ಬಡವರಿಗೆ ಐಟಿಐ ಶಿಕ್ಷಣ ವರದಾನ

ಶಿಗ್ಗಾಂವಿ: ಭಾರತೀಯ ಯುವಕ-ಯುವತಿಯರ ಕೌಶಲ್ಯಕ್ಕೆ ಇಡೀ ವಿಶ್ವವೇ ನಿಬ್ಬೆರಗಾಗಿದೆ. ಗುರುಕುಲ ಮಾದರಿ ಪದ್ಧತಿಯಿಂದ ಅತ್ಯಾಧುನಿಕ ತಾಂತ್ರಿಕ ಶಿಕ್ಷಣದವರೆಗಿನ ಶಿಕ್ಷಣ ಪಡೆದವರಿಗೆ ಜಗತ್ತಿನ ಎಲ್ಲ ಕ್ಷೇತ್ರಗಳಲ್ಲಿ ಬಹಳಷ್ಟು ಅವಕಾಶಗಳಿವೆ ಎಂದು ಕೈಗಾರಿಕಾ ತರಬೇತಿ ಮತ್ತು ಉದ್ಯೋಗ ಇಲಾಖೆಯ ಹುಬ್ಬಳ್ಳಿ ವಿಭಾಗೀಯ ಕಚೇರಿಯ ಜಂಟಿ ನಿರ್ದೇಶಕ ಡಾ. ಬಸವಪ್ರಭು ಹಿರೇಮಠ ತಿಳಿಸಿದರು.

ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯ ಉದ್ಯೋಗಾಧಿಕಾರಿ ಚೈತನ್ಯಕುಮಾರ ಮೋಹಿತೆ ಮಾತನಾಡಿ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದ ಟೊಯೋಟಾ ಕಿರ್ಲೋಸ್ಕರ್, ಹೋಂಡಾ, ಮಾರುತಿ ಈ ಮೇಳದಲ್ಲಿ ಭಾಗವಹಿಸಿದ್ದು ಅತ್ಯಂತ ಸಂತಸ ತಂದಿದೆ ಎಂದರು.

ತಾಂತ್ರಿಕ ನೆರವನ್ನು ವಿಶಾಲಾಕ್ಷಿ ಜಾಧವ, ದೀಪಾ ಜಕ್ಕಣ್ಣವರ, ಮಹ್ಮದ್ ರಫಿಕ್ ಬೆಳಗಾಲಪೇಟೆ, ಶ್ರೇಯಾ ಪಾಟೀಲ ಒದಗಿಸಿದರು. ಶಶಿಕಾಂತ ರಾಠೋಡ ಕಾರ್ಯಕ್ರಮ ನಿರ್ವಹಿಸಿದರು. ಸುಭಾಷ ಮುದಿಗೌಡ್ರ ಸ್ವಾಗತಿಸಿದರು. ವಿನಯ್ ತೋರಗಲ್ ವಂದಿಸಿದರು.