ಕನ್ನಡ ಉಳಿಸಿ, ಬೆಳೆಸುವ ಜವಾಬ್ದಾರಿ ನಮ್ಮೆಲ್ಲರದು

ಕನ್ನಡಪ್ರಭ ವಾರ್ತೆ ಬಾಗಲಕೋಟೆ

ನವನಗರದ ಜಿಲ್ಲಾ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ 70ನೇ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದ ದ್ವಜಾರೋಹಣ ನೆರವೇರಿಸಿ ಅವರು ಮಾತನಾಡಿದರು. ಕನ್ನಡ ನಾಡಿನಲ್ಲಿ ಮಾತೃಭಾಷೆಯಾದ ಕನ್ನಡಕ್ಕೆ ಪ್ರಥಮ ಆದ್ಯತೆ ಎಂಬ ನೀತಿಯನ್ನು ಸರ್ಕಾರ ಕಟ್ಟುನಿಟ್ಟಾಗಿ ಜಾರಿಗೊಳಿಸಿ, ಇದಕ್ಕೆ ಪೂರಕವಾಗಿ ಎಲ್ಲ ಹಂತಗಳಲ್ಲಿ ಕನ್ನಡದ ಅನುಷ್ಠಾನಕ್ಕೆ ಮುಂದಾಗಿದೆ. ಈ ನೆಲದ ಭಾಷೆ, ಸಾಹಿತ್ಯ, ಕಲೆ, ಸಂಸ್ಕೃತಿ ಮತ್ತು ಪರಂಪರೆ ಆರಾಧಿಸುತ್ತಿದ್ದು, ಅದನ್ನು ಉಳಿಸಿ ಬೆಳೆಸು ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂದರು.

ಪ್ರಸಕ್ತ ಸಾಲಿನ ಬಜೆಟ್‌ನಲ್ಲಿ ಘೋಷಿಸಿದಂತೆ ಬಾಗಲಕೋಟೆಯಲ್ಲಿ ಸರ್ಕಾರಿ ವೈದ್ಯಕೀಯ ಮಹಾವಿದ್ಯಾಲಯ ಪ್ರಾರಂಭಕ್ಕೆ ಶೀಘ್ರದಲ್ಲಿಯೇ ಭೂಮಿಪೂಜೆ ನೆರವೇರಿಸಲಾಗುತ್ತಿದೆ. ಅವಶ್ಯವಿರುವ ವೈದ್ಯಕೀಯ ಕಾಲೇಜು ಕಟ್ಟಡ, ಬಾಲಕರ, ಬಾಲಕಿಯರ ಹಾಸ್ಟೇಲ್‌ಗಳು, ಬೋಧಕ ಸಿಬ್ಬಂದಿ ವಸತಿ ಗೃಹಗಳು ಹಾಗೂ ಇತರೆ ಪೂರಕ ಕಾಮಗಾರಿಗಳಿಗೆ ಅವಶ್ಯವಿರುವ ₹450 ಕೋಟಿ ಅನುದಾನಕ್ಕೆ ಮಂಜೂರಾತಿ ನೀಡಲಾಗಿದೆ. ಜಿಲ್ಲೆಯಲ್ಲಿ ಕೈಗೊಂಡ ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆಯಲ್ಲಿ ಶೇ.99.56ರಷ್ಟು ಪ್ರಗತಿ ಸಾಧಿಸಲಾಗಿದೆ ಎಂದರು.

ಈ ವೇಳೆಯಲ್ಲಿ ಸಮೂಹ ಗೀತ ಗಾಯನ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಹಾಗೂ ಪಥ ಸಂಚಲನದಲ್ಲಿ ವಿಜೇತರಾದವರಿಗೆ ಪ್ರಶಸ್ತಿ ನೀಡಲಾಯಿತು. ಕಾರ್ಯಕ್ರಮದಲ್ಲಿ ಸಂಸದ ಪಿ.ಸಿ.ಗದ್ದಿಗೌಡರ, ರಾಜ್ಯಸಭಾ ಸದಸ್ಯ ನಾರಾಯಣಸಾ ಭಾಂಡಗೆ, ವಿಧಾನ ಪರಿಷತ್ ಶಾಸಕ ಪಿ.ಎಚ್.ಪೂಜಾರ, ನಗರಸಭೆ ಅಧ್ಯಕ್ಷೆ ಸವಿತಾ ಲೆಂಕನ್ನವರ, ಗ್ಯಾಂಟಿ ಯೋಜನೆ ಅನುಷ್ಠಾನ ಪ್ರಾಧಿಕಾರದ ಜಿಲ್ಲಾಧ್ಯಕ್ಷ ಅನೀಲಕುಮಾರ ದಡ್ಡಿ, ಜಿಲ್ಲಾಧಿಕಾರಿ ಸಂಗಪ್ಪ, ಜಿಪಂ ಸಿಇಒ ಶಶಿಧರ ಕುರೇರ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸಿದ್ದಾರ್ಥ ಗೋಯಲ್, ಉಪ ಅರಣ್ಯ ಸಂರಕ್ಷಣಾಧಿಕಾರಿ ರುಥ್ರೇನ್, ಅಪರ ಜಿಲ್ಲಾಧಿಕಾರಿ ಅಶೋಕ ತೇಲಿ, ಉಪವಿಭಾಗಾಧಿಕಾರಿ ಸಂತೋಷ ಜಗಲಾಸರ, ತಹಸೀಲ್ದಾರ್‌ ವಾಸುದೇವಸ್ವಾಮಿ ಸೇರಿದಂತೆ ಇತರರು ಇದ್ದರು.

