ್ರಯತ್ನವೂ ವಿಫಲ - - - ಕನ್ನಡಪ್ರಭ ವಾರ್ತೆ, ದಾವಣಗೆರೆ

ಕಾಂಗ್ರೆಸ್ ಟಿಕೆಟ್ ತಪ್ಪಿದ ನಂತರ ಬೆಂಬಲಿಗರು, ಹಿತೈಷಿಗಳ ಸಲಹೆ ಹಾಗೂ ವಿವಿಧ ಗ್ರಾಮಕ್ಕೆ ಭೇಟಿ ನೀಡಿದ ನಂತರ ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿಯುವುದಾಗಿ ಜಿ.ಬಿ.ವಿನಯಕುಮಾರ ಘೋಷಣೆ ಮಾಡಿದ್ದರು.

ನಾಮಪತ್ರ ಹಿಂಪಡೆಯುವಂತೆ ಕುರುಬ ಸಮಾಜದ ಹಿರಿಯ ಮುಖಂಡ, ಮಾಜಿ ಸಚಿವ ಎಚ್.ಎಂ.ರೇವಣ್ಣ ನೇತೃತ್ವದ ಕಾಂಗ್ರೆಸ್ ಮುಖಂಡರ ನಿಯೋಗವು ಜಿ.ಬಿ.ವಿನಯಕುಮಾರ್‌ರ ದಾವಣಗೆರೆ ನಿವಾಸಕ್ಕೆ ಭೇಟಿ ನೀಡಿ, ಮನವೊಲಿಕೆಗೆ ಮಾಡಿದ ಪ್ರಯತ್ನ ವಿಫಲವಾಗಿತ್ತು. ನಾಮಪತ್ರ ಹಿಂಪಡೆಯಲು ಕಡೆಯ ದಿನವಾಗಿದ್ದ ಸೋಮವಾರ ಸಹ ಸಿಎಂ ಆಪ್ತ ವಲಯದಿಂದ ಕೆಲವರು ದಾವಣಗೆರೆಗೆ ಬಂದು ಮನವೊಲಿಸಲು ಮಾಡಿದ್ದ ಪ್ರಯತ್ನ ವಿಫಲವಾಯಿತು. ಕುರುಬ ಸಮಾಜದವರಾದ ಜಿ.ಬಿ. ವಿನಯಕುಮಾರ ಆಕಸ್ಮಾತ್ ಓಟು ಪಡೆದರೆ ಅದು ಕಾಂಗ್ರೆಸ್ಸಿನ ಬುಟ್ಟಿಯ ಮತಗಳೇ ಎಂಬ ಕಾರಣಕ್ಕೆ ಕಾಂಗ್ರೆಸ್ ಸಹ ತೀವ್ರ ಒತ್ತಡದಲ್ಲಿದೆ.

ಸದ್ಯಕ್ಕೆ ವಿನಯಕುಮಾರ ಬಿಜೆಪಿ-ಕಾಂಗ್ರೆಸ್ ಅಭ್ಯರ್ಥಿಗಳನ್ನು ಸಮಾನ ವೈರಿಗಳಾಗಿ ಪರಿಗಣಿಸಿದಂತಿದೆ. ಎರಡು ಕುಟುಂಬಗಳ ಹಿಡಿತದಿಂದ ದಾವಣಗೆರೆಯನ್ನು ಮುಕ್ತ ಮಾಡಬೇಕು, ನಾನು ಯಾರನ್ನೋ ಸೋಲಿಸಲು ಸ್ಪರ್ಧಿಸಿಲ್ಲ, ನಾನು ಗೆಲ್ಲಬೇಕು, ಕ್ಷೇತ್ರದಲ್ಲಿ ಬದಲಾವಣೆ ತರಬೇಕೆಂಬ ಕಾರಣಕ್ಕೆ ಅಂತಿಮ ಕಣದಲ್ಲಿದ್ದೇನೆ ಎಂದು ಪದೇಪದೇ ಹೇಳಿದ್ದು ಗಮನೀಯ. ಎರಡು ಕುಟುಂಬಗಳ ಮಧ್ಯೆ ಇದ್ದ ನೇರಾನೇರ ಹಣಾಹಣಿಗೆ ತ್ರಿಕೋನ ಸ್ಪರ್ಧೆ ಏರ್ಪಡುವಂತಹ ಸನ್ನಿವೇಶ ಸೃಷ್ಟಿಗೆ ವಿನಯ ಕಾರಣವಾಗಿದ್ದಾರೆ.

- - - -22ಕೆಡಿವಿಜಿ10, 11: