ಭಾರತ ಪ್ರಪಂಚದಲ್ಲಿ ಅತಿ ದೊಡ್ಡ ಗಣತಂತ್ರ ರಾಷ್ಟ್ರವಾಗಿದೆ: ಟಿ.ಬಿ. ಜಯಚಂದ್ರ

ಕನ್ನಡಪ್ರಭ ವಾರ್ತೆ ಶಿರಾ

ನಗರದ ಶ್ರೀ ವಿವೇಕಾನಂದ ಕ್ರೀಡಾಂಗಣದಲ್ಲಿ ತಾಲೂಕು ಆಡಳಿತ ಹಾಗೂ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ವತಿಯಿಂದ ಏರ್ಪಡಿಸಿದ್ದ 75ನೇ ಗಣರಾಜ್ಯೋತ್ಸವ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಸಂವಿಧಾನವೇ ಧರ್ಮಗ್ರಂಥ: ದೇಶದಲ್ಲಿ ಹಿಂದುಗಳಿಗೆ ರಾಮಾಯಣ ಮಹಾಭಾರತ, ಮುಸ್ಲಿಂರಿಗೆ ಖುರಾನ್, ಕ್ರಿಶ್ಚಿಯನ್ನರಿಗೆ ಬೈಬಲ್ ಧರ್ಮಗ್ರಂಥಗಳು. ಆದರೆ ಭಾರತದ ೧೪೧ ಕೋಟಿ ಜನಸಂಖ್ಯೆಗೆ ಇರುವ ಏಕೈಕ ಧರ್ಮಗ್ರಂಥವೆಂದರೆ ಬಾಬಾ ಸಾಹೇಬ್ ಅಂಬೇಡ್ಕರ್ ಅವರು ಬರೆದಿರುವ ಭಾರತ ಸಂವಿಧಾನ. ಎಲ್ಲರೂ ಸಂವಿದಾನದ ಆಶೋತ್ತರ ಈಡೇರಿಸುವಲ್ಲಿ ಪ್ರಯತ್ನ ಮಾಡಬೇಕಿದೆ. ದೇಶಕ್ಕೆ ಸಂವಿಧಾನ ರಚಿಸಲು ಸುಮಾರು 7 ಜನರ ಸಮಿತಿಯನ್ನು ಮಾಡಲಾಯಿತು. ಬಾಬಾ ಸಾಹೇಬ್ ಅಂಬೇಡ್ಕರ್‌ ಅವರು ಕರಡು ಸಮಿತಿಯ ಅಧ್ಯಕ್ಷರಾಗಿ ಕರಡನ್ನು ಅಂತಿಮ ಮಾಡಬೇಕಾದಾಗ ಬಹುಷ್ಯ ಉಳಿದ ಆರು ಜನ ಒಂದಲ್ಲಾ ಒಂದು ಕಾರಣದಿಂದ ಅನಾರೋಗ್ಯದ ನಿಮಿತ್ತ ಯಾವುದೇ ಸಭೆಗಳಿಗೆ ಬರಲು ಸಾಧ್ಯವಾಗಲಿಲ್ಲ. ಅಂತಹ ಸಂದರ್ಭದಲ್ಲಿ ಅಂಬೇಡ್ಕರ್‌ ಅವರು ಒಬ್ಬರೇ ಈ ದೇಶಕ್ಕೆ ಬೃಹತ್ ಸಂವಿಧಾನ ರಚಿಸುವ ಕೆಲಸ ಮಾಡಿದರು ಎಂದರು.

ನಾವು ಕೇವಲ ರಾಮ ಮಂದಿರ ಕಟ್ಟಿದರೆ ಎಲ್ಲವೂ ಸಾಧನೆಯಾಗುವುದಿಲ್ಲ. ರಾಮನ ಆದರ್ಶವನ್ನು ಮೈಗೂಡಿಸಿಕೊಳ್ಳಬೇಕಾದಾಗ ದೇಶದಲ್ಲಿರುವ ಅಸಮಾನತೆ, ಬಡತನ, ನಿರುದ್ಯೋಗ, ಅಪೌಷ್ಟಿಕ ಸಮಸ್ಯೆ ಎಲ್ಲವೂ ನಿವಾರಣೆಯಾಗಬೇಕಾದರೆ ಎಲ್ಲರೂ ಕಂಕಣಬದ್ದರಾಗಿ ದುಡಿಯಬೇಕು. ಆಗ ಮಾತ್ರ ಈ ದೇಶದಲ್ಲಿ ರಾಮರಾಜ್ಯ ಆಗಲು ಸಾಧ್ಯವಾಗುತ್ತದೆ ಎಂದರು.

ಗಮನ ಸೆಳದ ಸಾಂಸ್ಕೃತಿಕ ಕಾರ್ಯಕ್ರಮ: ಗಣರಾಜ್ಯೋತ್ಸವ ಸಮಾರಂಭದಲ್ಲಿ ನಗರದ ಹಲವು ಶಾಲಾ ಮಕ್ಕಳಿಂದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು. ದೇಶ ಭಕ್ತಿಗೀತೆಗೆ ಸಂಬಂಧಪಟ್ಟ ನೃತ್ಯರೂಪಕಗಳು ನೆರದಿದ್ದವರ ಮನ ಸೆಳೆದವು.