ಕೃಷಿ, ರೈತರ ಬಗ್ಗೆ ಮಕ್ಕಳಲ್ಲಿ ಗೌರವಭಾವ ಮೂಡಿಸಿ

ಮುಂಡರಗಿ: ರೈತರು ಹಾಗೂ ಕೃಷಿ ಬಗ್ಗೆ ಅಸಡ್ಡೆ ತೋರಿದರೆ ಭವಿಷ್ಯದಲ್ಲಿ ಸಂಕಷ್ಟಕ್ಕೆ ಈಡಾಗುತ್ತೇವೆ. ವಿದ್ಯಾರ್ಥಿ ದೆಸೆಯಲ್ಲಿಯೇ ಮಕ್ಕಳಿಗೆ ಕೃಷಿ ಹಾಗೂ ರೈತರ ಬಗ್ಗೆ ಗೌರವಭಾವ ಮೂಡಿಸಬೇಕು ಎಂದು ಕರ್ನಾಟಕ ರಾಜ್ಯ ರೈತ ಸಂಘದ ಕಾರ್ಯದರ್ಶಿ ಶಿವಾನಂದ ಇಟಗಿ ಹೇಳಿದರು.

ಇಂದು ಕೂಡು ಕುಟುಂಬಗಳು ಉಳಿದಿದ್ದರೆ, ತಂದೆ ತಾಯಿಗಳು ವೃದ್ಧಾಪ್ಯದಲ್ಲಿ ನೆಮ್ಮದಿಯಿಂದ ಕಾಲ ಕಳೆಯುತ್ತಿದ್ದರೆ ಅದು ರೈತಾಪಿ ಕುಟುಂಬದಲ್ಲಿ ಮಾತ್ರ ಸಾಧ್ಯ ಎಂದರು.

ಇತ್ತೀಚಿನ ದಿನಗಳಲ್ಲಿ ಕೃಷಿಯಲ್ಲಿ ಖುಷಿ ಕಂಡ ನಾಡಿನ ಹತ್ತು ಜನ ಕೃಷಿ ನಾರಿಯರ ಸಾಧನೆ ಕುರಿತು ನಾಲ್ಕನೇ ತರಗತಿಯ ಹದಿಮೂರು ಮಕ್ಕಳು ಮಾತನಾಡಿದರು. ಮಕ್ಕಳಿಂದ ನೇಗಿಲಯೋಗಿ ಹಾಗೂ ಅನ್ನದಾತ ನೃತ್ಯ ರೂಪಕಗಳು ಪ್ರದರ್ಶನಗೊಂಡವು.

ಶಿಕ್ಷಕರಾದ ಎಂ.ಆರ್.ಗುಗ್ಗರಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಪಿ.ಎಂ. ಲಾಂಡೆ ಸ್ವಾಗತಿಸಿ,ಪಿ.ಆರ್‌.ಗಾಡದ ನಿರೂಪಿಸಿ, ಶಿವಲೀಲಾ ಅಬ್ಬಿಗೇರಿ ವಂದಿಸಿದರು.