ವಿವಿಧ ಕ್ಷೇತ್ರಗಳಲ್ಲಿ ಗಣನೀಯ ಸಾಧನೆ ಮಾಡಿದ ಸಾಧಕರನ್ನು ಸನ್ಮಾನಿಸಲಾಯಿತು. ಗೋವಿಂದರಾಮ ಕರವಾ, ಜ್ಯೋತಿ ಪಾಟೀಲ (ಹಿಂದೂಸ್ತಾನಿ ಸಂಗೀತ), ಚಂದ್ರಕಾಂತ ಆಲೂರ, ಶ್ಯಾಮಲಾ ಲಕ್ಷ್ಮೇಶ್ವರ (ಸಂಗೀತ), ಅನಿತಾ ಪಾಟೀಲ (ಸಾಹಿತ್ಯ), ನಾಗಪ್ಪ ಕತ್ತಿ (ವಚನ ಸಾಹಿತ್ಯ), ತಪ್ಪಣ್ಣ ರಾಮವಾಡಗಿ (ಗಇರ್ ಗಮ್ಮತ್ತ), ಲಲತವ್ವ ಮೇತ್ರಿ, ಬೌರವ್ವ ಬಾಗನ್ನವರ, ದೊಡ್ಡವ್ವ ಹುಗ್ಗಿ (ಚೌಡಕಿಪದ), ಸಿದ್ದಪ್ಪ ಕಂಚು, ಹನಮಪ್ಪ ಭಜಂತ್ರಿ, ಉಮ್ಮಣ್ಣಪ್ಪ ಯರಗಲ್ಲ (ಕರಡಿ ಮಜಲು), ಲಚ್ಚಮ್ಮ ಖಜ್ಜಿಡೋಣಿ, ಚಂದ್ರಶೇಖರ ನಡುವಿನಮನಿ (ಭಜನಾಪದ), ಹಣಮಂತ ಕಾಲತಿಪ್ಪಿ (ಹಾರ್ಮೋನಿಯಂ), ಮನೋಹರ ಮಾಯಾಚಾರ್ಯ (ಶಿಲ್ಪಕಲೆ), ಬಸವರಾಜ ಕಡೆಮನಿ, ಲಕ್ಷ್ಮಣ ಕತ್ತಿ, ಶರಣಬಸಪ್ಪ ಖಂಡೋಜಿ (ನಾಟಕ), ಮಲ್ಲಯ್ಯ ಸಂಬಾಳಮಠ, ಸೈದಪ್ಪ ತಳಗೇರಿ, ಅನಂತ ಬಬಲೇಶ್ವರ (ಹವ್ಯಾಸಿ ರಂಗಭೂಮಿ), ರೇಷ್ಮಾ ಅಳವಂಡಿ (ವೃತ್ತಿ ರಂಗಭೂಮಿ), ಶಿವಾನಂದ ಮಾಳಿ, ಭೀಮನಗೌಡ ಗೌಡರ (ರಂಗಭೂಮಿ), ಕೃಪಾ ಸುಂಕದ, ಉದಯಕುಮಾರ ಅಂಗಡಿ (ಕ್ರೀಡೆ), ಶಿವಲಿಂಗಪ್ಪ ರಾಂಪೂರ, ಹುಚ್ಚಪ್ಪ ಯಂಡಿಗೇರಿ (ಸಮಾಜ ಸೇವೆ), ಶಂಕರ ಹನಗಂಡಿ, ಅಲ್ಲಾಸಾಬ ಯಾದವಾಡ, ರೋಹಿತ ವಿ.ಕೆ (ಸಮಾಜ ಸೇವೆ), ಸಂಗಪ್ಪ ಜಡಿಮಠ, ವಿವೇಕಾನಂದ ಗರಸಂಗಿ, ಮಲ್ಲಿಕಾರ್ಜುನ ತುಂಗಳ, ಶ್ರೀನಿವಾಸ ಬಬಲಾದಿ, ಅನಿರುದ್ದ ಗಲಗಲಿ (ಪತ್ರಿಕಾ ಕ್ಷೇತ್ರ್ರ), ಅಶೋಕ ಚಿತ್ರಗಾರ (ವೈದ್ಯಕೀಯ), ಪ್ರಶಾಂತಕುಮಾರ ಹಂಚಾಟಿ (ಸಾಮಾಜಿಕ ಮತ್ತು ಆರ್ಥಿಕ), ಡಾ.ವಿ.ಎಚ್.ಮೂಲಿಮನಿ (ಜೀವರಸಾಯನ ಶಾಸ್ತ್ರ), ಬಸವರಾಜ ಕಾಂಬಳೆ (ರೈತ ಮುಖಂಡ), ಅಜೀತ ಮಣ್ಣಿಕೇರಿ (ಶಿಕ್ಷಣ), ಪುಲಕೇಶಿ ಪಾವಟಿ (ನ್ಯಾಯಾಂಗ), ರಾಮಣ್ಣ ಬಿರಾದಾರ (ಪೊಲೀಸ್), ಸಂಗಪ್ಪ ಹಂಡರಗಲ್ಲ (ಭಜನಾಪದ) ಈ ಎಲ್ಲರನ್ನು ಗಣ್ಯರು ಸನ್ಮಾನಿಸಿ ಗೌರವಿಸಿದರು.