ಬೇಸಿಗೆಯಲ್ಲಿ ಮಣ್ಣಿನ ಮಡಿಕೆಗಳಿಗೆ ಹೆಚ್ಚಿದ ಬೇಡಿಕೆ

ರುದ್ರೇಶ್ ಹೊನ್ನೇನಹಳ್ಳಿ

ಇದರ ಮಧ್ಯೆ ತಂಪು ಪಾನೀಯ ಹಾಗೂ ಕಲ್ಲಂಗಡಿ, ಸೌತೆಕಾಯಿ, ಜೊತೆಗೆ ಮಣ್ಣಿನ ಮಡಿಕೆ ಪದಾರ್ಥಗಳಿಗೂ ಬೇಡಿಕೆ ಬಂದಿದೆ, 200 ರುಪಾಯಿಯಿಂದ ಪ್ರಾರಂಭವಾಗಿ 1000 ರುಪಾಯಿವರೆಗೂ ಮಡಿಕೆ ಮಾರಾಟವಾಗುತ್ತಿದೆ, ದಿನಕ್ಕೆ 3000 ರುಪಾಯಿ ಗಳಿಸುತ್ತಿದ್ದೇವೆ ಎನ್ನುತ್ತಾರೆ ಮಡಿಕೆ ವ್ಯಾಪಾರಿಗಳು.

ಬಿಸಿಲು ಹೆಚ್ಚಾದ ಹಿನ್ನೆಲೆ ರಾಷ್ಟ್ರೀಯ ಹೆದ್ದಾರಿ- 48ರ ಪಕ್ಕದಲ್ಲಿ ಸುಮಾರು 03ರಿಂದ 04 ಅಂಗಡಿಗಳಲ್ಲಿ ವಿವಿಧ ತರಹೇವಾರಿ ಪಾತ್ರೆ ಸ್ವರೂಪದ ಮಡಿಕೆಗಳ ಮಾರಾಟ ಕಂಡುಬಂದಿದೆ, ಪಾತ್ರೆ ತರಹದ ನೀರಿನ ಮಡಿಕೆ, ಅಡುಗೆ ಮಡಿಕೆಗಳು, ದೋಸೆ ಮಾಡುವ ತವೆ, ನೀರಿನ ಲೋಟಗಳು, ಕುಕ್ಕರ್ ರೀತಿ ಮಡಿಕೆ, ಹಲವಾರು ಬಗೆಗಳಲ್ಲಿ ಗ್ರಾಹಕರನ್ನು ಆಹ್ವಾನಿಸುತ್ತಿವೆ.

ಗ್ರಾಮೀಣ ಪ್ರದೇಶದಲ್ಲಿ ಸಾಮಾನ್ಯ ಮಡಿಕೆ, ನೀರು ಕುಡಿಯುವ ಮಡಿಕೆ ಗಮನಿಸಿರುತ್ತೇವೆ, ಆದರೆ ಈ ಮಡಿಕೆಗಳು ವಿಭಿನ್ನ ಆಕಾರದ ಕರಕುಶಲತೆಗೆ ಒತ್ತು ನೀಡಿ, ಸೌಂದರ್ಯೋಪಾಸಕವಾಗಿವೆ.

ನೀರಿನ ಮಡಿಕೆಗಳ ವ್ಯಾಪಾರ:

ವಿವಿಧ ತರೇಹವಾರಿ ಮಡಿಕೆಯ ಪದಾರ್ಥಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿ ಮಾರಾಟ ಮಾಡಿ, ನಂತರ ನೆಲಮಂಗಲ ನಗರದಲ್ಲೂ ಮಾರಾಟ ಮಾಡುತ್ತಿದ್ದೇವೆ, ಪ್ರತಿದಿನ 3 ಸಾವಿರ ರುಪಾಯಿಯಷ್ಟು ವ್ಯಾಪಾರವಾಗುತ್ತಿರುವುದು ಸಂತಸ ತಂದಿದೆ, ಬೇಸಿಗೆ ಮುಗಿದ ನಂತರ ವ್ಯಾಪಾರ ನಿಲ್ಲಿಸುತ್ತೇವೆ, ನಮ್ಮ ಹುಟ್ಟೂರಾದ ಗುಜರಾತ್ ಗೆ ತೆರಳಿ ಮತ್ತೆ ಹೊಸ ನವೀನ ಮಾದರಿ ಮಡಿಕೆ ತಯಾರಿಸುತ್ತೇವೆ.

ಮನೆಯಲ್ಲಿ ವಿವಿಧ ಬಗೆಯ ಮಣ್ಣಿನ ಪಾತ್ರೆಗಳನ್ನು ಇಡಲು ಮಹಿಳೆಯರು ಇಷ್ಟಪಡುತ್ತಾರೆ, ಬೇಸಿಗೆಯಲ್ಲಿ ಮಡಿಕೆ ಪಾತ್ರೆಗಳಲ್ಲಿ ಹೆಚ್ಚು ಶೆತ್ಯಾಂಶವಿದ್ದು, ಆಹಾರ ಕೇಡದೆ ಮತ್ತು ರುಚಿಕರವಾಗಿರುತ್ತದೆ, ನೀರು ತಣ್ಣನೆಯದಾಗಿ ಬಡವರ ಫ್ರಿಡ್ಜ್ ರೀತಿ ಕಾರ್ಯನಿರ್ವಹಿಸುತ್ತದೆ.